إحنا أصل المسلمين

.
.
إحنا أصل المسلمين

*********

المحَن ح تزول .. يابلدى

طول مافيكى المخلصين

إحنا شعب التقوَى زادُه

و احنا أصل المسلمين

ياغيلان الشر غوروا

وارفعـوا عنـَّا الإيدين

مش ح ننصاع ليكوا أبدا

و انتو عارفين احنا مين

أمنا .. مصر الحضـاره

واحنا .. ناسها الطيبين

نِدعى لو نزعل عليها

ونكره اللى يقول .. آمين

.
اللى مَد إيديه .. لحقنا

واحنا داخلين ع الغريق

خد بإيدنا وقال : معاكم

مهما ح يطول الطريق

واللى فى المحنه .. شاركنا

وجه آزرنا .. دا الصديق

واللى جنب الشعب ساندُه

يد واحده وكان .. رفيق

واللى قال يامصر إعلى

ماتخافيش من أى ضِيق

واللى خطَّط .. للى جاى

أو رسَم .. خارطة طريق

مِنـَّا له .. ألفين تحيــَّه

دا ابنها بحق .. وحقيق

.
إحنا شعب الكل عارفُه

قلبنا .. زى الحديـــــد

إحنا شعب ماخافش عُمره

من رصاص أو من وعيد

عُمر ما الخوف يوم عرفنا

عزمنا صلب .. وشديــد

مين عدانا يشوف نهايته

حتى لو شيطان .. مريد

رأينـــا .. قلنــاه صريح

للقُريِّب .. والبعيـــــــد

خمسميت مليون نعـــم

لجل دستورنا الجديـــد

.
محمد البسيونى .. 01.21.2014

شكرا لفرحتك فحتنا أخي بسوني
***
أبوس عيونك وعيون مصر خدوني

شعب لسى عيوني ما شافت عيوني

فوق الجبين وعلى رأسي كف سلامي

وأمانينا ترجع الطمانينة واللب النوني.

***
تحياتي ، نبضك لمخالج لحسن ظنوني.

الأستاذ الشاعر محمد بيك البسيوني

دائماً تبدع وتطوع الحروف كيف ما تشاء فتصل إلى السامع فى إطار شعري رائع

قلت يا أستاذ محمد

واللى فى المحنه .. شاركنا

وجه آزرنا .. دا الصديق

واللى جنب الشعب ساندُه

يد واحده وكان .. رفيق

واللى قال يامصر إعلى

ماتخافيش من أى ضِيق

واللى خطَّط .. للى جاى

أو رسَم .. خارطة طريق

مِنـَّا له .. ألفين تحيــَّه

أعلم أن النقاش والجدال فى هذا الطريق لن يجدي نفعا
لكن الكلمات استفزتني وكأن الكاتب يعيش فى مصر غير مصرنا
هناك أختلاف فى الرأى شارعنا الكبير لكن ايضا هناك حقائق وأعين تنظر وواقع مرير لن تجد لكلماتك السابقة فيه نصيب
لكن بعد هذه الكلمات دعني أقول لك قول هاتوا برهانكم إن كنتم صادقين
ثم قلب البصر من حولك سيرجع لك وهو حسير

الشاعر المحترم محمد بيك البسيوني ليس من الأدب أن اقدم لحضرتك نصيحة
لكن أتمنى أن لا يكون التوجه السياسي للشعراء نظارة سوداء لا يرون من تحتها الحقائق فتتشوه أشعارهم .
كل التحية والتقدير لك

» إحنا مجاهدين
» سمية أشرف
» وعشان كده إحنا إخترناك
» إحنا آسفين ياصلاح
» إحنا بتوع الجِبنَة النِستـو !!!