وعشان كده إحنا إخترناك

وعشـان كـده إحنا إخترناك

شعر / محمد البسيونى

********************

صقر وكان بيجول فى سمانا

يزرع رعب ف قلب عِدانـا

وف أكتـوبر بهَر الدنيــا

طار على سينا..عبرنا وراه

وعشان كده ..إحنا اخترناه

سنه والتانيه هد وخصخص

جهِّز ضِلُّه عشـان يتورَّث

يرجع عصر المماليك تانى

تِبقى مصيبه ياخلق اللـه

وعشان كده ..إحنا سألناه

قال : التوريث انسوه خالص

أنا على مصر الجُندى الحارس

لا ح ورَّثها ولا راح اسيبها

هاخدمها ورزقى على الله

لجل طيبتنـا .. صدَّقنـاه

لكن الشعب صرخ م الجوع

حق الشكوى صَبح ممنوع

واتنقل المجلس للشــارع

قال : يتسلوا..غروره ملاه

وصل الكِبر ف قلبـه مداه

قلنـا : مدام الرأى أسير

ح نروح نِعلنُه فى التحرير

قلنا له : ياكبير فين عدلك؟

من تلاتين سنه .. نستناه

فبَعت "عـدلُه" بكل قِـواه

وبعت خيل وجمال لميدانا

داسوا بناتنا وقتلوا ولادنا

قلنا أكيد دا دَخيل مُش مِنَّا

يِرضَى اللى حصل ده لضناه

وعشان كده..إحنا كرهناه

فجأه لقينا الأرض اتباعت

واتنهبِت ثروتنا وضاعت

ورغيف العيش مُش لاقيينُه

وهو الملايين مش قانعـاه

وعشان كده..إحنا حاكمناه

لكن الفتنه طغت ع الوش؟

والقضا عندنا مابيظلمش

يااااااتمانين مليون اخوات!!

لو عاوزين للفتنه ممات

يبقى اعتصموا بحبل الله

يبقى اعتصموا بحبل الله

لا هيغدينى ولا يعشينى
ولا فيه مصلحه بينه وبينى
طلع روحنا وطلع عينى
قلت له روح منك لله
علشان كده.................
استاذى محمد البسيونى
تسلم الايادى
انت كتبت اللى المفروض يتقال فيه
مش أغنية المدح اللى انا وانت والكل عرفينها
اللى كانت بتثير السخرية فى نفوس كل المصريين
اعجبتنى كلاماتك وبالأخص خاتمتها
تحياتى لقلمك المحب للوطن

وعشان كده .. بدعي عليكو في الحسين

واكنس عليكو السيده .. علشان كده

هههههههههههههههههههههههههه

ياريت نعتصم بحبل الله جميعا فعلا ولا نتفرق كي نخرج من عنق الزجاجه
تحياتي يا استاذ/ محمد علي النص الرائع الي ابتديته من اول انجازات الرئيس ومررت بتدهور حكمه لحد بعد الثوره
حقا تأريخ جميل وحيادي في نص شعري رائع
تقبل تحياتي يا شاعر

اخى الحبيب الشاعر الكبير

محمد البسيونى

يتم أولاّ تنسيق النص وتثبيته

ولى عودة له إن شاء الله .

مودتى لحين عودتى ...

مين اللى لك قال بس

انه بينا لو يوم حس

و أنه صاحب الضربه الجويه

تزيف وحياتك ف ملف

ولا يعرف مين أصل بهيه

خدعه خدعنا بيها وخلاص

يزرع بيها جذور مصريه

دمت جميل شاعرنا الكبير محمد البسيونى

وتقبل خربشاتى ايها الرائع

دمت ودام أبداعك

دمت بحب

وعشان كده انت المبدع محمد البسيوني
وعشان كده هو طالب العفو والسماح
تخيل؟
طب رد انت عله بقي
نسامحموه ازاي بعد كل اللي انت قلته ده
علشان ايه؟
علشان كده

المبدع / محمد البسيوني
تحياتي لك
..
فجأه لقينا الأرض اتباعت

واتنهبِت ثروتنا وضاعت

ورغيف العيش مُش لاقيينُه

وهو الملايين مش قانعـاه

وعشان كده..إحنا حاكمناه

رائع وجميل كعادتك استاذي
دمت بود

اخى الحبيب الشاعر الكبير

محمد البسيونى

انت وضعت صورته وفسرت فترة حكمه على مدار ثلاثين عاماّ .

وهو كما عاهدناه رجل كاذب بكل ما تحمل هذه الكلمه من معنى .

فقد قال فى احدى خطاباته : لن ابيع القطاع العام فهو ليس ملكى

وانما ملك الشعب . فهتفت له الجماهير . وما هى إلا بضعة اشهر

وجاء بقانون الخصخصه التى اضاع البلد .

ثم قال لا مجال للتوريث فمصر ليست ملكيه . فهتف له الشعب

ثم اجرى تعديلاّ للدستور حتى يجد مخرجاّ للتوريث فيجعل هذا

المتخلف الحاقد ذو القلب الاسود رئيساّ لمصر .

رجل كاذب وافعاله كلها كانت ضد الشعب . فهو القائل :

انا مدرسه فى العِند . وبالفعل عاند الشعب حتى كاد ان يقهره عنداّ .

رجل ساعد على الفساد . بل وافسد وطن باكمله . وجزاء لما جنت

يداه لابد وان يُحاكم ويُسجن .

اخى الحبيب محمد

انت كتبت :

يااااااتمانين مليون اخوات!!

لو عاوزين الفتنه تبـات

يبقى اعتصموا بحبل الله

يبقى اعتصموا بحبل الله

وهنا المعنى اختلف . فلإعتصام بالله لايجعل الفتنة تبات فى مصرنا .

بل الإعتصام بالله يُذهبها . فكان يجب ان تكتب :

ياتمانين مليون اخوات

لو عايزين للفتنه ممات

يبقى اعتصموا بحبل الله

تقبل ملحوظتى فالمعنى هنا يخدم النص .

خالص مودتى وتحياتى ...

الكبير والقدير محمد البسيونى
دام لنا عذب شدوك يا استاذنا
والله اطربتنا بكلماتك يا غالى
تقبل استاذى اعجابى بما خطت يمناك
Very Happy

مبدعنا الكبير استاذ محمد البسيوني
الله عليك
لقد سردت القصه ببراعه ورتبت الاحداث باتقان
تحياتى لروعة حرفك
Very Happy

يااااااتمانين مليون اخوات!!

لو عاوزين الفتنه تبـات

يبقى اعتصموا بحبل الله

يبقى اعتصموا بحبل الله

نص راقى بديع سلمت لنا شاعرنا القدير /محمد البسيونى

مضمون معبر بقوة وسلاسه

وعلشان كده اعجز عن الرد امام الاسلوب الراقى

تقبل مرورى واعجابى بما قدمت استاذنا

حسن الجمال كتب :

لا هيغدينى ولا يعشينى

ولا فيه مصلحه بينه وبينى

طلع روحنا وطلع عينى

قلت له روح منك لله

علشان كده.................

استاذى محمد البسيونى

تسلم الايادى

انت كتبت اللى المفروض يتقال فيه

مش أغنية المدح اللى انا وانت

والكل عرفينهااللى كانت بتثير

السخرية فى نفوس كل المصريين

اعجبتنى كلاماتك وبالأخص خاتمتها

تحياتى لقلمك المحب للوطن

_____________

عزيزى حسن باشا الجمال

شكرا لكلماتك الرقيقه والتى

استهللت بها صفحتى تعقيبا على

قصيدتى .

أشكرك مرة ثانية وتقبل تحياتى

محمد البسيونى

المهندس الشاعر عطيه شواش كتب :

وعشان كده .. بادعي عليه انا في الحسين

واكنس عليه السيده .. علشان كده

هههههههههههههههههههههههههه

أما أنا باعلنها له .. وعلى الملأ ..

مش فى الدِّرا

وباقول له إمتى تِقوم بقَى واشوف جنابك

فى طره

الشاعر أحمد عبد الرازق كتب :

ياريت نعتصم بحبل الله جميعا فعلا

ولا نتفرق كي نخرج من عنق الزجاجه

تحياتي يا استاذ/ محمد علي النص الرائع

اللي ابتديته من اول انجازات الرئيس ومررت

بتدهور حكمه لحد بعد الثوره .

حقا تأريخ جميل وحيادي في نص شعري رائع

تقبل تحياتي يا شاعر

العزيز احمد باشا ع الرازق

سعدت كل السعادة بتشريفك متصغحى

وإبداء رأيك الغالى .

دمت بكل حب وتقبل تحياتى

الأستاذ عادل عوض سند كتب :

اخى الحبيب الشاعر الكبير

محمد البسيونى

انت وضعت صورته وفسرت فترة حكمه على مدار ثلاثين عاماّ .

وهو كما عاهدناه رجل كاذب بكل ما تحمل هذه الكلمه من معنى .

فقد قال فى احدى خطاباته : لن ابيع القطاع العام فهو ليس ملكى

وانما ملك الشعب . فهتفت له الجماهير . وما هى إلا بضعة اشهر

وجاء بقانون الخصخصه التى اضاع البلد .

ثم قال لا مجال للتوريث فمصر ليست ملكيه . فهتف له الشعب

ثم اجرى تعديلاّ للدستور حتى يجد مخرجاّ للتوريث فيجعل هذا

المتخلف الحاقد ذو القلب الاسود رئيساّ لمصر .

رجل كاذب وافعاله كلها كانت ضد الشعب . فهو القائل :

انا مدرسه فى العِند . وبالفعل عاند الشعب حتى كاد ان يقهره عنداّ .

رجل ساعد على الفساد . بل وافسد وطن باكمله . وجزاء لما جنت

يداه لابد وان يُحاكم ويُسجن .

اخى الحبيب محمد

انت كتبت :

يااااااتمانين مليون اخوات!!

لو عاوزين الفتنه تبـات

يبقى اعتصموا بحبل الله

يبقى اعتصموا بحبل الله

وهنا المعنى اختلف . فلإعتصام بالله لايجعل الفتنة تبات فى مصرنا .

بل الإعتصام بالله يُذهبها . فكان يجب ان تكتب :

ياتمانين مليون اخوات

لو عايزين للفتنه ممات

يبقى اعتصموا بحبل الله

تقبل ملحوظتى فالمعنى هنا يخدم النص .

خالص مودتى وتحياتى ...

أخى الحبيب عادل باشا

أولا الله يسلمك

ثانيا شكرا على هذه اللفتة الفنيه

من سيادتكم وشكرا على التثبيت والتنسيق

والتلوين ..الخ أقول إيه ولا إيه جمايلك

كِترت ياريس .

كل الشكر وكل الإحترام وتقبل تحياتى

أخي وأستاذي الكبير/ محمد البسيوني

تقبل أبياتي المتواضعة:

جالنا بوعده مدة حكمه

مده وييجي رئيس من بعده

سادس مدة جابلنا أبنه

يورث حكمه ويورثناااااااا

وعشان كده احنا اخترناه

اخترناه اخترناه

يوم ماخيبتنا جابتنا وراه

اخترناه اخترناه

من أول لحظة عرفناه

اخترناه اخترناه

أصل احنا بنحب الآه

وده تهييس مش تهجيص

ولا فخفخة ولا ملك وجاه

أصله رئيس .. غاوي تلبيس

هو وعيله ماشية وراه

وعشان كده احنا اخترناه

الشاعره عزه الزرقانى كتبت :

مين اللى لك قال بس

انه بينا لو يوم حس

و أنه صاحب الضربه الجويه

تزيف وحياتك ف ملف

ولا يعرف مين أصل بهيه

خدعه خدعنا بيها وخلاص

يزرع بيها جذور مصريه

دمت جميل شاعرنا الكبير محمد البسيونى

وتقبل خربشاتى ايها الرائع

دمت ودام أبداعك

دمت بحب

أستاذتنا الكبيره الفاضله

الشاعره عزه الزرقانى

أشكر لك هذه المشاركه الطيبه

التى أنارت متصفحى وأشكر لك

متابعتك الكريمه لكل أعمال

أعضاء المنتدى .

شوفى ياأستاذه

دا لو كان بيحب بلدنا

كان فكَّر..إزاى يسعدنا

كان وفَّر لنا لقمه شريفه

كنا ساعتها وقفنا وراه

الشاعر الحبيب لقلبى طاهر الصوفانى كتب :

وعشان كده انت المبدع محمد البسيوني

وعشان كده هو طالب العفو والسماح

تخيل؟

طب رد انت عله بقي

نسامحموه ازاي بعد كل اللي انت قلته ده

علشان ايه؟

علشان كده

حبيبى طاهر باشا

شكرا على مرورك الطيب على متصفحى

وشكرا على تعقيبك الذى أضفى وأشع

نورا على القصيده .

دمت بخير وتقبل تحياتى

الشاعر محمود قطب كتب :

الكبير والقدير محمد البسيونى

دام لنا عذب شدوك يا أستاذنا

والله أطربتنا بكلماتك يا غالى

تقبل أستاذى إعجابى

الغالى أبو سلمى

اللى نفسنا نشوفها

محمود بك قطب

أسعدنى تشريفك لى بمرورك

العاطر على متصفحى ، وتعقيبك

الكريم الذى أخجلنى .

دمت بكل خير ياعزيزى

وتقبل تحياتى

محمد البسيونى

مراد ناجح عزيز كتب :

المبدع / محمد البسيوني

تحياتي لك

..

فجأه لقينا الأرض اتباعت

واتنهبِت ثروتنا وضاعت

ورغيف العيش مُش لاقيينُه

وهو الملايين مش قانعـاه

وعشان كده..إحنا حاكمناه

رائع وجميل كعادتك استاذي

دمت بود

الصديق الشاعر الذى لم

أحظى وأتشرف بلقائه

الأستاذ مراد

دائما ينشرح قلبى بكلماتك الرقيقة

التى تسعدنى برغم إبجازها .

دمت أخى بكل خير وتقبل تحياتى

محمد البسيونى

وعشان كدا انا حبيت ارجع لروعة حروفك

واختار كلماتك الزعه فى المدعو المخلوع

تحيتى لروعتك ايها الراقى القدير شاعرنا الكبير محمد البسيونى

دمت بكل حب وخير وابداع

» إحنا مجاهدين
» إحنا أصل المسلمين
» سمية أشرف
» إحنا آسفين ياصلاح
» إحنا بتوع الجِبنَة النِستـو !!!