كمال وجودي - طارق منيب

كمال وجودي

ولسة فيه قصة حتفضل مابنا
تعيش راح تميز زمانا وسنينا
لا روميو وحبيبته لا عنتر وعبلة
لا دوق ساب فـ عرشه ومُلكه فـ وهلة
حكاية جديدة غريبة وفريدة
نقول برده لسة وفاءنا ما ولى

كمال ويا جودي كانوا زوج وزوجة
لابينهم مشاكل ولا كلمة عوجة
ولا هاتلي فاكهة ولا أكل في نوجة
ولا يوم خناقة عشان عيش وشوكة
وأمًرك مطاع وأمٍرك مُطاع
وفاء ويا حكمة وحب بلزوجة

عاشوا نص قرن وأكتر كمان
وكانت مشاكله فـ كتر الحنان
وهي بتعشق بشئ مـ الجنان
حبيبها وجوزها لعمر وزمان
ماشافوش بنات .. معرفوش ولاد
وحبوا الحياة وعشقوا المكان

ولكن أجالنا دي ليها ميعاد
تفرقنا دايماً ونصبح بعاد
وسبقت حبيبها حبيب الفؤاد
وأحزانه فاقت حبال الوداد
ما صدقش نفسه .. ومن كتر بؤسه
ماصدقش جثة حتصبح رفات

جيرانه اللي حسوا إنه وقت الأجال
لقوا جودي نايمة في حضن الـ كمال
وقالوا لكمال ده شئ مـ الخيال
دي ريحة تطفش فقال لأ محال
مفيش أي ريحة.. دي نفسي الجريحة
ماعرفتش منها إلا كل الجمال

ياعنتر ماتنسى وقولها لقيس
فيه قصة جديدة وفعلاً تغيظ
زمن كله كره وحبه حبيس
ييجي اتنين يحبوا بمعدن نفيس
ده آخر تاريخنا.. وضاعت سيرتنا
وهات مارشادير.. وشد الفتيس
........................

عمل جميل أخي الشاعر / طارق منيب
وقصة أدمت القلب بحق
في انتظار جديدك أخي

عماد عبد الحكيم كتب:: عمل جميل أخي الشاعر / طارق منيب
وقصة أدمت القلب بحق
في انتظار جديدك أخي

شرف كبير ياأستاذ عماد أن تكون أول المارين على عملي

بارك الله فيك

مفارقة غريبة

هي أسمها جودي وهو أسمه كمال

ولما تجمع الأسمين

تلاقيهم كمال وجودي .. أي كمال الوجود

الذي تحقق بهما

أرجو من أحد المشرفين حذف رابط جريدة الجمهورية

حيث أستبدلت الجريدة الخبر بموضوع ثاني

ولم أتوقع ذلك

دائما رائع أيها النبيل
أحسنت أخى طارق
ووحشنا وجودك بالندوة
كل عام وانت بخير

بارك الله فيك ياأخي عاطف

وسأكون في مصر في الفترة من 24 يناير إلى 4 فبراير

وأتمنى إني أكون موجود في ميعاد الندة إن شاء الله

ايه يا عمنا الجمال ده ؟؟
تسلم ايدك طروقه .
استخدمت المتقارب بنسبة 98%
هههههههههههههههههههههههههههه
بص القصه جميله قوى .
مودتى ياغالى ..

بارك الله فيك يمعلمي وأستاذي

كنت منتظر ردك على أحر من الجمر

القصة جميلة ولما قرأتها في الجريدة

إن راجل 81 سنة وزوجته 83 سنة

تموت وهو نايم جنبها ومش مصدق أنها ماتت

لمدة خمس أيام .. ومش مصدق حتى ريحة الجثة

ويقول للجيران ريحة أيه أنا مش شامم حاجة

أظن شئ لم

يعرفه التاريخ الحقيقي أو الروائي على مدى العصور

أثرت فيا جداً .. والموت علينا حق ولكن الراجل ده

وأسمه المهندس كمال

جنون الحب خلاه يكدب أنها ماتت

المهم .. أنا معرفش يعني أيه المتقارب

أنت عارف أني جاهل

ولكن تقييمك للعمل بـ 98% أثار فضولي

أيه الـ 2% الغلط

في أنتظار ردك

بقالى حوالى نص ساعة في الصفحة مش عارف اكتب رد القصة اقوى من اى كلام ممكن يتقال .. الفرقة من اصعب ما يمكن تصوره و هى اسوأ كوابيسي الشخصية على الاطلاق.

وددت الترحيب بحضرتك فلى الكثير لم ادخل و تهنئتك على القصيدة الرائعة و لكن جلال الموقف اكبر منى

دمت بكل ود ابي الفاضل

احمد عبدالعزيز كتب:: بقالى حوالى نص ساعة في الصفحة مش عارف اكتب رد القصة اقوى من اى كلام ممكن يتقال .. الفرقة من اصعب ما يمكن تصوره و هى اسوأ كوابيسي الشخصية على الاطلاق.

وددت الترحيب بحضرتك فلى الكثير لم ادخل و تهنئتك على القصيدة الرائعة و لكن جلال الموقف اكبر منى

دمت بكل ود ابي الفاضل

الإبن العزيز الأستاذ/ أحمد عبد العزيز

السلام عليكم

مرحباً بك وليك وحشة

لو هذه القصة خيالية لقلت .. هذه مبالغة..

ولو شاهدتها في فيلم لقلت

مبالغة سينمائية من المؤلف والمخرج

ولكنها حدثت فعلاً لزوج وزوجة عاشوا 60 سنة معاً

ولما ماتت نام جنبها خمسة أيام

ومش شامم ريحة الجثة التي لا تطاق

حسب وصف الجيران

في تقديري أن هذه القصة تغلبت على

كل روايات الحب الحقيقية والخيالية على

مر العصور وحققت المركز الأول

مودتي وتقديري لمرورك الجميل

استاذنا الكريم طارق منيب
تحيه طيبه لحضرتك
اولا حضرتك شاعرنا الرائع وعارف كويس ايه هو المتقارب هههههههههههههه
ثانيا انا لاحظت ان كل شعرك له هدف ويدور حوالين حكايه اوقصه او عمل جيد ينفع الاخرين
وهذا نراه قليلا ونجده فى الفن عند بعض ممثلين قلائل ومنهم الفنان القدير محمد صبحى
استاذى الكريم طارق منيب
احيك على موضوعاتك الشعريه الجميله المنتوعه المفيده
تحياتى لحضرتك شاعرنا الراقى
دمت بخير وسعاده

مجدى سرحان كتب:: استاذنا الكريم طارق منيب
تحيه طيبه لحضرتك
اولا حضرتك شاعرنا الرائع وعارف كويس ايه هو المتقارب هههههههههههههه
ثانيا انا لاحظت ان كل شعرك له هدف ويدور حوالين حكايه اوقصه او عمل جيد ينفع الاخرين
وهذا نراه قليلا ونجده فى الفن عند بعض ممثلين قلائل ومنهم الفنان القدير محمد صبحى
استاذى الكريم طارق منيب
احيك على موضوعاتك الشعريه الجميله المنتوعه المفيده
تحياتى لحضرتك شاعرنا الراقى
دمت بخير وسعاده

الأستاذ الشاعر الأخ مجدي سرحان

السلام عليكم

صدقني معرفش يعني أيه المتقارب.. وأنا في الشعر زي الترجمان اللي بيتكلم اللغة وممايعرفش أيه قواعدها
شهادتك أعنز بها وربنا يجعلنا من الهادفين دائماً
أما بخصوص القصة فقد هزتني كثيرأ وأعتقد أنها أسمى قصة حب في التاريخ
سواء حقيقية أو روائية .. لأن كل القصص اللي قبلها
العاشقين عشقوا الجمال فقط .. ولم يعشقوا القُبح ورائحة الموتى

مودتي وتقديري لمرورك الجميل

أخوك

طارق منيب

أستاذنا المبدع / طارق منيب
قصيدة رائعة جسدت القصة بحرفية عالية وجرس موسيقي يحرك القلب قبل الأذن

فعلا قصة نادرة في زمن قل فيه الوفاء وكثر فيه الخداع

تقبل تحياتي أيها الرائع

عبدالعزيز المنسوب كتب:: أستاذنا المبدع / طارق منيب
قصيدة رائعة جسدت القصة بحرفية عالية وجرس موسيقي يحرك القلب قبل الأذن

فعلا قصة نادرة في زمن قل فيه الوفاء وكثر فيه الخداع

تقبل تحياتي أيها الرائع

بارك الله فيك ياأستاذ عبد العزيز

وسعيد جداً بمرورك وإعجابك بالقصيدة

أما عن القصة فتستحق أكثر من ذلك

فهي أسمى قصة حب على مر العصور

النص جميل والقصة اجمل

قصة فريدة فى زمن عجيب

دام الابداع

أحمد رجب معيط كتب:: النص جميل والقصة اجمل

قصة فريدة فى زمن عجيب

دام الابداع

بارك الله فيك ياأستاذ/أحمد

وفعلاً القصة جميلة وفاقت

كل خيال

أين أنتم ياأعضاء المنتدى؟

يامن تعلمتم وعلمتم؟

إنه مظهر من مظاهر عدم الوفاء ونكران الجميل لهذا المنتدى العظيم هجركم

له بهذه الطريقة!

في أنتظار معاودة نشاطكم مرة أخرى

أخوكم

طارق منيب

» صعب....تشوفنى
» بيرم منيب يعارض بيرم سند "مهداه للرئيس مرسي - طارق منيب
» هي كده.. لأ مش كده- طارق منيب
» خطر ..قطر- طارق منيب
» حرب!!!!- طارق منيب