نبتدي منين الحكايه

نبتدي منين الحكايهْ

من البدايه للنهايهْ

من النهايه للبدايهْ

مهما نسرد مهما نشرح

طبع فيكي اسمو الغوايه

لو عهدتك أو أمنتكْ

تنقضي عهدي بروايهْ

لو نصحتك أو صرحتكْ

تجعلي نصحي جنايهْ

في الزمان الأولاني

كنت موصوف بالهدايهْ

وانتخبتك يوم إعادتكْ

خدت يومها بالوصايهْ

تمدحيني وتهتفيلي

همّا دول أهل الولايهْ

بعدها عمري ما شفتكْ

واختفى رمزك يا غايهْ

فين عهودك أو دروبكْ

اختفت من كل رايهْ

عيزا منّا نكون مطيّهْ

أو نكون أصحاب دعايهْ

وإن عَرِضْنا ف يوم قرارها

خوّنونا وخرجونا مالعبايهْ

شق صفّ وأيّ صفّ

صفّ بطيخ الوشايهْ

وان أساءوا أو أعادوا

برروا الفعل بوقايهْ

كل عصر وله رجالهْ

بالروايه وبالدّرايهْ

ولّى عصر الكبر ولّى

كلّ ريّسْ خلعو آيهْ

كل صفّ همومو كرسي

هيّا غيبا حرام كفايهْ

مهما تغدر مهما تقتلْ

كل ظالم له نهــايهْ

بقلم / عبدالعزيز المنسوب

اخى الشاعر
عبد العزيز المنسوب
نص واعى بالفعل .
وانت وضعت نهايه ولا اروع .
فعلا اخى .
كل ظالم له نهايه .
تسلم ايدك .
مودتى وتحيتى ...

عادل عوض سند كتب:: اخى الشاعر
عبد العزيز المنسوب
نص واعى بالفعل .
وانت وضعت نهايه ولا اروع .
فعلا اخى .
كل ظالم له نهايه .
تسلم ايدك .
مودتى وتحيتى ...

أستاذنا القدير / عادل سند
مرورك يشرفنا ويسعدنا
كل التقدير والاحترام

» وعرفتي منين اني لغيرك
» أبدأ منين بس القصيده
» منين ماباروح بالاقي الروح
» الحكايه ايه
» ايه الحكايه