أبدأ منين بس القصيده

أبدأ منين بس القصيده .... واكلمك
وانا مش عاجبني اللى احنا فيه ولا بنهرٍِِك

تلاتين سنه بنعاني فيكي ومقهورين
والثوره قامت واتواعدنا نحررٍِك

في الصف واحد والميدان يشهد لنا
إن احنا كنا بنوهبك من عمرنا

وقع النظام .... ومعاه وقعنا ف بعضنا
وبدال ما نبني يا مصر فيكي بنهدِمِك
...
ظهرت وشوش من جلدنا ومن دمنا
بينادو بالحريه قال إيه ؟؟؟؟ لأُمنا

عايزينها تبقا جريئه بيضه ميفعه
ويقسموها يفرقوها لأربعه

تَبت إيديهم باللي عايزين يعملوه
ملعون أبوهم دول كلاب مش مننا
...
كات فين وشوشهم لما كنا بنندهس
والدم معجون بالتراب وبنتسحل

كات فين صدورهم والرصاص بيدوكنا
وف كل لحظه يروح شهيد وبيتقتل

دلوقتي بانو في الساحات ويخططو
ويمدو إيدهم للعدو بدون خجل
...

الله عليك يا رضا يا عثمان

والله يا ابنى قلت كل حاجه ووضحت فى كلمات جميله

من خاض المعركه ومن قام بجمع الغنائم .

ومن كان فى صدارة الموت ومن خرج بعد انتهاء المعركه .

احييك على وعيك وروعة نصك .

مودتى وتحيتى ...

ابو الروض
احسنت ياشاعر
كان لى شرف قراءتها على الفيسبوك والرد عليها
بدون مجاملة يارضا رائعة بكل المقاييس
تحياتى لك يابو الروض ياحبيبى

الله الله جميل هو حرفك

شاعرنا الرائع رضا عثمان
احسنت اخى