بدون عنوان

بدون عنوان
ــــــــــــــ
كل ثوره واحنا يامَهْ
والعَدَد بقى فى اليتامى
ضد مرسى ضد كرسى
ضد حكامنا القٌدامى
إللى يحكمنا بشهامَهْ
واللى يحكمنا بأتامَهْ
واللى حالف ما يفارقنا
من هنا ليوم القيامهْ
واللى راسم فوق كفوفه
سكه آخرتها السلامهْ
نمشى فيها وفى النهايه
منلاقيش غير الندامهْ
واللى طالح واللى صالح
كلها لعبة مصالح
واللى دوَّر وشه عنك
بعد حبَّه يقوم يصالح
واحنا من ثوره لْمناورهْ
لانتخاب مشبوه لدورهْ
للجدال ابن المُحاورهْ
واللى فاهم إنه فاهم
يبقى معدوم الفَهَامهْ
كل ثوره واحنا يامَهْ
والتمن كان برضه يامَهْ
إللى اخوه مات بالرصاصْ
واللى راح جُمعةْ خلاصْ
واللى عايش عمره كله
بس يحلم بالقَصاصْ
والقصاص منَّا ولينا
والعيار لو إيدنا داست
ع الزناد حيرُد فينا
وان طوفان الدم خدنا
مش حتنقذنا السفينه
إلا لو شيلنا الغَمامهْ
كل ثوره واحنا يامَهْ

عمل رائع بصدق

محمد عبد الواحد كتب:

الأستاذ الشاعر فواد

إستمتعت بكلماتك

دامت روعتك

بل أنا الذى استمتعت بمرورك الطيب أخى الحبيب
دمت بكل خير

عاطف الجندى كتب:

أخى فؤاد
وحشنا وجودك جدا يا صديقي
لعبت بالقافية جيدا وأحسنت
كشاعر محترف لم أحس بصعوبة ما يكتب وكأنه يغرف من بحر مشاعره
يعبر على حال  بلد لم ينصلح حاله حتى بعد ثورتين ولكن سيظل الأمل فى مصر
التى تكون بحجم أمنياتنا
دمت شاعرا معبرا

والله إنت إللى واحشنى قوى أستاذى الحبيب
وأنا سعيد إن النص عجبك وبشكرك على مجاملتك الرقيقه
وإن شاء الله نلتقى قريبا على خير
تحياتى وتقديرى

عماد عبد الحكيم كتب:

عمل رائع بصدق

مرورك الأروع أخى الفاضل واتمنى أن أكون دوما عند حسن الظن

مبارك أخي فؤاد ..
تستحقها بصدق

حبيب قلبى الشاعر الرائع المتالق دائما
الاستاذ فؤاد ابراهيم

تحياتى وتقديرى وشكرا على امتاعنا بتلك القصيدة الغنائيىة الوطنية بكلماتها الرائعة .
ودمت بكل خير ومحبة وسعادة ودام ابداعك الرائع .

أين أنتم ياأعضاء المنتدى؟

يامن تعلمتم وعلمتم؟

إنه مظهر من مظاهر عدم الوفاء ونكران الجميل لهذا المنتدى العظيم هجركم له بهذه الطريقة!

في أنتظار معاودة نشاطكم مرة أخرى

أخوكم

طارق منيب