غانا علامة

غانا علامه
******
على راس القامه

غانا علامه

لكأس العالم

داخله حمامه
***
جتنا اضامه

فرقه مريضه

روحنا معاها

رجعنا يتاما
*******
انت معانا

*****
ياله نحلل

فرقه تخلل

فجل وبصل

رايحه تهلل

جات تتذلل

عندها حاله
*******
لو لسه معانا

حلل ويانا
******
تحليل الفيلم اللى جرى

الماتش جه . عكس لورى

فرقتنا كانت مسخره

جنب الزوايا متبعتره

القرود غلبت اسود

بسته حلوه مقشره

ياميت خساره ياعنتره
************

بدأ الماتش

*********

لعبنا الكوره ** اخدنا التوره

الماتش الجاى ** ح نكمل فوره

فرقه عليله ** شيلتها تقيله

سكه كروديا ** عاوزين صوره
********
سته فى خمسه

خمسه فى سته

اجدع منهم عزه ونورا
************
يعنى الخيبه عليها العيبه

تطلع عوره
**********
قالو ا الوكسه زى النكسه

قلت النكسه جات مقهوره
**********
اما الوكسه

فرقة مصر كانت مغروره
************
لعبنا الكوره ** اخدنا التوره

الماتش الجاى ** ح نكمل فوره

اخى الفاضل وشاعر الكريم سعد الشرقاوى
تحيه طيبه لحضرتك
اشكرك على مرورك الذى يبعث فينا الامل من جديد وسننتظر القادم ان شاء الله
ونخرج من حاله القلق التى تمر بنا فى جميع الاتجاهات
ربنا يعود على شعبنا ومصرنا الحبيبه الحب والامن والامان يارب العالمين
اخى الفاضل
سلمت يداك
تحياتى لحضرتك
دمت بخير وسعاده

استاذى الكريم وشاعرنا الراقى محمود جمعه

تحيه طيبه لحضرتك

نعم يااستاذى صدقت لقد خاننى التعبير فنحن جميعا خلق الله نسأل الله العفو والسماح فى هذا اللفظ
ان شاء الله ح اغيرها
استاذى الكريم نعم نحن نتلهف على اى نجاح لااننا فى حاله حرجه للغايه والناس اصبحت لاتشعر بمعنى الحياه
ولكن اقول هذا من اشغالنا بالدنيا والجرى ورائها وبعدنا عن الله اسأل الله ان يعفوا عنا ويستجيب دعوانا
ثانيا يااستاذى
هزيمتنا فى هذه المباراه ضيعت معها فرحه العيد
ربنا ينصر الشعب المصرى الى مايحبه ويرضاه
اشكرك يااستاذى
على مرورك الكريم ونصائحك الطيبه
كل عام وحضرتك والاسره الكريمه بخير وسعاده
تحياتى وتقديرى

هههههههههههههههه
شر البلية ما يضحك
منهم لله
ابدعت يا استاذنا

شاعرنا الكبير عمنا حمدى شبانه
تحيه طيبه لحضرتك
والله يااستاذ حمدى انا زعلت اوى لاان ابنى مولود فى ايطاليا واصحابه فى المدرسه فضحوه
وقالوله المفروض فريق مصر يشارك فى مسابقة المراجيح ههههههههه وابنى جاى زعلان اوى
من كلمة المراجيح دى
وبصراحه انا معدتش بتكلم مع اصدقائى عن الكوره خالص
الفريق فضحنا عالميا يااستاذ حمدى
ربنا يكشف عن مصر الغمه يارب
اشكرك على مرورك الكريم يااستاذى
تحياتى لحضرتك
دمت بخير وسعاده

شاعرنا الكبير احمد رجب
تحيه طيبه لحضرتك
نعم يااستاذى صدقت فعلا شر البليه مايضحك
ولكن الفضيحه بتاع فريقنا اصبحت عالميه
ابنى هنا بيروح المدرسه ويرجع متعكنن عليه من تريقه اصدقائه
ربنا ينصرنا فى الماتش القادم 5 صفر ونرد اعتبرنا
اشكرك على مرورك الكافى
فعلا شر البليه مايضحك
تحياتى يااستاذى
دمت بخير وسعاده

الله عليك ياشاعر..سرعة تفاعل تحُسد عليها..بسم الله مشاء الله عليك ...إسمحلي بقى أرد عليك بشوية ردح للعيبة هههههههههههههههههههههههههههه يارب تعجبك..

دول لعيبة.. حَلق حوشْ
وسط الملعَب ما بيجروشْ
شاطرين بس يشمّتوا فينا..
اللّي بيسووا وما بيسووشْ !!

دول لعيبة تخاف.. وتكشْ
جوّة المَلعَب.. نازلين قَلشْ
ماتش يخيب ويقولوا نَصيبْ
والعصافير طارت مـ العِشْ !!

دول لعيبة.. بتاكل تبنْ
يظهر كدا.. لعيبة استبنْ
ست جوال بالرأفة كمان
حرقوا قلوبنا (أب..وإبنْ) !!
*************************************

اخى الفاضل وشاعرنا المبدع رضا محمود
تحيه طيبه لحضرتك
ههههههههههههههههههههههههه فعلا .دول لعيبة.. حَلق حوشْ
وسط الملعَب ما بيجروشْ
شاطرين بس يشمّتوا فينا..
اللّي بيسووا وما بيسووشْ
************************
وزياده على كده فضحونا عالميا
والعيال فى المدرسه
معكنين على ابنى بسبب الفرقه الموكسه دى هههههههههههه
وانت عارف الايطالين ولاد صايعه فى التريقه زى المصرين
*******************************
اسمع دى
صاحبى فى الشغل فى يوم الصبح انا داخل عليه فى المكتب
لقيته قاعد حاطط ايده على خده قولتله خير مالك . عامل ايه
قام رافع راسه ليا وقالى عامل مكرونه باللحمه اغرفلك
************************
يعنى ولاد صايعه فى التريقه ومن بعد الهزيمه دى قارفنى فى الشغل و فى العماره اللى ساكن فيها
عم رضا
ياريت نغلب فى الماتش الجاى 5 صفر علشان اقعد للايطاليين على السلالم ههههههههههههههههه
تحياتى ياعمنا
دمت بخير وسعاده

أخي العزيز الشاعر / مجدي سرحان
عمل جميل أخي
أستمتعت به وبسرعة الرد علي هذه ال ...الكروية
وكذلك مساجلات الاعزاء
إستمتعت بها
في انتظار جديدك أخي

اخى الشاعر هانى الجمل
تحيه طيبه لحضرتك
اشكرك على مرورك الرائع
نعم يااستاذى الاداريين والشعب بسبب كل هذه الاحداث فى اليلاد
نتحمل الخساره ولكن دى مش خسارة منتخب مصر
الناس فى ايطاليا فى حاله شديد من الاستغراب ان منتخب مصر يخرج بهذه النتيجه
استاذى هذه النتيجه فضيحه بكل المقايس
ونحن لانجد رد لااحد الا اننا نقول بلدنا فى ثوره وظروف قاسيه
استاذى الكريم
نسأل الله ان ينصرنا فى المباراه القادمه بخمس اهداف
تحياتى لحضرتك
دمت بخير وسعاده

الشاعر الفاضل عماد عبدالحكيم
تحيه طيبه لحضرتك
اشكرك على مرورك الراقى واسأل الله ان ينصرنا فى الماتش القادم حتى لو بخمس اهداف هههههه
استاذى الكريم
ربنا يبعد عن مصر الهم والغم يارب العالمين
تحياتى لحضرتك
دمت بخير

استاذى الكبير وشاعرنا المبدع عادل عوض
تحيه طيبه لحضرتك
والله يااستاذى انا حزين ليس اننا اتغلبنا ولكن النتيجه فضيحه بكل المقايس
والايطالين هنا فى حاله استغراب
لان مصر بالنسبه لهم بطل افريقيا
ولايتوقعون هذه النتيجه مثلنا
ربنا ينصرنا الماتش الجاى حتى لو بخمس اهداف ههههههههه
يارب
استاذى الكريم
الفرج جاى ان شاء الله
تحياتى لحضرتك
دمت بخير وسعاده

اخى الكريم القبطان محمد عبدالواحد
تحيه طيبه لحضرتك
اشكرك على مرورك الكريم وتفائلك الحقيقى طبعا ح نتغلب ههههههههههههههههه
بس ربنا يستر وميكونش اكثر من 6 هههههههههههههههه
تحياتى لحضرتك ياعم محمد
سعدت بكلامك الجميل
دمت بخير وسعاده