ماسك ف ايدى اله

ماسك ف ايدى اله
و ع العرب بنادى
فوقوا ياعرب يا رجاله
فوقوا ياعرب بلادى
كفايه ذل واهانه
وكفايه بوس ع الايادى
كفايه لحد كده
كفايه انك تطاطى

من جهلك ضحكت
عليك بلاد بره
انت مش حر ف تصرفاتك
وهى حره
يا عربى مالك
ليه مش راضى تغير حالك
من عبد لحر
ومن خادم لسيد
يا خساره ف العروبه
مبقتش زى زمان
ليها كلمه محسوبه
ودلوقتى لضايعه
لمسروقه لمنهوبه

ضميرك مش بيتحرك
ع بلادك واوطانك
معدش ليك كلمه
اصل مقطوع لسانك

ماسك ف ايدى اله
وع العرب بنادى
فوقوا ياعرب يا رجاله
فوقوا ياعرب بلادى
ياخساره ف حروب زمان
ياخساره ف التضحيه
بكل شهيد وانسان
كان هدفه يموت هو
ويحرر كل الاوطان
ومهما كان العربى جدع
ده كان زمان
دلوقت للحكم خضع
وبس عيشته يتهان

ياخساره ف كل حركه
اتعملت لاجل الجهاد
وكل حاجه اتعملت ف المعركه
لاجل البلاد متتباع ف مزاد
فين الحريه ال بتقولوا عليها
وفين السلام ال بتدعو ليه
خلاص يا عربى انسا
وانتى يا بلادى انسيه
معدش فيه فايده
فال راح او ال جيه
ماسك ف ايدى اله
وع العرب بنادى
فوقوا ياعرب يا رجاله
فوقوا ياعرب بلادى
الشاعر
محمد على

الشاعر محمدعلى
تحيه طيبه لحضرتك
كلماتك نابعه من القلب احيك على صدق احساسك وربنا يهدى الامور ويعود الامن والامان لمصرنا الحبيبه
تحياتى لحضرتك
دمت بخير وسعاده

شكرا ع مرورك الجميل
الاستاذ عاطف الجندى
بنتعلم منك سيدى تحياتى لك
____________________
رحماك ربى رحماك
ستشهد ارضك وسماك
ساهجر وطنى الى الابد
ساهجره لرضاك
ساهجره لرضاك

بنتعلم منكم دائما
استاذى الاستاذ مجدى سرحان
تحياتى لحضرتك ولمرورك الجميل
____________________
رحماك ربى رحماك
ستشهد ارضك وسماك
ساهجر وطنى الى الابد
ساهجره لرضاك
ساهجره لرضاك

بنورك يا استاذى عادل
تحياتى لك استاذى
____________________
رحماك ربى رحماك
ستشهد ارضك وسماك
ساهجر وطنى الى الابد
ساهجره لرضاك
ساهجره لرضاك