وسوسه شيطان

وسوسة شيطان

***

اتوضى ياللا وصللى ركعتين سنة

وسمى واقتل واحرق ولع الدنيا

وبعد يعنى ما تصللى العشا حاض

ادعى دعوة ع البيوت تصبح كلها ضلمة

وف عز النهار برضو ولعها ع الممشى

بعد كده اتمشى وحلى واتعشى

ونام واحلم ان انت فى الجنة

***

- انت مين صوتك عليه مش غريب

- انا حبيبك الشيطان

عايزك تأذن فى البنادر والغيطان

وفى الجوامع والكنايس كلها تعلن كمان

انك امير المؤمنين

اللى حينقذ كل اللى عايشين فى الخطر

مش صعبانين يعنى عليك

كل الغلابه المقتولين وبالكيماوى محروقين

عايز تقوللى ان انت قلبك دا حجر

- يعنى عايز منى ايه ؟

- عايزك تقود حركة نداله او نضال

حركة تحقق الانفصال

وتنتصر بالاغتيال

عايزك تقود حركة خراب

تقتل وتنسف كل اللى بيانو بوحدة صف عال

واللى عايشين فى الخيال

علشان يقوموا ويبقوا اقوى م الجبال

- استغفر الله العظيم عايزنى اغتال مؤمنين

- وتغتال كمان امك وابوك

قبل هما ما يقتلوك

- استغفر الله العظيم وحسبى الله ونعم الكيل

فيك ياعدو الله ويا عدو المؤمنين

انت مين انت الشيطان اللعين

- د انا حبيبك بنصحك وح اريحك وح افرحك

وابقى افتكرنى لما تقابلنى

وتعزمنى مرة فى مسرحك واتمنى اخد مطرجك

اتوضى ياللا وصللى ركعتين سنة

وسمى واقتل واخرب الدنيا تدخل الجنة

- انا ح استعيذ بالله ياعدو الله ولازم اطرحك

واعوذ بالله العظيم من الشيطان الرجيم

اعوذ بالله العظيم من الشيطان الرجيم


***
***

   
من حسن حظي ان اكون صاحب اول تعليق
علي هذه القصيدة الرائعة
تسلم اناملك
دام ابداعك يا فنان

الابن العزيز الغالى الشاعر الجميل المتميز جدا
الاستاذ بهاء الدين محمد

تحياتى وتقديرى وشكرا على مرورك العاطر وتعقيبك الجميل على قصيدتى المتواضعة الذى اسعدنى كثيرا
ودمت بكل خير ومحبة وسعادة .

اخى العزيز وحبيب قلبى الشاعر الكبير المتالق دائما
الاستاذ عادل عوض

تحياتى وتقديرى وشكرا على مرورك الغالى والعاطر وتعقيبك الجميل على قصسدتى المتواضعى الذى اسعدنى كثيرا .
بس معلشى ياستاذنا مشيها النوبة وسوسة شيطان .

ودمت شاعرنا بكل خير ومحبة وسعادة .