عايز عروسة غير عروسة ماهر حامد

ياعم ياللى وعدتني بعروسة

سايق عليك النبي

نقيها مخصوصة

متكنش تِهوا النكد

وتملي مأموصة

تفرح بحرق الكَبَد

مدعوقة منحوسة

عينادية تتعست بلد

تمنع ختان الولد

ودمغها معكوسة

عايز عروسة أدب

عسولة نانوسة

أدفا بحنان قلبها

مـ احتاج لشموسة

حبت جمال ونبي

مش وسطة ولا كوسة

أنا بردو روح مش حجر

هحتاج لكام بوسة

متكنش تهوى الظفر

والوزن يبقى لنفر

يمكن تدوس دوسة

مش شرط تبقه قمر

لكن تكون مـ البشر

لا تجبها ملبوسة

هتها بدون تنشَنَا

تسمع كلامي أنا

مش أبوها والسوسة

متكنش بنت وزير

تعمل عليا غفير

ولجوزها مرؤسة

وإن قلت مش عندنا

يكفيني دين ربنا

هيكون تقاها هنا

وطعتها ملموسة

ياعم ياللي وعدتني بعروسة

أنا ثقتي فيك مجملا

زوقق أكيد جنتَلا

ما تهدينيش حوسا

محمود بسيوني

السعودية - الخرج

12 /7 / 2011

طيب أنت حر

خليك قاعد من غير جواز

ههههههههههههههههههههه

طارق منيب كتب:: طيب أنت حر

خليك قاعد من غير جواز

ههههههههههههههههههههه

ههههههههههههههههههه ده كان زمان يا صديقي العزيز

لقد من الله علينا بخير مما تمنينا

طيب برده مش حتجوز تاني

ماتحاولش

طالما دي المواصفات اللي بتدور عليها

جميلة جدا هذه القصيدة وفكاهية اوي
بجد ضحكتني
دام ابداعك
وربنا يرزقنا جميعا بالزوجة الصالحة

طارق منيب كتب:: طيب برده مش حتجوز تاني

ماتحاولش

طالما دي المواصفات اللي بتدور عليها

يعني لو فى مواصفات أحسن من كده يا عم طارق ممكن تعملها طيب وطي صوتك بقا لحد يسمعك

هو ده الكلام
هههههههههه
قصيدة جميلة وخفيفة الدم
أخى الراقي
محمود
احسنت

اخى الشاعر الجميل

محمود بسيونى

طلبك صعب شويه .. لكن موجود ..

ههههههههههههههههههههههههههههههههههههههه

والله نص اضحكنى وسرنى قراءته .

تقبل مرورى وعلى فكره انت وحشتنا وعايزين نشوفك

قريب ان شاء الله .

مودتى ياغالى ...

ههههههههههههههه

اسعد الله قلبك ورزقك بما تحب

طلبك صعب شوية بس اللي يدور يلاقي

اخي وصديقي العزيز دام الابداع

تحياتي وودي وتقديري

بهاء الدين محمد كتب:: جميلة جدا هذه القصيدة وفكاهية اوي
بجد ضحكتني
دام ابداعك
وربنا يرزقنا جميعا بالزوجة الصااسعدني جدا مرورك أستاذ بهاء شاعرنا الجميل والله أسأل أن يمن عليك بالزوجة الصالحة
شكرا لك على مرورك الكريم

عاطف الجندى كتب:: هو ده الكلام
هههههههههه
قصيدة جميلة وخفيفة الدم
أخى الراقي
محمود
احسنت

أستاذنا الشاعر الخلوق والأخ الكبير عاطف الجندي

لمروك دوماً رونق خاص يضفى علي كثير السرور

تقبل ودي وتحياتي أستاذنا الكريم عاطف بيك الجندي

أخى الكريم محمود ذكرتنى بنادرة لأحد النحاة ومع الفارق فى التشبيه طبعا
وهى أنه أراد شراء حمار فذهب لسوق النخاسين ( وهو سوق العبيد والبهائم)
وقال للرجل : يا نخاس
أريد حمارا لا هو بالصغير المحتقر ولا هو بالكبير المشتهر
إن أقللت علفه صبر
وإن أكثرت علفه شكر
وإن كان الطريق سهلا جرى كالماء منهمر
وإن كان الطريق صعبا تحكم واصطبر
فنظر إليه النخاس وقال : انتظر حتى يسخط الله القاضى حمارا فأبيعه لك

شكرا لك

عادل عوض سند كتب:: اخى الشاعر الجميل

محمود بسيونى

طلبك صعب شويه .. لكن موجود ..

ههههههههههههههههههههههههههههههههههههههه

والله نص اضحكنى وسرنى قراءته .

تقبل مرورى وعلى فكره انت وحشتنا وعايزين نشوفك

قريب ان شاء الله .

مودتى ياغالى ...

حبيب قلبي واستذنا كلنا عمنا الغالي استاذ عادل سند

والله العظيم أنتم اللى وحشني وبالخصوص حضرتك يا عم عادل

ونفسي فعلا التقي بيكم
وكنت مرتب نزول من شهر مضى لكن ظروف العمل للاسف عندنا منعتني عن ذلك
لكن يقدر الله إن شاء الخير
وتقر عيني عما قريب برايتكم بإذن الله
شرفني جدا مرورك المبهج يا استاذ عادل خالص ودي وتقديري لشخصك الكريم

النص للتثبيت بواسطتى

تقديراّ للشعر والشاعر ...

أحمد رجب معيط كتب:: ههههههههههههههه

اسعد الله قلبك ورزقك بما تحب

طلبك صعب شوية بس اللي يدور يلاقي

اخي وصديقي العزيز دام الابداع

تحياتي وودي وتقديري

أخي الحبيب الشاعر الجميل أحمد رجب

اللي يدور يلاقي يا أكيد وما تزال الأمه بها الخير

أنا عن نفسي

من الله علي بخير مما تمنيت يا صديقي العزيز

احنا بقا بندور لك انت

اسأل الله أن يرضيك فى زوجك

شرفني جدا مرورك يا ابو حميد

عماد عنانى عنانى كتب:: [size=24]
أخى الكريم محمود ذكرتنى بنادرة لأحد النحاة ومع الفارق فى التشبيه طبعا
وهى أنه أراد شراء حمار فذهب لسوق النخاسين ( وهو سوق العبيد والبهائم)
وقال للرجل : يا نخاس
أريد حمارا لا هو بالصغير المحتقر ولا هو بالكبير المشتهر
إن أقللت علفه صبر
وإن أكثرت علفه شكر
وإن كان الطريق سهلا جرى كالماء منهمر
وإن كان الطريق صعبا تحكم واصطبر
فنظر إليه النخاس وقال : انتظر حتى يسخط الله القاضى حمارا فأبيعه لك

شكرا لك

ههههههههه

الشاعر الرائع الاستاذ جمال عناني

كنت متوقع من البائع أن يقول بعد أن طلب منه الرجل هذه المواصفات للحمار الذي يود شرائه

أن يقول له ( كان كذلك رضى الله عنه ) ههههه

شرفني جدا مرورك العطر استاذي الكريم شكرا لك

فين يا عم محمود العرايس اللي بتقول عليهم دول الا في الخيال

قصيدة جميلة خفيفة الظل ،،،الا أن جملة ( ياعم ياللي وعدتني بعروسة ) تحتاج مراجعة فقد خرجت عن التزامك طوال القصيدة بالوزن

ولكن عموما القصيدة جميلة

تقبل الله منا ومنكم الصيام والقيام

» باحبك أنا / غناء علا ماهر / ألحان وكلمات ماهر حامد
» أسمى وأغلى معانى الحُب
» بـِتـتـألـمـى
» أوقات
» و بأحكيلك