عدى النهار

عدى النهار
و بلدنا بالهيبة ناهمة ضيها
و عشان نبيد أعدائها
يلزمنا الشقا
يلزمنا الحر عاشق يضوى نهرها
ينسجلنا ليلنا الغميق ضفاير شعرها
و بلدنا على المرسى بتطوى أسرها
جالها النهار يدوى بركان حلمها
يا هلترا شوقها الجميل ينفى مرها
يقدر يشق الليل ينعى فقرها
نورها نهار تاجه يجمع شملها
قادر بشق الليل ينحر دربها
آسر نحور بتجيل تغزل حلوها
عشقت نهار ألوانه شهد زرعها
ملت ناموس بيدين مهرها
قاست خطاوى كتيرة تحفر قبرها
نازعت قلوب بتجيد مكرها
داقت قتال أخوانها فى اللقا
تاهت عقول لاحت بالضيا
شافت عتاد أولادها فى الفنى
يا هلترا شوقها الجميل ينفى مرها
يقدر يشق الليل ينعى أسرها
نادرة الفرح أزاميل تضوى سرها
لأجل الولد ما يجيب مهرها
ضاوى الأمل بريحان شعاب
تاج الأمل مرسال ضميمها و فرحها
فرحت بقوس الدهر غالب مرها
قوس الحيارى المفطومين على نحرها
يا فرحها لما جيعان الشكوى
يجنوا حلمها
لما الغيطان تبوح
بخصل الورد تضمها
و بلدنا بالهيبة ناهمة ضيها
و عشان نبيد أعدائها
يلزمنا الشقا
يلزمنا الحر عاشق يضوى نهرها
ينسجلنا ليلنا الغميق ضفاير شعرها
اسلام المصرى

أخى إسلام
ذكرتني برائعة الأبنودي
عدى النهار و المغربية جايه
لكن هنا اختلف الموضوع و إن لم يختلف فى الروح المصرية
الجميلة
أحسنت أخى الراقي

ماهر حامد كتب:

الله عليك يااستاذ أسلام


نقول أسلام الأبنودي بقه

تسلم ايديك ياللى بتكتب كلام جميل يسعدنا
الورد ليك حب كبير يسعد قلوب حبايبنا
بحبك يا شاعر يا ماهر و حامد يا أصيل و بارع

عاطف الجندى كتب:

أخى إسلام
ذكرتني برائعة الأبنودي
عدى النهار و المغربية جايه
لكن هنا اختلف الموضوع و إن لم يختلف فى الروح المصرية
الجميلة
أحسنت أخى الراقي

تسلم يا غالى بحبك الينا
ده حرفك يا غالى ورد الجنينة
أحلام و آمال تغزل قلوبنا
خضار و عمار تبنى المدينة