جوة بيتى ماليش مكان

مين السبب؟؟؟؟؟؟؟؟؟؟؟؟؟؟؟؟؟؟؟
...............................
مليون سبب ومليون سبب
ومين السبب ؟
الفرع مال قبل الخضار
والليل معتم ف النهار
والبيت صداع رغم الهدوء
والنار بتحرق فى الميدان
والشمس بارده متلجه
ورغم البلوفر ع القميص ....سقعان
والزينه دى متعلقه لجل الفرح
بس الفرح هربان
ساب البلد هجر المكان
قال استحاله انى ابقى وسطكم
مافيش هنا امان
حتى العريس ساب العروسه
بعد مالبست الفستان
والاب ليه عاشق النواصى والحارات
رغم الغارات
رغم صوت الدبابات
والطفل مش لاقى اللبن
الصدر جف
ولا ننه هوووه ولا زغزغزه نافعه معاه
الصدر قطع اللبن
الفرحه سابت المدن
حتى الخضار ال فى الارض الاصيله مات
دبل
اه من الدبلان
جسمى ضعيف وانبرى من الأكلان
جوة بيتى ماليش مكان
مكتبى وبقيت بكره صورة الفنجان
الطلقه عدت من فوق سطوح عم ابراهيم
وعم ابراهيم لاعمره يوم كان جبان
بس انكسر
لما اختفى جرس الكنيسه
واتمحى صوت الادان
حتى المدارس كتبوا عليها
مافيش هنا تعليم
العلم فى الراس يابنى ادمين
افهموا لحد امتى هتموتوا من الحرمان
البابا كان حاضن امام المسجد
والصورة دى نشرها ميت جرنان
دالوقتى ليه بعدوا بعيد
ولاعاد جرس
وماعادشى في ادان
مين السبب؟
حبة عرابيد فكروا انهم
خدوا الوصايا من النبى
ونسيوا سماحة الاديان
حبة فلول براس عجول
وناس ماسكه السبح بس الضمير عريان
ايوا الضمير من غير هدوم
ومالوش لزوم نقتل الاحسان
الجار دقبطى اسمه مينا
وامه خالتى بولين صاحبة امى من زمان
العجين نفس الادين بتعجنه
والزينه بيعلقوها معانا فى رمضان
مين السبب؟
عايز اجابه
وال عنده اى حل
يبعته هنا أوام
يبعته هناأوام
.............................................
شاعر الاحساس
عبدالتواب الرفاعى

الشاعر الرائع عبد التواب الرفاعي

نص رائع به من مواطن الجمال الكثير التي زينت حالة الأسى التي أرادها الشاعر
اشكرك جدا على نصك الجميل
وتقبل مروري

اشكر الاشاعر ضياء الدين البرى

والشاعر محمود بسيونى
على هذين التعليقين الجميلين

[b]

حبيبى عادل عوض سند
شكرا لذوقك