من رباعيات الطبيب الشاعر/ د.محمد رزق ...

رُباعِيـَّات ؛ على طريق الثورة ...
***
من كلمات
**
الطبيب الشاعر/ د.محمد رزق
*
*
شـَرطِـتين والـنـُّـقـطـَة بـيـنهُـم ،
كان هِـنا مَـكـتوب كـَــــــلام ..!
واللى كــاتِـب كان ضــامِـنهُـم ،
بَـسِّ خـوفـُه مِ الـمَــــــــــلام ..!
عَـلـِّـمُـه يـِشــــطـُب كـَلامُـــه ،
أو يـعـوم زَىِّ اللى عـامــــــوا ؛
وِالـوحـــــــوش لـَـمَّـا نـآمِـنهـُم ،
يـِبـقــَى عَ الـدُّنـيا الـسَّــــلام ...!
*
حـُـطـِّ إيــدَك جُــــوَّا راسِــــــى ،
فِـكـرى حَ يـطـَرطـَش عَـلـيك ..!
أصــل انـا فِ الـحَـقِّ راسِـــــى ،
وانــتَ بـِتـكـَـــــدِّب عـيـنـيـك ..!
مِـش كِـفـايَـة انـَّـك تِـقـَــــــــرَّب ،
واوعَــى وَقـــتِ الـجَــدِّ تِـهـرَب ؛
أرضِـــــنـا يـِـزرَعـها فـاسِـــــى ،
بَــسِّ مِـحــتـاجَــة لإيـديــــك ...!
*
عَــلـِّـمـوكِى يـامَـــــــــــــدايـِـن ،
تِــشـــــرَبـى مِـن أىِّ نــــــيل ..!
وَزَّعـوكــــــى عَ الـسَّـــــفـايـِـن ،
تـَـوِّهـوكِــى ف ألــف لـــــيل ..!
وانـتِ لِــسَّــــــه بـتـِذكـُـريـهُــم ،
تِـنـكِـــرِى الـشـَّــرِّ اللى فـيـهُـم ؛
وِالـغـَـلـَط واضِـــــح وبـايــِــن ،
لـــيه بـِنِـســـأل عَـن دَلــيـل ..؟!
*
الـمَـلـِـك لازِق فِ طـابـيَــــــة ؛
كـُـلِّ خـوفـُه مِ الـحُـصـــــان ..!
كـُـلِّ حاكِـــم عَـنـدُه ( فـوبـيا ) ،
مِ الـبَـشـَــــر جـوَّا الـمـيـدان ..!
لِـسـَّــــــه بـِـيـجَـهـِّـز فــلـولـُـه ،
يـِهــتِـفـولـُــه ، ويـقـولـولـُـــــه :
دا الـهَـــدَف كان اســــتـروبـيا ،
وِالـحَـكـَـم كان أ ُلـعُــبـــــان ...!
*
رَبـِّــــــــــــــنـا لـَـمَّـا ابـتـَـــلانا ،
عُـمـرِنا ضـاع فى الـسُّــكات ..!
بَــسِّ كـان دايــــــــماً مَـعـــانـا ،
فى الـمِـحَـن رَغـم الـشـَّـتـات ..!
كـان بـِيـِفـتـَـــــح بـابُـــه لـِـيـنـا ،
يـِطـلـُـب الخــــيـر اللى فِــيـنـا ؛
وِانـتـَـصَـــــــرنـا عَ الـمَـهـانـَة ،
بـِـالـتـَّـــــــلاقِـى والـثـَّــبـات ...!
*
لـَـمـَّا لــيـل يـِـطـلـَع نـَهـــــارُه ،
نِـفـتـَح الأبـواب ، نِـشـــوف ..!
واللى رَقـَّــص أهــــــــل دارُه ،
لـيه بـِيـِزعَـل مِ الـدِّفــــوف ..؟!
طـَـبَّـالــيـن وِالـــــوِدن طِـيـنـَه ،
وِالـــــــــوِلاد زَىِّ الـعَـجـيـنـَه ؛
وِاللى يـِهـجـِم عَ اللى ثــــاروا ،
مِش أسَـد ، يـِمكِـن خـَروف ..!
*
لـ اللـُّقا فـــــــــارِد جـِـــنـاحى ،
وانـتِ بـِتـقـولى : الـــــوَداع ..!
كـُنـتِـى مُـشـــتـاقـَة لـبـَراحى ؟،
واللا حُـبـِّـك كان خِـــــداع ..؟!
خـايـفـَة مِ اللى بـيـِحكمـوكى ؟،
هُـمَّ عـاشــــــوا ؛ ومَـوِّتـوكى ؛
بَـسّ أنـا حَ اغـزِل صَــبَـاحى ،
مِـش حَ ابـيع زَىِّ اللى باع ...!
*
عَـنـدَلـيـب أســــــمَـر ولـيـبـِى ،
صـوتـُه حِـلـو، وكان حَزين ..!
لـَمَّا غـَنـَّى وقـــــال : حَـبـيـبى ،
عـَذ ِّبــوه طــول الـسِّـــنـيـن ..!
قـام هِــرِب مِـن كـُـتـر نـــارُه ،
وامَّــا عــــــاد يـاخـُـد بـِـتـارُه ؛
كـُلِّ واحِـــــد قـال : قـَـريـبـِى ،
لـَجـل يـِـلـحَـق غِــنـوِتــيـن ...!
*
قـوم يامَصرى ، قـوم ياسورى ،
حَـنـِّى إيـــدَك بـِالـعِـطــــــور ..!
بَـعـد نـَصـرى ، مِـن سـرورى ،
مِـش حَ افـَـرَّط فِ الـســرور ..!
حَ ازرَع الأحــــلام فى طِـيـنى ،
وافـضـَــــل ارويــها بـحَـنـيـنى ؛
واللى خـايـِــــف مِـن عـبـورى ،
مِـش هَــيـِحـمـيه أىِّ ســــور ...!
*
*
القاهرة فى يوم
الجمعة 9 سبتمبر 2011
يوم اقتحام السفارة الإسرائيلية .
*

مع تحيات
الطبيب الشاعر/ د.محمد رزق
http://elshaereltabib.blogspot.com/

إخوتى وأخواتى الأحباء
جميع أعضاء هذا الصرح الشامخ وزواره الكرام

كتبت هذه الرباعيات كقصيدة مفتوحة بغرض استكمالها حسب أحداث ومجريات الثورة
على .. مجزوء الرمل ..
وحاولت التزام هذا البحر قدر استطاعتى ،
وتتابعت الأحداث وفاق بعضها احتمالى ،
ولم تسعفنى قريحتى كى ألتزم البحر مع الأحداث وآثارها ،
فأرجو أن تلتمسوا لى الأعذار
إذا رأيتم فيما يأتى من رباعيات ..
خروجاً عن البحر ، أو التنسيق الأولى لهذه القصيدة ..

تحياتى وتقديرى وخالص محبتى لكم جميعاً

أخوكم المحب فى الله
المصرى العربى المسلم السنى العاشق لمعانى الإنسانية
الطبيب الشاعر/ د.محمد رزق
http://elshaereltabib.blogspot.com/

رَدِّ فِـعل لـفِـعل فاضِح ، كان مُـجَـرَّد كِـلـمِـتـين ..!

وانتـَظـَرت الـرَّد واضِح ، مِـش بـِشوقى والحَـنـين ..!

بـِالعَـلام اللى ف كِـتابى ، واللى ضايـِع فـيه شـَبابى ،

شـُـفـت بـير الـشـَّر ناضِح ، بـِالـفـَضايـِح مِـن سِـنـين ...!
*

الطبيب الشاعر/ د. محمد رزق
http://elshaereltabib.blogspot.com/

السلام عليكم ورحمة الله وبركاته
أخي العزيز وأستاذي الشاعر /الطبيب الشاعر
في انتظار البقية
بشغف

اعتدالك سر فيك .. والوضوح كله ف كلامك

وانت شاعر بلتقيك .. الوطن هو اهتمامك

من همومه .. لسه شايل

عن مشاكله .. برضه قايل

ترفض الوضع اللى مايل

حتى لو كان من إمامك ...

عماد عبد الحكيم كتب:: السلام عليكم ورحمة الله وبركاته
أخي العزيز وأستاذي الشاعر /الطبيب الشاعر
في انتظار البقية
بشغف

وعليكم السلام ورحمة الله وبركاته
شاعرنا الجميل وأخى الحبيب / عماد عبد الحكيم
أشكر تكرمك بالمرور وحسن متابعتك وتواصلك الراقى
وسوف أنقل الرباعيات كلما أتيحت لى الفرصة بإذن الله
وأرجو أن تنال إعجابك ..
تحياتى وتقديرى وخالص محبتى لشخصكم النبيل

أخوكم المحب فى الله
الطبيب الشاعر/ د.محمد رزق
http://elshaereltabib.blogspot.com/

عادل عوض سند كتب:: اعتدالك سر فيك .. والوضوح كله ف كلامك

وانت شاعر بلتقيك .. الوطن هو اهتمامك

من همومه .. لسه شايل

عن مشاكله .. برضه قايل

ترفض الوضع اللى مايل

حتى لو كان من إمامك ...

وانت صاحب شفت فيك
فضل بيعَـلـِّى ف مقامك

والأدب يتغـَنـَّـى بيك
بالأدب دايماً كلامك

مستقيم دايماً وعادل
تنتِـصِـر لو يوم تجادل

والعِـدا لو تـلتقيك
تجرى تهرب من حُسامك
*
تحياتى وتقديرى وخالص محبتى ياأخى الأكبر الحبيب
وشاعرنا السامق ...

أخوكم المحب فى الله
الطبيب الشاعر/ د.محمد رزق
http://elshaereltabib.blogspot.com/

كـُنـت فـين ياصَـبر غايـِب ؟ رُحـت فـين ..؟

دا الـحَـبايـِب مِـحـتاجـيـنـَك ، مُـشـتـاقــين ..!

رَد قــال : اشـمِـعـنـَى يَـعـنِى لـَمَّـا اغـيب ..؟!

كـُنـت بـيـنكـُم وانـتوا عَـنـِّى مَـشـغـولـين ...!
*

الطبيب الشاعر/ د. محمد رزق
http://elshaereltabib.blogspot.com/

مِـن خـيوط الـشـَّمس بَاغـزِل
تـوب سَـعادَة لِـلقـلـــوب ،

والمَطـَر ساعِـة مايـِنـزِل
تِـنـتِـعـِش كـُلِّ الـحـبوب ،

والـسَّـنابـِل لـَمَّا تِـطـرَح ؛
تِـلـتِـقى فى القـَلب مَطـرَح ؛

والعَـوازِل مَـهـما تِـعـزِل ،
مِش حَ تـِبـعِـدنا الـدروب ...!
*

الطبيب الشاعر/ د. محمد رزق
http://elshaereltabib.blogspot.com/

لـَمَّا يـِضـرَب فاس حِـشاها .. تِـبـتـِسـِـــــم ..!
والـبـذور تِـزرَع شـَـجَـر ، تِـطـــــرَح ورود ..

وامَّـا تِـلـقـَـى الـنـَّاس مَـعاها .. تِـتـرِسِـــم ..!
عَ اللى خـانـوا الـعَـهـد أو بـاعـوا الـجـِـدود ..

والـمَـعـانِـى الحِـلـوَة فــيها .. أرضِـــنا ؛
لـَجـــل دا دايـمـًـا حـامـيـها .. رَبــِّــــنا ؛

مُـســتـَحـيل يـامَـصــر شـَـعـبـِك يـِـنقِـسِــم ..!
أو يــِسَــــلـِّـم شـِـــــــبـر واحِـد مِ الـحـــدود ..
*

الطبيب الشاعر/ د. محمد رزق
http://elshaereltabib.blogspot.com/

إنعدام الوزن لـَـو كان مِ الـدِّماغ ،
مُـسـتـَحيل – قـُرص الـمُـسَـكـِّن – يـِعـدِلـُـه ؛

والـبُـنا لـَـو كان بـِيـِطـلـَع مَ الـفـَراغ ،
أىِّ ريـح تِـقـدَر فِ سـاعَـة تـمَـيـِّـلـُـه ؛

والـوَطن لازِم يـصَـرَّخ لـَـو جَـريح ،
والـحَكـَم يـِقـدَر يـِحَـكـِّم لـَـو صَـريح ،

والـتـَّمَـن لِـ - العَـرض - لو كان – قرش صاغ –
يـِبـقـَى غـالِـى ، واللى مَـسُّـه بـنِـقـتِـلـُـه ...!
*

الطبيب الشاعر/ د. محمد رزق
http://elshaereltabib.blogspot.com/

لـَــو كلامِـى كان مَـجـازِى
يـِبـقـَى خايـِف مِ العِـصابَـة ..!

واخـتِـلالِـــى وارتِـكـــازِى
آاهـِــة الـناس الغـَلابَـــــــة ..!

هـُـمَّ دول سِــرِّ اخـتِـناقِـى ،
واللى ضايـِع واللى باقِـى ،

وانتَ ليه رَغـم اعـتِـزازى
كـُنـت بـِتـرَبـِّـينى يـابــا ..؟!
*

الطبيب الشاعر/ د. محمد رزق
http://elshaereltabib.blogspot.com/

نـَفس الوشوش مَرسومة فوق كل الوشوش ..!

والناس بـيـيجوا يفـَرَّقوا مابيـِعـرَفوش ..!

كل اللى مَرسوم عَ الملامح مِش وَطـَـن ؛!

لـَكِـن مِحَـن غـَطـُّوها باللـــــــون والـرّتوش ...!

الطبيب الشاعر/ د. محمد رزق
http://elshaereltabib.blogspot.com/

يهاجمون قصر الإتحادية بقنابل المولوتوف بيد البلطجية واللصوص اليوم
فهل كانوا يجرؤون على مجرد المرور من أمامه بالأمس ..؟!
وهل هذه هى ثورتنا السلمية ..؟
وهل خراب مصر اليوم لمصلحة المتشدقين بحبها والخوف على مصالحها ..؟!
لكِ الله يامصرنا الحبيبة ...

شيلى السلاح واتخلصى من كل خاين يابلد ..

دول مجرمين قاصدين خرابك والهدد ..

ماتسلميش نفسك لواحد منهم ..

دول كلهم حَ يسلموا ساعة مايبقالك ولد ...!

الطبيب الشاعر/ د. محمد رزق
http://elshaereltabib.blogspot.com/

لـَو كـُل مَطلوب للشهادَة ، بالحَق فِـيها كان شـَهيد ،

والأصل ف الناس العِـبادَة ، والحَق فوق الناس شهيد ،

هُـوَّ اللى عالِـم باللى خافِـى عَـنـِّنا ، والمُـطـَّـلِع ..

هُـوَّ اللى مانِـح للشهادَة ، وف جَـنـِّتـُه يَحـيا الشهيد ...!

الطبيب الشاعر/ د. محمد رزق
http://elshaereltabib.blogspot.com/

أنا مؤمِـن بـإن الحَـق مِـش بـِيروح ،

وأن القلب مش بـِيحِـب لـَو مجروح ؛

وان اللى افـتـَرَى لازِم ف يوم يـِنـدَم ..

وكـُل اللى انـتوا شايـفـينـُه ..؛ حلاوِة روح ...!

الطبيب الشاعر/ د. محمد رزق
http://elshaereltabib.blogspot.com/

[font=Arial]

الألـَـم فـارِد شِـراع اليـأس ، ومعَـدِّى الحـدود ..!

والأمـل رافـِـع دِراع الـبأس بـِيـقـَـدِّم ورود ؛

والقـَـلـَم عَ الـلوح بـِيـِكـتِـب حَـظـِّـنا ..

مِش حَ يعـدِل أمـرنا ؛ .. إلا إخلاص فى السجود ...!

الطبيب الشاعر/ د. محمد رزق
http://elshaereltabib.blogspot.com/

[/font]

جَـزمِـتى دابـِـت ومـَقـطوع الـرُّبـاط ؛

دَمعِـتى سـالِـت ومَـمـنوع الـعِــياط ؛

هُـوَّ أنـا يَـعـنى اللى غـاوِى أشـتِـكِى ..؟!

دا الـبُـكا فى الأصل مِـن ضـَـرب الـسِّـياط ...!

الطبيب الشاعر/ د. محمد رزق
http://elshaereltabib.blogspot.com/

التـَّناحَة مش دروس .. عَـلـِّموها فى السياسة ،

التـَّناحَة زى سوس .. بس واصِل للـرِّياسَة ؛

والـرِّياسة يَعـنِى إيه ؟ .. يَعـنِى حَـق الشعب ضاع ..!

واللى كابـِش م الفلوس .. عَـبد مِن سوق الـنـِّخاسَة ...!

الطبيب الشاعر/ د. محمد رزق
http://elshaereltabib.blogspot.com/

أوِّل عَـلام فى المَدرَسَة ،
كان كِـلمِـتين : مَـصر ، العـَرَب ..!

ناظِــر يحِــب المَـريَـسَـة ،
سابِ العـَلام لـَمَّا انخـَـرَب ..!

والكِـلمِـتين سابـو الحــروف ،
والشـَّمس ماتِـت مِ الكـِّسوف ؛

والبَــدر باهِــت فى المِـســـا ،
شاف النجوم خاف واضـطـَرَب ...!

الطبيب الشاعر/ د. محمد رزق
http://elshaereltabib.blogspot.com/

أستاذي ...الشاعر الطبيب / محمد رزق..ستظل بأمر الله كما عهدناك نبعاً صافياً لكُل مُريديك ونبراساً نهتدي به وأُستاذاً نتعلّم على يديه أصول العاميّة .

موضوع في مُنتهى الروعة والجمال يفتح مجالاً واسعاً للمشاركة بين الأعضاء ولمّ الشمل مرةً أخرى.

يُثبّت بواسطتي تقديراً للشعر الرِاقي والشاعر الكبير

إلى كل من أراد شراً بمصرنا الحبيبة ويعمل على خرابها ..
أقــــــــــــــــــول :

لـيه الشـَّـغـَب ؟، والفـُرقـَة لـيه والبَـلـبَـلـَة ..؟

لـيه تِـرتِـضــوا لمـصـــر الحـبـيـبة البَـهـدَلـَة ..؟

يانـاس حـرام لـيه تِـخـرِبــوا الأرض العَمار ..؟!

تـَـبـَّــت إيديكـُم كـُلكـم ، جَـــتـكوا الـبَــــلا ...!

الطبيب الشاعر/ د.محمد رزق
http://elshaereltabib.blogspot.com/

هـاج الجَـمَل لما اخـتاروه ،
يدخـُل مَعـانا الـمَعـرَكـَة ..!

صوت السيوف لـَو تِـسمَعـوه ،
هـادِر وعامِـل تـَكتـَكـَة ..!

شـَـدِّ الجَـمَل وِدن الحُـصـان ،
ضاع اللى راهِـن والـرِّهان ؛

كان الشـَّباب اللى اغتـالوه ،
رافِـض حَـيــاة الصـَّـعـلـَكـَـة ...!

الطبيب الشاعر/ د.محمد رزق
http://elshaereltabib.blogspot.com/

جَـزمِـتى دابـِـت ومـَقـطوع الـرُّبـاط ؛

دَمعِـتى سـالِـت ومَـمـنوع الـعِــياط ؛

هُـوَّ أنـا يَـعـنى اللى غـاوِى أشـتِـكِى ..؟!

دا الـبُـكا فى الأصل مِـن ضـَـرب الـسِّـياط ...!
الطبيب الشاعر / د. محمد رزق
أستمتعت حتي تمنيت الا تنتهي رباعياتك أبدا
وأخترت منها رباعيه هزتني
سلمت يدك ودمت مبدعا

*
حـُـطـِّ إيــدَك جُــــوَّا راسِــــــى ،
فِـكـرى حَ يـطـَرطـَش عَـلـيك ..!
أصــل انـا فِ الـحَـقِّ راسِـــــى ،
وانــتَ بـِتـكـَـــــدِّب عـيـنـيـك ..!
مِـش كِـفـايَـة انـَّـك تِـقـَــــــــرَّب ،
واوعَــى وَقـــتِ الـجَــدِّ تِـهـرَب ؛
أرضِـــــنـا يـِـزرَعـها فـاسِـــــى ،
بَــسِّ مِـحــتـاجَــة لإيـديــــك ...!

الشاعر الطبيب والاخ الكريم

ماهذا الجمال يارجل .. والله قصيدة ممتعة فكرا وشعرا وصياغة وموسيقي وتصويرا

نعم أخي الحبيب مصر محتاجة لأيدين كل مصر محتاجة كل ضربة فاس

ولكن للأسف استطاع اعدائها ان يستقطبوا ولادها ويقسموهم بالاشاعات

والاكاذيب والمصالح والمولوتوف .

لك الله يا مصر ،، ولكن لك ايضا أبناءك المخلصين مثل هذا الشاعر الطبيب

الذي ينير بشعره دروبك ،، وسوف تصلين الي بر الامان رغم الاعداء والاحقاد

أخي الكريم خالص الشكر والتقدير علي ما اسعدتنا وزمتعتنا

كن دائما بكل خير

» رباعيات للشاعر محمد عبد الرازق زهيرى
» رباعيات محمود الشاعر
» رباعيات محمود الشاعر
» رباعيات محمود الشاعر
» ارحل بقا