شجرة الصفصاف

شجرة الصِفصاف
************
يا شجرة الصِفصاف
يا مضلله عالباب
الضِل فيكي سحاب
يا مجمعه الاحباب
العم ويا الخال
بيغنوا كام موال
الصحبه جت فى الحال
الكل ليكيِ لاف
ماحد فيكي عاب
ياشجرة الصِفصاف
يامضَلِله ع الباب
*************
وكل حُب إنقال
على الحبايب بان
يا شجره تُقلِك مال
يا مكرَّمه الإنسان
ح نلبِسِك خُلّخال
و العُقد والكِردان
الكُل جالِك طاف
بالورد ليكي و جاب
ياشجرة الصِفصاف
يامضَلِله ع الباب
*************
الحب تحتك طال
على الحبايب مال
رد عليا وقال
فى عينى بص وشاف
الحب ليكي داب
ياشجرة الصِفصاف
يامضَلِله ع الباب
************
ياما قالوا تحتِك حق
والظلم جه وإنزق
زى افاعى الشق
العدل فيكي ماخاف
زى الصبى فى شباب
يا شجرة الصِفصاف
يامضَلِله ع الباب

اخى الفاضل ابوعلى
تحيه طيبه لحضرتك
اشكرك على مرورك الاول الذى اسعدنى الكثير
دمت سباق بالخير ياابوعلى
تحياتى وتقديرى لحضرتك
دمت بخير وسعاده

استاذى الفاضل الشاعر الجميل احمد رجب
تحيه طيبه لحضرتك
اشكرك على مرورك الكريم وكلماتك الرائعه
ربنا يكرم اصلك ياعمنا
تحياتى لحضرتك
دمت مبدع

اخى الفاضل الكريم محمد عبدالواحد
تحيه طيبه لحضرتك
اشكرك على مرورك الرائع وكلماتك الطيبه
وانت تعلم ايها الشاعر ان فى الارياف شجرة الصفصاف امام كل منزل يستضل تحتها
الكل وتجمع الاحبه وخصوصا فى رمضان قبل اذان المغرب
ان شجره تجد تحتها الظل بالمحبه والاخوه
استاذى الكريم
احيك على كلماتك الطيبه
تحياتى لحضرتك
دمت مبدع

استاذنا وشاعرنا المبدع الاستاذ عادل عوض
تحيه طيبه لحضرتك
استاذى الكريم نعم عبرت فى تخيلك عن احساسى وذكرياتى بجوار هذه الشجره
نعم هذه هى براعة الشعراء فى الرؤية لما يقرؤه فى قصائد الاخرين
استاذى الكريم عادل عوض نعم لقد اصبت الهدف برؤيتك
احيك من كل قلبى على براعتك للتخيل من على بعد
تحياتى وتقديرى
دمت مبدع ورائع