رئيس للعشيرة

الله عليك يا ريس

عيشت شعبك كويس

جبهة انقاذ بتهيس

وعشيرتك عمالة تسيس

لقمة عيشنا بكل سلاسة

اقضي علي الثوار بغلاسة

حكتم نفسك انا بسياسة

وخليك قاعد في الرياسة

أحترم دستوري وقانوني

ولو غلط في يوم حاسبوني

قتلة ثوار انا ححاكمهم

بس ادوني فرصة وسيبوني

فرصة ايه يا ريس

مأنت اخد منا كتير

شعبك عمال يهيس

وما شوفنا منك تغيير

الظلم دق ع الابواب

حق الشهيد في عهدك داب

كريستي وجيكا وجندي غياب

مهي الشرطة رمز الارهاب

يا سيادة الرئيس حديك رسالة

عملتنا ايه في الحرية والعدالة

متخلنيش عايش عوالة

ومتوصفنيش بالندالة

سب وكفر واقتل فينا

عذب اسحل اقضي علينا

مصر حتفضل غالية علينا

وحنبنيها احنا بادينا

نص جميل يا بهاء ...

تكفيك ملاحظات أستاذنا عادل عوض ...

لك كل المحبة و للوطن الغالي السلام

ماهر حامد كتب:

تسجيل

قراءة

ومرور

كل الود والتحية

شكرا لمرور حضرتك استاذ ماهر

ضياء الدين البري كتب:

السلام عليكم .. كلام من قلبي
رائعه
احترامي وتقديري لما خطه قلمك بصدق نبضاتك
وتحياتي لك

الرائع هو مرور حضرتك استاذ ضياء

عادل عوض سند كتب:

الابن الشاعر

بهاء الدين محمد

نصك كويس يا بهاء . الموضوع كان محتاج منك تريث .

للترتيب فقط .. والوزن ايضا .

انا منتظرك يا بهاء فى نص كامل طرحا ووزنا .

اوعدنى الا انتظر طويلا .

مودتى وتحيتى ...

اشكر حضرتك استاذ عادل علي مرورك الكريم
وعلي نصائحك الغالية
تقديري وتحياتي

عاطف عبدالعزيز الحناوي كتب:

نص جميل يا بهاء ...

تكفيك ملاحظات أستاذنا عادل عوض ...

لك كل المحبة و للوطن الغالي السلام

اشكرك علي مرورك الراقي
لك كل التحية والتقدير

الاخ الفاضل بهاء الدين
تحيه طيبه لحضرتك
كلماتك رائعه وواضحه
عبرت فيها عن كل الاحداث
ادعوا الله ان يأخذوا هذه الكلمات فى الاعتبار
ويحققوا العداله التى يدعون اليها
تحياتى وتقديرى
دمت بخير

مجدى سرحان كتب:

الاخ الفاضل بهاء الدين
تحيه طيبه لحضرتك
كلماتك رائعه وواضحه
عبرت فيها عن كل الاحداث
ادعوا الله ان يأخذوا هذه الكلمات فى الاعتبار
ويحققوا العداله التى يدعون اليها
تحياتى وتقديرى
دمت بخير

اشكر حضرتك علي مرورك العطر
استاذ مجدي
دمت في رعاية الله

عارف المشكلة فين .. المشكلة اننا بنقول اللي بنسمعه ..
كانوا زمان قبل كدا .. بيمدحوا في الريس وحلاوة الريس وطعامة الريس .. فلكل عامل فيها شاعر ونازل مدح من غير ما يعرف حتى هو بيقول ايه .. زي الناس يعني ..
نص ركيك .. وفكرته مستهلكة تماما .. وتهرت من كتر التداول .. المشكلة اني لو معنديش فكرة .. وعاوز اكتب .. بلاش كتابة من اصله .. فاهمني .. ابحث عن الحقيقة بنفسك .. وحلل وقارن وشوف واسمع وفكر .. وبعدين..... اكتب .. لان الكتابة أمانه ..

تقبل تحياتي

طالب حسن كتب:

عارف المشكلة فين .. المشكلة اننا بنقول اللي بنسمعه ..
كانوا زمان قبل كدا .. بيمدحوا في الريس وحلاوة الريس وطعامة الريس .. فلكل عامل فيها شاعر ونازل مدح من غير ما يعرف حتى هو بيقول ايه .. زي الناس يعني ..
نص ركيك .. وفكرته مستهلكة تماما .. وتهرت من كتر التداول .. المشكلة اني لو معنديش فكرة .. وعاوز اكتب .. بلاش كتابة من اصله .. فاهمني .. ابحث عن الحقيقة بنفسك .. وحلل وقارن وشوف واسمع وفكر .. وبعدين..... اكتب .. لان الكتابة أمانه ..

تقبل تحياتي

لما كانو الناس زي مابتقول بيمدحوا الرئيس زمان احنا كنا بنهاجم سليباته وحضرتك متعرفنيش فبلاش تلقي بالاتهامات عليا بدون دليل
ثانيا انا اللي بطالب حضرتك بالسماع للاراء الاخري مش سماع كلام المرشد وقنوات الاخوان فقط
وكان لازم من حضرتك ان يتسع صدرك للراي الاخر مش لازم اقول زي ما الاخوان بيمدحوا في انجازات الرئيس يريت نفكر بالعقل مش نفكر بانضمانا لجماعة او تاييدينا لشخص معين
تقدر تقولي عمل ايه الرئيس لكي اقوم بالتصفيق له