رئيس مصر

رئيس مصر
________

نفسي رئيسك يجي يا مصر
لأنه بجد لسه ما جاش
عايز واحد بعشق مصر
حالف يحميها م الأوباش
****
عايز واحد قلبه عليها
مش طامعان في مكانه وبس
يبقى بقلبه بجد شاريها
وبالغلبان يشعر ويحس
****
كل اللي إترشح وإتقدم
ناس محترمة وزي الفل
ولا ح تأخر ولا ح تقدم
ولا ح تغير طعم الذل
****
مصر لازمها واحد متنور
قلبه حنين عنده ضمير
شاب أصيل في السن صغير
جسمه م حصن م المسامير
****
ولا يعرف حزب ولا فلول
ولا بيخاف من غير الله
كل عشاه طعمية وفول
وحمولة راميها على الله
****
لا بعمل ترجت وعمولة
ولا رأسه تنحني لكبير
الكره في دمه من الطفولة
لسلفه تمنها نكون طراطير
****
شاب حر ودمه حامي
في ذات الوقت شاب رصين
يقعد حبة في مكان حالي
وحبه مع الفلاح ع الطين
****
يركب ويا الناس أتوبيس
يزور في جنازة ويهني عريس
يعمل صفحة كمان ع الفيس
يتابع الشعب ويبقي ونيس
****
يظهر لينا في التوك شو
مرة واحده في كل شهر
يسمع لينا في التوك شو
عن مشاكلنا الشهر بشهر
****
لجل ما يقتل فينا الفقر
وينورنا ويمحي الجهل
ويحول في بلدنا الكفر
لأحلى مدينه ودا شيء سهل
****
وعشانه راح نغزل شال
من أجساد الشعب الطيب
نبقي معاه في كل الأحوال
ويبقي معانا رئيسنا قريب
****
وبعد المدة نعطيه صوتنا
ونغنى له إحنا اخترناك
ولو يتغير لو على موتنا
لازم تبقى نهايته هلاك

****

وليد الوصيف .

الاستاذ الشاعر

وليد الوصيف

صدقنى فى اول الامر تجدهم ملائكه غلا ان يلتف عليكم

زبانية جهنم .. ينقلبون فى عدة ايام اللى مصاصى للدماء .

إلا ان يضه الله نصب اعينه ويعرف انه لامناص من الحساب .

احييك على نصك الجميل ووعيك بإستخدام البحر المتدارك إلا

فى بعض المناطق القليله بالنص .

مودتى وتحيتى ...