جمال نصير .... قصيدة " خطباء النخبة "

تنويه واجب ..... الردود يجب أن تكون في حدود الفن و الأدب و ما خالف ذلك وجب حذفه و لو كان صاحب النص نفسه وجب حذفه كذلك ..... أحبكم جميعا .....

رسالة الى كل خطباء النخبة

نورونا يا أفاضل ... إنتو مين ؟؟
وف ميزان الخلق إنتم ... تسوا كام ؟؟
عرفونا .. أيه عملتم للبلاد
وضحولنا أيه بنيتم .. للعباد
شفنا منكم ... بس منكم .. الخراب
انتو بس فى البلاد دى ... كالذباب
رايحة جاية .. بين حياتنا بالعذاب
انتوا خدعة من سراب
بين كنوز الخلق انتم..
بس حفنة من تراب
*****
انتو كام ... لو تعدوا انتو كام !!!
كام هيسوى.... لو كتبتم قبل ( واحد ).....
الف صفر !!
كام يساوى ... جنب شعرة طهر طايره ....
الف ضفر !!
انتوا حب رمل تأيهة .. وسط بحر
انتوا قلة .. عايزه كل حياتنا ... قهر
انتو لحظة وسط دهر
انتو للاسياد صبحتم .. بس ضهر !!
حد يركب... حد يلعب.. حد يمسك طرف ديل الكلب نفسه..
يبقى مُهر !!
انتوا حالة بؤس عايشة للعذاب
انتو جبهة للخراب
*****
انتو مين ....؟؟
هو دا أكبر سؤال...
ال شارب ...كام بتاعة
وال ضارب كام دماغ
وال طامع ف الرياسة
وال تايه ف الفراغ
وال شارب دم شعبه
وال بس الكره شاغل كل همه
وال يرقص .. يبقى منكم
وال يرفض مرة يمشى بين وجوهكم
يبقى خاين... او طريقه مش طريقكم
وال ف التمثيل بترسم - دين – لأمه
يبقى اغلى من ضميركم
والحرامى .. والضلالى .. وال صايع فى الشوارع ...
يبقى ثورى... حد منكم !!
*****
البلاد محتاجة تبنى ... وانتو فين؟؟
والشعوب حوليكو قامت .. وانتو نمتوا .. نمتوا فين؟؟..
ف الشوارع .؟؟ فى الميادين الكتيرهة.. ويّا مين؟؟؟
كله واحد..
لما بنت تنام ف خيمة جنب عيل ..
لما عيل.. واد خمورجى .. ييجى يتكلم سياسة
اه يا نخبة ...
تبقى دى اخلاق ودين ؟؟؟
الغلابة عايزه تاكل ..
والحياة محتاجة تجرى
والولاد السمر عايزه تانى ترجع ... للحياة
بس انتوا .. انتو مين؟؟
انتو بس...
رُكبة حلوة للفلول.. جم يحاربوا الشعب ... بيكم
جم عليكم مرة تانية .. يركبوكم
*****
آه يا نخبة ..
لما تنسى .. أصل أصلك
تنسى لما الذل ضمك .. زى ضلك
كنت تقدر يوم تتهته ؟؟
لما صوتك .. من تفاهتك .. تاه فى رجلك ..
كنت تقدر يوم تبجح .. او تمأمه ؟؟
لما كان السجن بيتك .... لما كان الفن دينك
لما كان الجبن لابسك....من رجولك حتى شعرك
كنت تقدر .. لو تنهنه ؟؟
لسه فيك الجبن ماشى جوا دمك
وال ييجي عشان يصونك.. يبقى ضدك ؟؟
وال ييجى عشان يعلى من مكانتك ... يبقى واطى؟؟
وال يركب فوق كتافك .... ليه توطى..؟؟
*****
قوم يا مصرى .....قوم يا ابنى ..
او اخويا وابن عمى...
قوم يا كل كريم وطاهر.. ف البلادى
دوس على النخبة القبيحة دى بقلبك ..
دوس دى خلق الكره فيها .. نار فى جسمك
دوس وكمل .. بكرة توصل
أما طين الارض يفضل .. طين .. فى رجلك
*****
قوم يامصرى..
لو تنوح ف الضلمة كل البوم .. هتفضل ....
بس تندب ؟؟
بس انت .. قوم وعمر
أوعى تمشى خلف نخبة...
بين ضمير الشعب تخرب.. او تزور
وال يبنى ...وال يزرع...
وال ياخد يوم بأيدك.... مش بيكدب..
*****
جمال نصير فى ......(جمعة الكرامة !!!!... 8 فبراير 2013)

اخى العزيز الشاعر والناقد المتميز جدا جدا والمتألق دائما
الاستاذ عاطف الحناوى

احيك اولا على اعادة تلك القصيدة حتى لا نحرم من الاطلاع عليها فيجب ان لا يحذف ابداع ابدا مهما كان راى المبدع . واحييك كذلك عل التنويه الذى دونته قبل القصيدة فيجب كذلك ان يكون الرد موضوعيا لا سفه فيه .
وان اذنت لى ان احيى صاحب القصيدة فانى قراتها عدة مرات ولم اجد فيها ما يعكر صفو احد فهى قصيدة جيده جدا جدا من ناحية الصياغة وانت ادرى منى بذلك اما من ناحية الموضوع فان الشاعر حر ومسئول عن محتواه ويجب علينا جميعا احترام الراى الاخر مهما كان .

واخيرا اتمنى لكم جميعا دوام التوفيق والمحبة والسعادة وحرية الراى وشكرا .

شكرا لمرورك الجميل و الراقي يا أستاذي الحبيب

اشتقنا لرؤيتك بيننا في النادي المصري

على فكرة عندنا تكريم للأستاذ محمود الفحام ندوة الخميس الأخير من هذا الشهر بإذن الله ..

في القصيدة عيب وحيد في رأيي المتواضع هو اللهجة الصارخة و الصوت المرتفع و إن كانت مبررة بعض الشئ في هذا السياق ..

شكرا لمداخلتك الكريمة أستاذ فوزي و شكرا للشاعر و لبيتنا و منتدانا المحترم

أحبكم جميعا

فوزي الشربيني كتب:

اخى العزيز الشاعر والناقد المتميز جدا جدا والمتألق دائما
الاستاذ عاطف الحناوى

احيك اولا على اعادة تلك القصيدة حتى لا نحرم من الاطلاع عليها فيجب ان لا يحذف ابداع ابدا مهما كان راى المبدع . واحييك كذلك عل التنويه الذى دونته قبل القصيدة فيجب كذلك ان يكون الرد موضوعيا لا سفه فيه .
وان اذنت لى ان احيى صاحب القصيدة فانى قراتها عدة مرات ولم اجد فيها ما يعكر صفو احد فهى قصيدة جيده جدا جدا من ناحية الصياغة وانت ادرى منى بذلك اما من ناحية الموضوع فان الشاعر حر ومسئول عن محتواه ويجب علينا جميعا احترام الراى الاخر مهما كان .

واخيرا اتمنى لكم جميعا دوام التوفيق والمحبة والسعادة وحرية الراى وشكرا .

اخى فوزى .. لاحرمنا الله منك .. اشكرك كل الشكر على مرورك النبيل النقى .. فتقبل اخى تقديرى واحترامى لشخصك الكريم

عاطف عبدالعزيز الحناوي كتب:

شكرا لمرورك الجميل و الراقي يا أستاذي الحبيب

اشتقنا لرؤيتك بيننا في النادي المصري

على فكرة عندنا تكريم للأستاذ محمود الفحام ندوة الخميس الأخير من هذا الشهر بإذن الله ..

في القصيدة عيب وحيد في رأيي المتواضع هو اللهجة الصارخة و الصوت المرتفع و إن كانت مبررة بعض الشئ في هذا السياق ..

شكرا لمداخلتك الكريمة أستاذ فوزي و شكرا للشاعر و لبيتنا و منتدانا المحترم

أحبكم جميعا

اخى الكريم وناقدنا المبجل المحترم عاطف الحناوى .. كلماتى لن توفيك حقك فى الشكر والتقدير .. ولكن كلى شرف ان اكون هنا بين يديك اتعلم منك شعرا وخلقا وادبا ومحبة .. يكفينى ان اكون معك هنا .. شكرا لقلبك الرحب الجميل

دمتم بكل خير و محبة