أستاذ حمادة

موضوع: أستاذ حمادة الثلاثاء فبراير 05, 2013 9:38 am

أســـــــــــــــــــــــــــــــــــــــــــتاذ حمادة

شفناه ياعينى بينضرب
شفايفنا نزلت مصمصه
استاذ حمادة اللى إتسحل
على ذنب اسمه البلبصة
امى قالت يسّـــــــترة
قوّيه يارب وصــــــبّرة
وسعيد محامى العائله
كتب بيان ومحضّــــرة
ياحمادة إثبت والنبى
الكورة جاتلى ف ملعبى
ياحمادة إوعى تكون غبى
وأسمع كلامى ودوّرة
دى قصتك ولعت ونار
واحنا لينا الف طار
والكل شاهد ف المدار
غير اللى شاف ومصوّرة
حمادة أقسم ميت يمين
ياخد بطارة ان شالله مين
يانهار ازرق ع السنين
و شكل أهلى ومنّظــــــرة
بقى أنضرب وأسكت كمان
أنا مش حمادة بتاع زمان
شاف مقعده جوة اللومان
لحـــــــــس كلامة وغيّرة
استاذ حمادة باينّة خاف
قلبه انخلع ساعة ماشاف
حضن رجولته واللحاف
وننة هوة بيشــــــــــــخّرة
وامى اللى ماتت م العياط
وهى قاعدة مرصرصة
وتقول خدولو هدمتين
وان شالله لقمه محمصة
هنقولها عيل جبان
مالوش ف كار المرّجلة
وهيعمل ايه بس الكلام
ف حد خد ع المعّيلة

أخي الشاعر محمود كامل

لولا كلمة الختام ( والتي أتمني ان تعمل علي تغييرها فهي لا تليق

بشاعر مثلك ) لقلت لك قصيدة رائعة

لك الحق فيما تري فيما يخص هذة الحادثة وأعجبني استدعاء الام

في الصورة في مشهد تمثيلي جميل

أحييك علي ما كتبت (( الا من كلمة الختام ))

كن بكل خير

بجد ياجماعه انا زهقت عايز اعدل حاجه فى النص ومش عارف وبعمل كل الخطوات المطلوبه منى ومش شايف كلمه تعديل خالص ياريت القائميم على المنتدى يسهلو العمليه شويه لان كده صعب وزهق فى زهق

مضطر اعمل كده عمليه اقتباس عشان اعدّل النص أمرى لله

الشاعر / محمود كامل
قصيده رائعه والحديث عن التار حديث ذو شجون
وأنا مع الصديق المخلص الشاعر / محمود جمعه في حتمية
إلغاء أو تغيير نهاية النص
وفقك الله
دمت ودامت المحبه

نص حواري شعري جميل جدا

وبالنسبة للتعديل فاطلب من اى مشرف يعدلك الكلمة التي تريد تعديلها

واضم صوتي لتعديل الكلمة الاخيرة ليكون نصك للجميع واعتراضك

على اى فئة او جماعة مقبول ومن حقك .. شكرا

أخي الحبيب الشاعر محمود كامل ..تم تعديل النص بناءاً على طلبك..أرجو ان يروق لك في حالته الجديدة..
أخوكم...رضا محمود

الشاعر الجميل الاستاذ/ محمود جمعة
اعتقد ان النهاية دى مختلفة عن النهاية الاولى
يارب اكون وفقت فى اختيار نهاية القصيدة عشان ماتزعلش

شكرا للاستاذ الرائع رضا محمود
على مساعدتى فى تغير نهاية النص
ارجو قبول تحياتى

محمود كامل كتب:

الشاعر الجميل الاستاذ/ محمود جمعة
اعتقد ان النهاية دى مختلفة عن النهاية الاولى
يارب اكون وفقت فى اختيار نهاية القصيدة عشان ماتزعلش

أخي الشاعر الاستاذ محمود كامل

ليس الامر أمر الزعل ،،، نريد ان يكون بيننا جميعا ميثاق

شرف أخلاقي ملخصه أنك من حقك ان تختلف مع السياسات

والمواقف ..ومن حقك ان تهاجم اي موقف او موضوع تراه

ولكن كلنا لا يرضي ان يسبه ويقذفه أحد .. فلماذا نقبل

هذا لغيرنا ؟؟ ياسيدي اولادنا وبناتنا وزوجتنا يقرأون ما

نكتب .. فهل يرضي احدنا ان تقرأ أسرته ما لا يسره

ثم أن للناس اسر وأصدقاء وأحباب ومؤيدين يوغل

صدورهم ان نسب ونقذف وننشر ندعي الباطل .. فلماذا

لا نجتمع علي حب بلادنا ويكون النقد البناء هدفنا وليس

تشويه الناس وسبهم وقذفهم ،، الناس كلهم اي ناس

حاكم او معارض ،، فإذا جاء دور الصندوق اسقطنا

من فشل وأبدلناه بغيره ،،

أما ما يحدث الان فلا أراه يأتي لمصر بأي خير

شكر الله لك تغيير النهاية وتقبلك النصح وهذا لا يأتي

إلا من أنسان متواضع ذو خلق

لك خالص التقدير

الاستاذ الشاعر

محمود كامل

احييك على تفاعلك السريع لموضوع اخذ

حجم اكبر من حجمه . ووقعت فيه الداخليه فى مأزق مهين .

ولكن سبحان مغير الاحوال .. هل تسمع شيء عنه الآن ؟؟؟

مودتى وتحيتى ...

شكرا للاستاذ عادل عوض
وكل من شرفنى بمروة الكريم وكل من أسدى اليا نصيحة وليتقبل الجميع من تحياتى وكل عام وانت بخير

أخي الحبيب الشاعر ..محمود كامل..أنت شاعر عاميّة وزجّال من الطراز الأول الذي يُمتع المُتلقّي ويُشبع الإحساس.
دُمت بهذا المستوى الراقي ياشاعر

» أستاذ باااااايـــظ ....
» مواطن أمن دولة( الحلقة الأولى)
» كاد أن يفقد عقله
» أستاذ بتاع
» عصابة حمادة وشوشو