مين اللى حاقنك بالوجع

مين اللي حاقنك بالوجع بين ضلوعك
مين اللي جاحد وانخلع من فروعك
مين اللي بعد العزة راضي بهوانك
باعك وخانك وانشطر عن ربوعك

ملعون ومهما يكون ماحيكون في ضلك
قلبه اتقفل لك واستحلك وضلك
لو يرضي ذلك يرضيناش احنا ذلك
ولايرضيناش ياشامخة لحظة خضوعك

تمكر تعالب واللي غالب أسودك
ف الجد جودك مجد جاد به وجودك
حراس حدودك قلاعين عين حسودك
قاضيين فروضك تحت أمرك وطوعك

حارسك إلهي م اللي غادر وفاجر
من كل عادي وندل بالعرض تاجر
تصدح بصوت الحق فيك الحناجر
وقت المخاطر تلتقينا دروعك

أرواحنا تفنى وانتى ماتدْمعيشى
وتهون ولادنا لجل مانتى.تعيشى
ويفيد بإيه لمااكله بالهم عيشى
ويفيد بإيه عيشى وغموسى دموعك


لها تكملة إن شاء الله