إيه اللى جرى ؟

إيه اللى جرى للدنيا يا ناس ؟

رزع وخبط بدون إحساس

ميكرفونات على طول بتزعق

ماليه الدنيا صياح وخلاص

كله بيصرخ جاى ورايح

يملا شرايطْ ...

يملا صفايحْ

والله يا ناس دا حرام وكفاية

وبلاش غم و كتر فضايح

إيه اللى جرى للدنيا يا ناس ؟

رزع وخبط بدون إحساس

والمحروس بيعبى جرابه

مش عامل للآخرة حسابه

دى الأيام بتفوت وبتجرى

والموت هـــ يخبط على بابه

ويقول له تعالى يا أستاذ

إيه اللى جرى فى الدنيا يا ناس ؟

اخى الحبيب ابراهيم اول المارين على زجلك الساخر من الدوشه ومن واقع صورته بجد مرير
فى ايجاز شديد اوجزت عدد كبير من المشاكل
وروح الزجل الساخرة موجودة فى كل جمله شعريه
لك كل حبى اخى العزيز وصديقى الغالى
محبتى

أخى المبدع محمد
شكرا على مرورك الذى عطر نبضات حرفى
كل عام وأنت والأسرة فى خير وسعادة

جميل يا استاذ ابراهيم
زجل ساخر ودمه خفيف جدا زى صاحبه
احنا فعلا مع حضرتك مستغربين وبنسأل نفس السؤال
شكرا لك

عادل عوض سند كتب:

زجل من الازجال الساخره والتى تسخر من
مثالب المجتمع المصرى
استاذ ابراهيم خليل
كل الود على عملك الرائع ...

______

أخى المبدع عادل
نعم ..
فيجب أن تكون الكلمة ذات الدور الفعال فى حياة البشر
كل عام وأنت بخير

عبدالله عبدالصبور كتب:

جميل يا استاذ ابراهيم
زجل ساخر ودمه خفيف جدا زى صاحبه
احنا فعلا مع حضرتك مستغربين وبنسأل نفس السؤال
شكرا لك

_____
أخى عبد الله
كل عام وأنت بخير