بانوراما الثوره

ماتفتكرشى ان شئ يقدر ويمنعنى

من انى اقول وحبيبتى تسمعنى

جرحى القديم

جرح التهارده صحا

لمتنى كوم عضام

وطلعت من تحت الرحى

انا القتيل الحى

عرفت ان الضى

فى عروقك مصر

ما يموتش ولا يختفى

وافتح لنا الكراريس

نكتب يادوب كام سطر

ناخد بتار قطر الصعيد

بكلمه يوم العيد

واضحه وضوح الشمس

مصر النهارده شئ

بيختلف عن امس

...................................

مصر النهارده جناحاتها بترفرف

بتصلى بينا العصر قصر

و ف الصباح الجى

ح تصلى بينا الفجر فى الاقصى

.........................................

عدى الضلام والغل انهزم من نار هناف الشعب

شفتوا الغيلان اذاى قصاد الحب

مخلوقات هشه

وكأن اصواتنا البريئه

قشت سنين القهر بمقشه

ولاعادتش فيه جلاد ولا سوط ف ايد ظالم

مسكت ديل جلبيتك وربنا عالم

نزعت منى الخوف

لكن عيوتك جت طمتنى

وقالت لى غنى

غنت لها

مفيش ولاحاجه تمنعنى

...........................

انا عسكرى من زمان فى جيوشك

حضرت احمس ومينا وقطز

مقتول بعشقك وانتى عشقك حياه

ولما قالوا غرقتى كنتى اطواق النجاه

عبرتى بينا من جديد

ولدتى من تانى

مليون صلاح الدين

...........................

والله وعشت وشفت على رملتك بكره

ولا عمرى ليه كدبت

ولا ماتت الفكره

ولما جالك فرحت وبل دمعى الفرح

لقيت فى عيونك بجد

ابرء وانعم ضحكه

........................

دم الشهيد يا ورد فى جناينها

شاهد وعارف مين اللى خانها

وعرانا وجوعّنا

وخلى القهر يوجعنا

وهانت وهونا عليه

جاحد وقاسى وهو سجانها

..............................

هات ياللى سرقت من دمنا بكره وامس

ومليت خزاين سويسرا وشلت فيها الشمس

انتى خفاش اعمى

وطاويطك اللى فوق تربيزه القمار

وفى بيوت الدعاره وحسبه السمسار

وطاويط فى قفص الحق دلوقتى مشلوله

ما الليل خلاص انتحر يا دوله العميان

ونسيت عداله لسه ف السموات

..............

دعت عليك بنت البنوت والطفل

واليتامى والارمله

دعوه فى ايد ربنا

وبعت لنا اجابه مستعجله

وسقطت ويا حمله الاقنعه

اللى خلو الحقيقه خايفه تتكلم

ولما جه حلم الولاد هل النهار على مصر

وحلم الولاد كان صفحه ع الفيس بوك

ذى ماتقول شراره

قتلت يا حق الشك

وادت اللى اتطلق

من قيده مليون سك

[b][i][u]

الشاعر القدير الراقى أمين صادق

أسمح لى بتثبيت رائعتك ونتنسيقها وتلوينها اولا

ثم أعود وأقرء بتأنى جمال وروعة حروفك

دمت ودامت روعتك وابداعك الواعى الراقى

دمت بحب

شكرا الشاعره المتميزه عزة الزرقانى
وتحيا مصر

شكرا الشاعره المتميزه عزة الزرقانى
وتحيا مصر

تحيا الثورة المصرية
و يحيا ابطالها

الاخ الحبيب الشاعر الجميل

صادق امين

والله وعشت وشفت على رملتك بكره

ولا عمرى ليه كدبت

ولا ماتت الفكره

ولما جالك فرحت وبل دمعى الفرح

لقيت فى عيونك بجد

ابرء وانعم ضحكه

بصراحه ما زلت غير مصدق ما حدث .

واحياناّ احادث نفسى واقول :

معقول قدرت الشباب نها تقضى على العصابه دى ؟؟؟

معقول النهار طلع وشق عباية الليل الغميق ؟؟؟

معقول انتهت فتره سوده من حياة مصر ؟؟؟

مئات الاسئله . وبالطبع الاجابه . نعم ..

احييك اخى صادق . واسمح لى بعوده للتحدث عن نصك .

مودتى وخالص تقديرى ..

اشكرك اخت ايمان لتواصلك مع قصيدتى

الصديق والاخ المبدع عادل
لطلماحلمنا بهذا اليوم والذى تحقق وبات حقيقه
عكسها وعى هذا الشعب لتخرج اهم واعظم ثوره عرفها التاريخ الانسانى على الاطلاق
لقد الشعر يرسم من خيال الشعراء اما الان فقد اصبح متفاعلا مع الحدث
ثلاثون عاما خضنا خلالها معارك على خلفيه هذا المشهد الجلل ولن اخفى عليك كنت اراك وارى كل صديق شريف بكيت وتذكرت الشاعر محمد طه وقصائده المعبره تذكرت وانا احمل الشهداء ان احلامنا كانت مثل اوجاعنا حقيقيه وبنت هذا الوطن[img][/img][b]

» الثوره مش مستمره
» على هامش الثوره
» الثوره قامت
» تمتمات ما قبل الثوره
» أحلام في عيد الثوره