احسن شعوب الارض

موضوع: احسن شعوب الارض السبت يناير 26, 2013 5:20 pm

بقى هى دى الثوره؟
.....................
بقى هو ده شعبنا
وهما دول ولادك
بقى هو ده مجدنا
وهما دول احفادك
حرق ودمار تخريب
ولعه ونار ولهيب
والله اكبر عيب
نحرق ياناس ارضنا
والله عارف انا
ان انتو عندكو حق
والنيه حرق الكدب
بس تخريب دمار مش حق
ايه ذنب طفل صغيريموت من الدخان؟
وايه ذنب شعب البلد
يعيشوا ف التوهان
بقى هو ده شعبنا؟
وشهادة الاسلام
مصر الجنود الطيبه
احسن جنود الارض
حالنا اتقلب يا بلد
وخالفنا سنه وفرض
ايه ال جرىانطقوا
الدم ملى الارض
يام الشهيد اسكتى
سكوتك اصبح فرض
واحتسبى ابنك شهيد
ف الجنه يوم العرض
وال يبيع ارضناوال يخون عهدنا
وال يهون عليه دم ال مات
نهايته جوه الارض
والدود هياكل جتته
والارض تمحى هيئته
افتكروا يالى بتظللموا
اخرتنا جوة الاض
بقى هو ده شعبنا
احسن شعو ب الارض؟
..........................................
احساسى الان
شاعر الاحساسي
عبدالتواب الرفاعى

الاستاذ الشاعر عبدالتواب الرفاعى
تحيه طيبه لحضرتك
ابدعت فى نصيحتك الشعريه
ادعوا الله ان يهدى النفوس ويعم الرخاء والامن والامان
على بلدنا الحبيبه مصر
استاذى لقد ذكرت الناس بكلماتك المضيئه

افتكروا يالى بتظللموا
اخرتنا جوة الاض
بقى هو ده شعبنا
احسن شعو ب الارض
استاذى تحياتى لحضرتك
دمت بخير وسعاده

أخى عبد التواب
لا فض فوك
كلمات تنبض بكل حب لهذا البلد
الذي يستحق منا الكثير
أحييك ايها الراقي

اشكرك حبيبى مجدى سرحان واشككرك عاطف الجندى

أخي الحبيب شاعر الإحساس الصادق..عبدالتواب الرفاعي..حقاً والله صدقت فمن يرى حالنا الآن يُراجع نفسه ألف مرة على تاريخ الشعب المصري الذّي قال عنه رسولنا الكريم ــ صلّ الله عليه وسلّم ــ أن فيه خير جنود الأرض وأوصى بها وبأهلها خيراً..ياليت الشعب المصري بكُل أطيافه يستمع إلى قصيدتك هذه ويعي ما بين السطور.
دُمت بهذا الإبداع الراقي والإحساس الصادق يا شاعرنا الرائع

اخى الحبيب الشاعر

عبد التواب الرفاعى

على من نلوم .؟؟؟ الشعب ام الحاكم ؟؟

ولنترك الاجابه الآن .

ولكن مصر لن تضيرها الاحداث فهى اقوى واكبر من ذلك .

داعواتكم لها فهى تستحقها الآن .

مودتى وتحيتى ...

اشكرك حبيبى رضا محمود

واشكرك اتاذى عادل عوض سند

غظب عن امريكا
.....................
بقى هو ده شعبك
وهما دول ولدك
بقى هو ده مجدك
ياأعظم الحضارات
ياللى انتى نحته فى التاريخ اسمك
ياصورة أجمل م الخيال............ هيلطخوا رسمك
بالدم والولعه
وبيطفوا أنوارك
بس انتى غظب عن أمريكا..... هتنورى شمعك
وهتعلنى الافراح
بقى هو ده شعبك؟
حرق ودمار تخريب
ولعه ونار ولهيب
والله اكبر عيب
نحرق ياناس ارضك
ايه ذنب طفل صغيريموت من الدخان؟
وايه ذنب شعب البلد
يعيشوا ف التوهان
بقى هو ده شعبك؟
وشهادة الاسلام
مصر الجنود الطيبه
احسن جنود الارض
حالنا اتقلب يا بلد
وخالفنا سنه وفرض
ايه ال جرىانطقوا
الدم ملى الارض
يام الشهيد اسكتى
سكوتك اصبح فرض
واحتسبى ابنك شهيد
ف الجنه يوم العرض
وال يبيع ارضناوال يخون عهدنا
وال يهون عليه دم ال مات
نهايته جوه الارض
والدود هياكل جتته
والارض تمحى هيئته
افتكروا يالى بتظللموا
اخرتنا جوة الاض
بقى هو ده شعبك
احسن شعو ب الارض؟
الولعه دى مش مننا........مش طبعنا
نقتل ف بعض
النار غريبه عننا.....وده لأننا
متربيين على حب بعض
فاتمسكى ي أمنا بحلمنا
راجعين لحضنك كلنا
غظب عن أمريكا واللى يخصها
القتل ده مش طبعنا
بشهادة القران
احنا أحسن جنود الارض

........................................
شاعر الاحساسي
عبدالتواب الرفاعى

» قصيدة ( مين اللى احسن ..سيدنا محمد ولا يسوع
» تعرف على أخطر المخلوقات على وجه الارض
» في يوم الارض الفلسطينية / الحاج لطفي الياسيني
» عاوزة ترحيب جااااااااااااااامد موووووووووت ولا امشي احسن ؟؟
» انا صاحب الارض / للشاعر العروبي لطفي الياسيني