ياوابور قولى ...

وكم من إمرئ
كان إلى الموت أقرب
عاش وغيره
مات مستغرب
هكذا هو الموت
لامفر لنا منه ولا مهرب
وهكذا هى الحياة
من عجب كانت وصارت أعجب

ياوابور قولى إيه قصتك
مش زمان كانت شغلتك
تمشى على القضيب
وتقف فى محطتك
توصل وتودى وتجيب
وتقرب حبيب لحبيب
إيه اللى غير نظرتك
ياوابور خليك نجيب
وقولى سر بلوتك
فين نلاقى العيب
وإزاى بتلعب لعبتك

ناوى ثانى على مين
ومين حاتخده فى سكتك
ياوابور خليك أمين
ترجع ثانى معزتك
هما صحيح بيأخونوك
وخلاص حاتطلق لحيتك
والا أنت كده من سنين
عبيط وناسى شغلتك

بقيت تمشى على هواك
مش لاقى حد يسكتك
فيوم عياط بدرشين
مش برضه دول غلطتك
نسيت خلاص الغلبانين
طول عمرههم صابرين
وراضيين بخيبة حضرتك
تذكرتك ليه بقت ذهاب
من غيرلاعودة ولا إياب
واللى يركبك يصبح سراب
ومش معموله حساب

أنا ليه ب أعاتبك
وإنت مخك حديد
واللى إنت فيه ده مش جديد
والحق أصلا مش عليك
الحق على إنسان
عمى قلبك وعينيك
فاسد خسيس جبان
مسئول يشدك من إيديك

سايبك على هواك
وشك محل قفاك
مش فاضى حتى يبصلك
بيبنى ع السكة مولات
ومشغول بالعمولات
راحت ضحية أو حتى ماية
ضميره أصلا.. بح .. مات

الشاعر القدير
طاهر الصوفانى
تحية طيبة

أشكر لك مرورك
وكلماتك التى
سعدت بها كثيرا

أطيب التمنيات القلبية