عشانك يامصر ( مساجلة )

شارك وعبر فى حب مصر

بحبك ويشهد بحبى الأله

وبركع وبسجد بفرض الصلاة

وعينى يتدمع لحالك يابلدى

ما تيجوا نفرق صفوف الجناة

بوحدة صفوفنا هانعلن شموخنا

وقائد سفينة بيرسم طريقنا

بمسلم وقبطى وأبيض وأسمر

هانزرع ونجنى ونرفع رايتنا

بحبك ويشهد بحبى الأله

شاعرى المبدع منصور غيضان
تحيه طيبه لحضرتك
الله الله على روعة الكلام بالدعوة الجميله التى تحمل فى طياتها الاخوه الصادقه
لكل اطياف الشعب العظيم و كل المحبه لمصرنا الحبيبه
نعم هنا بلاغة الحكماء
وكلمة الشعراء
وعدل الاب بين الابناء
شاعرى الفاضل واستاذى المبدع
لحضرتك وافر التحيه والتقدير على قصيدتك جميلة المعانى رائعة الاهداف
دمت مبدع

الله علي جمال كلماتك ياأستاذ منصور
انتظرن٧ سأشارك ان شاء الله في المساجلة ولكن مش دلوقت عشان داخل من نت الموبايل
تقبل مروري الأول وتحياتي

يامصر يــــــــــاأم التاريخ أنــــــــــــــا ليــــكى مـــــــــداح
أمدح ف وصف الجمال والحب مابينا براح
أمسك بإيدى القلم وكتب ف حبك المووايل
تِعب القلم مـــــــن إيــــــــدى طلب شويــــــــه سماح

باحبك ياضى ف ضلوعى وشرق
وحبك مهواش كلام ع الورق
يامجد اتنقش فوق جبين الزمن
بهمة ولادك تعدى المحن
ولجلك حياتى تكون التمن
وأنزل بحورك وناوى الغرق

مليون سلام مربع ع الــدلتا والــــوادى

شمس الأصيل فـ السما فارشه على بلادى

تــــوب الـــدفــــا والــــوفــــا والكل فيها أصيل

نـــورث م الجــــــدود الأدب ووصى بـــهــا أولادى
***********************
عمر ولدك يامصر مجدع أبو الشهامه أصيل
حتى لــــو حملك تُـــقــل يـتنسى اللى كـــان ويشيل
رسمت ظروف المحن ف ضهره الللى إتحنى
لساه شامـــخ بيغــــزل ف حبــك غُنـــى وتـــراتـيـل

بحبّك عقيدة.. وصبر وكفاحْ

بحبّك عنيدة..ورافعَة السّلاحْ

في وش اللّي خانِكْ..

وجَرّف غيـطانِكْ..

ودَبّل عيدانِكْ..وخان الصبَاحْ.

بحبك حضارة بتجري ف عروقنا
بحبك طهارة ترطب حروقنا
بحبك وحبي بيروي السواقي
واموت ألف مرة وارجع حقوقنا

بحَبّك.. جوامِعْ..بتُحضن كنايـسْ

وشايف وسامِعْ..وفاهِم وحاسِسْ

بإنّك أصيلةْ..وعَاشقة الفضيلَةْ

همُومك تقيلَةْ..وصَبرك مدَارِسْ

مجدى سرحان كتب:: شاعرى المبدع منصور غيضان
تحيه طيبه لحضرتك
الله الله على روعة الكلام بالدعوة الجميله التى تحمل فى طياتها الاخوه الصادقه
لكل اطياف الشعب العظيم و كل المحبه لمصرنا الحبيبه
نعم هنا بلاغة الحكماء
وكلمة الشعراء
وعدل الاب بين الابناء
شاعرى الفاضل واستاذى المبدع
لحضرتك وافر التحيه والتقدير على قصيدتك جميلة المعانى رائعة الاهداف
دمت مبدع

الأخ الجميل مجدى سرحان

مرورك يزين بلونه الكلام

وعطرك عبيره بينشر سلام

ولولا المحبة ماكنش اللى قلته

ف ربى ونبيه يطيب الغرام

دمت أخا فى الله تعالى

حسن الجمال. كتب:: الله علي جمال كلماتك ياأستاذ منصور
انتظرن7 سأشارك ان شاء الله في المساجلة ولكن مش دلوقت عشان داخل من نت الموبايل
تقبل مروري الأول وتحياتي

جزاك الله خيرا منتظرك بإذن الله تعالى

طاهر طاهر كتب:: يامصر يــــــــــاأم التاريخ أنــــــــــــــا ليــــكى مـــــــــداح
أمدح ف وصف الجمال والحب مابينا براح
أمسك بإيدى القلم وكتب ف حبك المووايل
تِعب القلم مـــــــن إيــــــــدى طلب شويــــــــه سماح

بامصر ياللى القمر بيطل من نورك

عليك سلام ربنا ف الحزن وسرورك

واسأل إله المون والدمع ف عيونك

يكشف بلاء جبهة مدسوسة ف زهورك

حسن الجمال. كتب:: باحبك ياضى ف ضلوعى وشرق
وحبك مهواش كلام ع الورق
يامجد اتنقش فوق جبين الزمن
بهمة ولادك تعدى المحن
ولجلك حياتى تكون التمن
وأنزل بحورك وناوى الغرق

باحبك يادنيا العلوم والحكم

وحبك مراجع وبردى وقلم

ولجلك راح ازرع ورودى ودمى

هايروى اللى طالع بأرض الحرم

طاهر طاهر كتب:: مليون سلام مربع ع الــدلتا والــــوادى

شمس الأصيل فـ السما فارشه على بلادى

تــــوب الـــدفــــا والــــوفــــا والكل فيها أصيل

نـــورث م الجــــــدود الأدب ووصى بـــهــا أولادى
***********************
عمر ولدك يامصر مجدع أبو الشهامه أصيل
حتى لــــو حملك تُـــقــل يـتنسى اللى كـــان ويشيل
رسمت ظروف المحن ف ضهره الللى إتحنى
لساه شامـــخ بيغــــزل ف حبــك غُنـــى وتـــراتـيـل

يا أحلى الموانى وأجمل بلاد

بسهلك ونيلك بتروى العباد

وقمحك بيطعم ويغنى الجميع

ولولا المؤمرة لكان السداد

رضا محمود كتب:: بحبّك عقيدة.. وصبر وكفاحْ

بحبّك عنيدة..ورافعَة السّلاحْ

في وش اللّي خانِكْ..

وجَرّف غيـطانِكْ..

ودَبّل عيدانِكْ..وخان الصبَاحْ.

بحبك وراسى ف ضلك شموخ

وناوى أجاهد بطلقة وصاروخ

وهارفع ف رايتك لحد الممات

ودمى هايرخص ويأبى الرضوخ

السيد عبد الجابر كتب:: بحبك حضارة بتجري ف عروقنا
بحبك طهارة ترطب حروقنا
بحبك وحبي بيروي السواقي
واموت ألف مرة وارجع حقوقنا

بحبك طهارة تغطى الجبال

وتحكى المعانى ترد السؤال

وركعة حبيبك ف وقت التجلى

بيطلب يروح برزقه الحلال

رضا محمود كتب:: بحَبّك.. جوامِعْ..بتُحضن كنايـسْ

وشايف وسامِعْ..وفاهِم وحاسِسْ

بإنّك أصيلةْ..وعَاشقة الفضيلَةْ

همُومك تقيلَةْ..وصَبرك مدَارِسْ

واحبك وزرعك بيطلع بحارس

بيجنى السنابل بحاصد ودارس

وعينك ف لحظة ما تنظر لنيلك

عروسة بتوبها لأبن الفوارس

موضوع: رد الجمعة يناير 25, 2013 5:12 pm

دي مصر ياناس بنت ناس
جميلة بِرْحَه ترد الأنفاس
حبها وسام ع الصدر
بحرها جبالها والبر
طبيعة غناء ترد الروح
يامصر ياروح مابعدك روح

ياسمره حضنك دفـــــا عمـــره ساعى الكُل

الله على إسمـــك هَـــنــــا إسمك ده ذى الفُل
الكل يحب الجمال ويرسى على بابه

يامصر منين ده الجمال خــلى الغـريب يِطُل

مليكة الفلس كتب:: [center

]دي مصر ياناس بنت ناس
جميلة بِرْحَه ترد الأنفاس
حبها وسام ع الصدر
بحرها جبالها والبر
طبيعة غناء ترد الروح
يامصر ياروح مابعدك روح[/center]

دى مصر الروح وأنفاسى بتهواها

وطول العمر باعشقها ولا انساها

ياروح الروح يا عمر الدنيا وسنينها

لأخر لحظة مش هانسى جمايلها

طاهر طاهر كتب:: ياسمره حضنك دفـــــا عمـــره ساعى الكُل

ا

لله على إسمـــك هَـــنــــا إسمك ده ذى الفُل
الكل يحب الجمال ويرسى على بابه

يامصر منين ده الجمال خــلى الغـريب يِطُل

ياأمى عهدك وفا والكلمة منك صدق

وابنك فدائى حلف ما يوم يخش الشق

هايرد سهم العدا والجبهة ليها الوعد

هاتبيع لكل غريب وفلوسه ضد الحق

» مش عشانك
» عشانك إنتي
» أبكي عشانك
» دمى عشانك يرخصلك محمود الشاعر
» يامصر