أبكي عشانك

موضوع: أبكي عشانك الأربعاء نوفمبر 17, 2010 2:56 am

( ابكي عشانك )
ابكي عشانك ولا عشانهم
ولا عليا
ولا ابكي أنا ليه من أصله
هو أنا غاوي كأبة وحزن
ولا أعمل اطرش في الزفة
هارقصلك وامسكلك دفه
وبأطبل بأرقص وبأهيص
وفي عز الفرحة دا أنا بأبكي
مش عارف بأبكي أنا ليه
واذا حد سألني ما بردتش
مش عارف أرد أقول أيه
وأنا واقف قدامك ثابت
متحنط متكتف متصنم
وأنا جايلك علشان أتكلم
أنا جايلك علشان أتألم
وأنا عارف اني هاأتلم
وموافق
مش هأبقي أخرس من تاني
مش عايزك تبقي في أحضاني
راح اسيبك زي ما سيباني
حأنساكي زي مانسياني
أنا قابلك ماانتيش قبلاني
أنا عاشقك ما انتيش عشقاني
واذا قولتي عشقاني كدابة
واذا قولتي عشقاني كدابة
كداب يادنيا كدابة
أنا غاوي أعيشك في كأبة
ولا الحزن دا ماله ومالي
ماشي ورايا زي خيالي
تنك ماشي ياحزن ورايا
ليه ياحزن معشش جوايا
ولا العش دي لايقة عليك
ولا غاويها ولا قاصدني
ولا ولا
كل حاجات الدنيا تروح
الا الحزن قاعد ومعشش
مش عايز أشوفك لو صدفة
مش عايز أعرف أخبارك
وأنا ماشي ومش راجع تاني
وكلامي خليه في ودانك
وأنا ماشي ومش راجع تاني
وأنا ماشي ومش راجع تاني

أبكي عشانك ولا عشانهم
ولا عشاني
ولا أبكي أنا ليه من أصله

أمين أسامة محمد

اخى العزيز

لا عزاء للذكريات

كل سنة وانت طيب

الاستاذ / امين اسامه

كلماتك جميله ويمكنك ضغطها قليلاّ لتصبح اغنيه

مع مراجعة الوزن .

مودتى وتحيتى ...

خليك هنا خليك بلاش تفارق

الشاعر الجميل امين اسامه

تحيتى لكلما ت تحكى فيها هم ناس كتير

دمت بحب وخير ومن غير بكى

دمت بحب

أخى أمين
سعيد بوجودك الجميل
أيها البارع
و سعيد بكلماتك الجميلة هنا
خالص ودي

» لماذا أبكي
» مش عشانك
» عشانك إنتي
» عشانك يامصر ( مساجلة )
» دمى عشانك يرخصلك محمود الشاعر