بلاغ مقدم للنيابه

البدرشين نسخه شبه الاصل من اسيوط
البدرشين قطر اتقلب وميت شهيد
وناس بين الحياه والموت
البدرشين مش مشكله
البدرشين مش قنبله
دى قريه هاديه بس النصيب جابها هنا
واحد ينام وواحد قلب
صدفه غريبه ياه ع العجب
مع كل قطر بيتقلب
الف بيت بيتخرب
والله عقلى كتيييييييير تعب
مين السبب؟
ليه كل مره الغلطه تبقى غلطته
والبلوة تبقى بلوته
اشمعنى هو
وهو مين؟
انسان بسيط حلمه الوحيد
ينهى أوام ورديته
الكل عارفه جوه شارعه
مشهور بطيبه ف حتته
وتقولوا هو........
حرام عليكو البلوه دى مش بلوته
البلوة بلوة قطر مل
عمال يصفر ع المحطه
لو كان عليه
كان طفش
ركاب خنيقه
وقضيب عفش
القطر مل من حكايات الشباب
ومن روايات الشيوخ
كل ال فيه عمالين بيشتكوا ضيق الحياه
كل ال راكبينه بيقولوا اه
اشمعنى هو مايشتكيش
علشان حديد
دالى بيحصل يلين معاه اجمد حديد
وعود كتيره وامنيات
ومافيش جديد
ايه الجديد؟
كم فرد جوه النظام اتغيروا
ومليون فقير زى ماهما حلمهم يطوروا
ويلبسوا لبس جديد
الفول مجبس جوه معدات من فولاز
وسنان عنيده يتكسر بيها الازاز
القطر مل من الانتظار
خايف يقف يوم والعطله يبقى سببها جاز
وذنبه انسان بسيط
يشيل بلاوى الكبار
القطر مل م الانتظار
وقضيب حزين
مر السنين جوه منه معلمين
حد يجاوبنى
بالله عليكوا
مين السبب؟
سواق بيحلم انه ينهى ورديته
ولا الى شاغله وكل همه ازاى يجمع ثروته
بلاغ مقدم للنيابه منى انا
الحساب بدأ خلاص
قطر الصعيد والبدرشين
والف قطر بيتقلب
والف بيت بيتخرب
بلاغ مقدم للنيابه
والخانه فاضيه اكتبوا
مين متهم ........ومين برئ
ومين بيقتل فيناوكل يوم
عماله تعلى ضحكته
......................................
شاعر الحب الثائر
عبدالتواب الرفاعى

شكرا لمرورك الذى لم يمر على على القصيده من الناحيه الفنيه