عم صدقي وعم صادق - طارق منيب

عم صدقي
وعم صادق

مهداه إلى زمن الكذب

كانوا مع بعض الجيران

والصحاب أيام زمان

أصل كان الصدق بينهم

والمحبة والأمان

عم صدقي كان بيصدُق

عم صادق كان يصًدق

والشرف كان كلمة فعلاً

والصداقة كات كمان

عم صدقي كان في ورطة

أو مصيبة فـ قسم شرطة

والمصيبة عايزة كذبة

لجل يطلع مـ الهوان

هي يعني عايزة حسبة

دي الحكاية بس كدبة

وإن صدقت وقولت صدق

حالقى نفسي فـ أرميدان

وابتدى الكذب مابنا

يقتل الصدق وسنينا

وإن صدقت يقولوا طيب

يعني أنت عبيط كمان

عم صادق كان يصًدق

جه ولحظة كان بيغرق

فاكتشف أيه الحقيقة

صوت همس له فـ الودان

إن صدقي حقيقته كذبي

وإن صادق يعني غارق

والشكوك دخلت مابنا

واللي كان ..كان اللي كان

نفسي يرجع عم صدقي

والقى صوته بيعارضني

بطل الكدب اللي فيك

واسمعه بيقول كمان

عم صادق مش مصدق

ساعده قول الحق واصدق

لجل مانعيد اللي بنا

الصراحة والأمان

ينتهي بنا المنافق

عم كذبي وعم شاكك

بس انتوا مصًدقني؟

مافتكرش كان زمان!!

.................................

صدقت القول والشعر شاعرنا الجميل

طارق منيب

الله عليك
[b]

ههههههههههههههههههه

ضحكتني والله ومع ذلك صدقت

ابدعت

محمد عبد الواحد كتب:: صدقت القول والشعر شاعرنا الجميل

طارق منيب

الله عليك

[b]

كتر خيرك في كلمة صدقت..

ماحدش بيُصدق أو بيصًدق في الزمن ده

مودتي وتقديري

أحمد رجب معيط كتب:: ههههههههههههههههههه

ضحكتني والله ومع ذلك صدقت

ابدعت

معقول برضه أنت مصدقني

سعيد أني أضحكتك

اخى الحبيب الشاعر

طارق منيب

تصدق لو قلت لك :

ان فعلا كلامك مضبوط قوى . والدليل على كده :

مرسى اقصد الصادق الامين محمد مرسى .

ابعتهاله ينوبك ثواب .. بس علشان تطمنه انه صح .

ياللا .... سلام ...

عادل عوض سند كتب:: اخى الحبيب الشاعر

طارق منيب

تصدق لو قلت لك :

ان فعلا كلامك مضبوط قوى . والدليل على كده :

مرسى اقصد الصادق الامين محمد مرسى .

ابعتهاله ينوبك ثواب .. بس علشان تطمنه انه صح .

ياللا .... سلام ...

طبعاً لازم أصدقك.. إحنا حبايب وأصدقاء

ولكن أختلف معك في الدليل

فالقصيدة مش سياسية وقد يكون بها بُعد سياسي لم اقصده

ولكن قصدت بيها زمن الصدق زمان

ولو سيسنا القصيدة حتكون في رأيي الأدلة مختلفة

وعلى رأسها البرادعي وحمدين وعمرو موسى

وللحديث بقية لما نلتقي في فبراير إن شاء الله

حبيبى طروقه

انت عارف رأيى وقلته مسبقاّ .

صدقنى لا احد يصلح لقيادة مصر من الذين ذكرتهم .

مصر اكبر . مصر اكبر .. مصر اكبر ..

ندعو الله ان يولى من يصلح وليس من يخرب ويبيع .

مودتى ياغالى ...

اخى العزيز وحبيب قلبى الشاعر والمترجم المتالق دائما
الاستاذ طارق منيب

تحياتى وتقديرى وشكرا على تلك القصيدة الجميلة واسمح لى ان اضيف ان كدب زمان زى كدب النهارد زى كدب بكرة , الكدب كدب لو كان حتى فيه نجاه . لكنها قصيدة صادقة ومعبرة

ودمت بكل خير ومحبةوسعادة ودام ابداعك الرائع .

الله عليك ياأستاذ طارق
ماشاء الله عليك وعلي جمال كلماتك وعزفك علي البحر الرمل
بسلم الأيادي

عادل عوض سند كتب:: حبيبى طروقه

انت عارف رأيى وقلته مسبقاّ .

صدقنى لا احد يصلح لقيادة مصر من الذين ذكرتهم .

مصر اكبر . مصر اكبر .. مصر اكبر ..

ندعو الله ان يولى من يصلح وليس من يخرب ويبيع .

مودتى ياغالى ...

أخي وعمي عدولة

إن الخراب الذي لحق بنا على مدى عدة عقود

أصبح خراب شعب وليس خراب حكومة

فالشعب نفسه مابين مرتشي ومنتفع واستغلالي

وعلينا أن نعتف أن الشريف العفيف التقي أقلية

للحديث بقية في فبراير إن شاء الله

فوزي الشربيني كتب:: اخى العزيز وحبيب قلبى الشاعر والمترجم المتالق دائما
الاستاذ طارق منيب

تحياتى وتقديرى وشكرا على تلك القصيدة الجميلة واسمح لى ان اضيف ان كدب زمان زى كدب النهارد زى كدب بكرة , الكدب كدب لو كان حتى فيه نجاه . لكنها قصيدة صادقة ومعبرة

ودمت بكل خير ومحبةوسعادة ودام ابداعك الرائع .

عمي وأخي الأستاذ/ فوزي الشربيني

نعم كان فيه كذب.. ولكن كان أسمه كذب

والآن أصبح أسمه شطارة وفهلوة وفتاكة و... و....

وأصبح الصدق خيبة

الله المستعان

حسن الجمال. كتب:: الله عليك ياأستاذ طارق
ماشاء الله عليك وعلي جمال كلماتك وعزفك علي البحر الرمل
بسلم الأيادي

بارك الله فيك يااستاذ حسن

شهادتك وسام على صدري

فخور بمرورك وتعليقك

أين أنتم ياأعضاء المنتدى؟

يامن تعلمتم وعلمتم؟

إنه مظهر من مظاهر عدم الوفاء ونكران الجميل لهذا المنتدى العظيم هجركم

له بهذه الطريقة!

في أنتظار معاودة نشاطكم مرة أخرى

أخوكم

طارق منيب

» موريس صادق - طارق منيب
» بيرم منيب يعارض بيرم سند "مهداه للرئيس مرسي - طارق منيب
» صعب....تشوفنى
» هي كده.. لأ مش كده- طارق منيب
» حرب!!!!- طارق منيب