كبش فدا " نكبة شعب "- طارق منيب

أستاذى الشاعر الكبير طارق منيب أتشرف بأن أكون صاحبة أول مرور على هذا النص النازف ألما

بس لما العربية تحود مش يبقى العيب على السواق؟ واللى ميعرفش يسوق ينزل ويركب غيره ولا ايه يا والدي العزيز؟

اخى العزيز وحبيب قلبى الشاعر والمترجم المتمبز جدا والمتالق دائما

الاستاذ طارق منيب

تحياتى وتقديرى وشكرا على امتاعنا بتلك القصيدة الرائعة فكرة جيدة وصيغة وجمال . فعلا كبش الفدا هو نكبة اى شعب .

ودمت بكل خير ومحبة وسعادة

طارق منيب كتب:

أبنتي العزيزة المناكفة دعاء

السلام عليكم

ليكي واحشة وطبعاً لأن الضغط والسكر واطيين وعايز أعليهم ..ههههههه.. أرجو تقبل الدعابة..
مشكلتنا يادعاء إن فيه ثقافات تبلورت على مدى آلاف السنين.. صنعها الشعب كما صُنع فيه غصب إن عنه.. كونت شخصية شعبنا المنكسر..
تعالي وأنا في ابتدائي.. والحمد لله والدي رحمه الله كان ضابط فكان ليا شئ من الحصانة .. في ابتدائي سنة 66 .. المدرسة تدخل الفصل.. 60 طفل.. أي أسلوب تربوي ممكن ينفع أو يربي.. أسهل حاجة.. تصطاد عيل (واثقة إن ماوراهوش حد وتنزل فيه ضرب مبرح) الفصل كله يخاف.. يعني بداية تربيتنا الجبن.. على فكرة صديقي في السويد ضرب عياله مرة وهما أطفال .. البوليس مسكه.. عشان بيضرب عياله..
الشق التاني .. الخدمة العسكرية.. وقد قضيتها مرتاح بعض الشئ برضه.. ولكن كنا بنشوف اللي بيحصل للعساكر اللي مالهاش ضهر ونقول الحمد لله..
ثم مأساة الشرطة التي تبلورت على مدى آلاف السنين.. منطق العلو والغطرسة.. وأنا حاجة متميزة.. والله أتذكر في سن الشباب .. واحد صاحبي وهو ملازم .. بيقوللي .. كنت باتعامل مع مواطن عادي.. فقلتله أمال أنت مواطن أيه يابن الـ.......... اللي فيه النصيب.. ثم تكمل الحكومة بل تبدأ المنظومة بنظام حكم استمر ستة عقود.. ديكتاتورية مطلقة. و...و... حنقول أيه ولا أيه..
ومن هنا اغتالوا الإنسان المصري .. ولكن إن شاء الله يعود إلى الحياة..ياريت.. ياريت تعود الشهامة والرجولة والنخوة والكرامة والأمانة والعفة والتقوى و الجيرة الحسنة وروح العائلة....... حتقوليلي موجودين .. حاقولك آه ولكن بقوا قليلين إلى حد كبير.. بارك الله في الشباب .. هم الأمل..
عايز أختم بحاجة.. شاء القدر أن أقرأ كتاب عن الصحة النفسية واكتشفت إن الشعب المصري في أغلبه لا يتمتع بالصحة النفسية..

للحديث بقية

والدك

طارق منيب

والدى العزيز دعابة مقبوله أشكرك عليها

وأتفق معك تماما في كل ما قلته ولكن لأنى دعاء المشاغبة المناكفه لازم اختلف في حاجه

والحقيقة الحاجه اللى انا مختلفه فيها مع العالم كله موضوع الضرب ده واللي انا شايفاه اسلوب صحيح جدا للتربيه لكن ان استخدم صح يعنى مثلا لما ابنى يضرب واحد صاحبه مضربوش وبعدين يطلع عينى في المذاكره مضربوش وبعدين يتدخل في كلام الكبار مضربوش وآخر اليوم يضيع قلمه الرصاص فأطلع فيه غيظى من كل اللى عمله في الموقف ده واقوم اضربه جامد جدا

وده الغلط الفظيع اللى بنرتكبه جميعا احنا بشر مش جمال يعنى الللى يغلط يتحاسب على غلطه عشان ميتكررش انما نخزن بلاوى ونضرب على حاجه تافهه عمر الطفل ما هيتعلم أى حاجه بل كمان هيفقد ثقته فينا لأنه هيشوف بعدين اننا مش قادرين نحكم صح على الأمور

بالنسبه بقا للضرب كمبدأ فمرده عندى الإسلام الدين المعلم الذي نستن منه حياتنا اليوميه مثلا في الاسلام الرسول صلى الله عليه وسلم كان بيضرب غلامه " بالسواك" ضرب غير موجع ولكن لفكره التأديب والتوجيه
وسيدنا عمر بن الخطاب رضى الله عنه كان يحمل معه شيء لا اعرف اسمه حقا ويقرع به من يخطئ في الطريق وهو أيضا ضرب غير موجع ولكن للتوجيه كما أن في حكم توجيه الزوجه الناشذ أمر الله تعالى بالموعظة الحسنه " اللى احنا بنسميها الفرصه الأولى " وان لم تجدى نفعا فالضرب والذى هو غير مؤذى طبعا وله شروط وقيود في اسلامنا الحنيف

أما بالنسبة للمجتمع الغربي فأنا أراه نموذج فاشل بكل المقاييس في تربية
الأجيال

تحياتى أبى وأعتذر عن الإطالة

طارق منيب كتب:

أبنتي العزيزة دعاء

مبدئياً ونهائياً متفقين..

فالمعصوم صلى الله عليه وسلم أوصى بالضرب الغير موجع.. بعد سن السابعة.. وليس الضرب الانتقامي وكأن الطفل مجرم وبنقبض عليه .. متفق معك..

والنموذج الغربي بالطبع نموذج فاشل.. وصلهم لقمة الانحلال بإسم الحرية.. ولكن بدون شك هناك جوانب مضيئة لا نستطيع أن ننكرها ولا إيه..

فهناك ثلاث نماذج للشخصية:

1- التوكيدية Assertiveness
2- العدوانية Agreesiveness
3- السلبية Passiveness

ولما تتعاملي مع الإنسان الأوربي أو الغربي بشكل عام بتلاقيه في الغالب في الأولى.. ولما نتعامل مع أولاد بلدنا بتلاقيهم مقسمين بين التلاتة..

فبالنسبة للأولى.. باختصار هي الشخصية المتوازنة اللي ممكن تدافع عن نفسها وتهاجم حين اللزوم.. ويوقف اللي قدامه عند حدوده..وعارف برضه حدوده

أما الثانية.. فهي باختصار الشخصية الهجومية المتحفزة..

والثالثة.. باختصارالسلبية المستسلمة..

طه حسين (الله يرحمه) قال خدوا العرب بحلوه ومره..

وأنا باقول .. لأ عايزين حلوه بس..

عايزين العلم والتكنولوجيا وكل الثقافات التي لا تتعارض مع ديننا الحنيف

على فكرة باركي لي.. أول مرة أحاورك وأعصابي هادية..

هههههههههههههههه

مودتي ياأبنتي العزيزة..

طارق منيب

ههههههههههههههههههههههههههههههه ههههههههههههههههههههه هههههههههههههههههههههههههه

ألف ألف ألف مبروك أستاذى وعقبال باقي الإخوان في المنتدى

أقصد إخوانى طبعا

صديقى العزيز الشاعر الجميل طارق منيب
كونك تضع يدك على الجرح .ز وتسلط الضوء على السلبيات التى تشعر الانسان بالاهانه وامتهان انسانيته فى هذا الوطن .. جميل ومشكور لك ..
وانا فى الواقع غير متفائل لان الوطن يسير من سىء أد
الى اسوأ واسأل الله العلى القدير أن يلطف بنا وبإأبنائنا من شر الأمور