حرام يا مّة (1) دُعاء العطّار

خلاص يا اما
معادش يفيد كلام ورجوع
ولو لازم أعيش موجوع
هعيش مدبوح بسكينتك
بعيد عنك
عشان روحى يا روح الروح
بتفتكرك وتشتاقلك
والاقي القلب كله جروح عشان خاطرك
عشان خاطر سنين فاتو
ولاد ماتوا على أرضك
وفين عرضك ؟
وكل كلاب شوارع مصر بتقطع في أوصالك
وكل ادين تطول ضهرك بتنهش فيه بكرباجك
وانا مبقتش قادر اشوف
لا عايز عينى تشبع من سنين عمرك
ولا عايز أموت م الخوف
وكونى يتيم بعيد عنك فيرجعلك
عشان فضلتى زيد وعبيد على إبنك
عشان بتزودى همي بسوء فكرك
عشان جاهله ومش فاهمه
ومش همك سنين جايه
وكل حكايه يطلع فيها ميت غاية
ونص رغيف وكيس سكر
وباسم الدين بتنخدعي وبتبيعي
ياطول صبري ومواجيعي
يا طول حرمانى من ضمه تكون بأمان
يا طول حبل الوريد بينى وبين حرمانى من شوفك
يا طول زيفك
حرام تفتكري كرباجك وتنسينى
حرام يا اما تأسينى على دينى
وتنسى كل تفاسير الإمام الشافعي للإسلام
وتستمعى لناس أصنام
بعيد جدا بعيد جدا عن القرآن
حرام يا اما تبيعي الدم والشهدا
على اعتاب مرشد الأصنام
حرام من بعد تاريخنا نعيش أقزام
حرام يا اما

اتشرف باننى اول من مر على هذه الملحمة الرائعة
قصيدة رائعة سلمت يدك اختى الشاعرة

أختي الحبيبة دعاء آلمتني اوجاعك وآلامك

ولكن افتكري قول رسول الله لصديقة ابي بكر في الغار ( لا تحزن ان الله معنا )

والله لا يرضي بالظلم ولا الغش والا التدليس ولكل ليل نهاية

وان شاء الله بكرة شمس العزةوالكرامة تظهر وتنور الدنيا كلها

تحياتي

طاهر طاهر كتب:

اتشرف باننى اول من مر على هذه الملحمة الرائعة
قصيدة رائعة سلمت يدك اختى الشاعرة

الأستاذ طاهر الطاهر شرفت بمرورك الطيب

سلوى سيد عبدالعزيز كتب:

أختي الحبيبة دعاء آلمتني اوجاعك وآلامك

ولكن افتكري قول رسول الله لصديقة ابي بكر في الغار ( لا تحزن ان الله معنا )

والله لا يرضي بالظلم ولا الغش والا التدليس ولكل ليل نهاية

وان شاء الله بكرة شمس العزةوالكرامة تظهر وتنور الدنيا كلها

تحياتي

اتمنى ذلك أختى العزيزة لكن إن الله لا يغير ما بقوم حتى يغيروا ما بأنفسهم

ونحن لم ولن نتغير

عفوا عزيزتى ولكن اليأس يملأ قلبي ولا أستطيع تغيير ذلك

تحياتى عزيزتى لمرورك الطيب

محمد ابو زايد كتب:

ابـــــــــــــــــــــداع
ورد بسيط


أمنا عاشت
وتاج راسها اصول العلم
لا اتباعت ولا اتخانت وكان للعلم
اني ازيل
اني اوضح
ام "الباز" ماهيش جاهله
وام زويل
ام انيس ومطاوع ومحفوظ
والرافعي والعقاد
رواد ادب محفوظ
يعقوب وعودة وغيرهم
كان نبتهم نيلهم

اللي واقف ع الحدود
يصون عرضه
واللي محني في الغيطان
لاجل ارضه
واللي ف المصانع
والمدارس والجوامع
والحواري والشوارع
ماهوش جاهل ولا خاين
متاهشي ولا بايع
ارضه ولا عرضه ولا فرضه
بكيس سكر
ولا بكلمة ف صلاة العصر

مقدافها مش مسروق
وما خدعها من بيقدف

وزيد وعبيد كانوا رجالة
ونشهد ..كانوا اهل الصبر

ماهم اصلا من عيالها
واللي هيبحر بأحمالها
لابد يكون
دارس فنون البحر

كلمات طيبه يا زميلي العزيز ولكن كل الأعلام التى ذكرتها اختفت ولا نسمع عنها شيئا أعلام ماتت وماتت بلادهم معهم ومصر الآن هي مصر المتشددين مقسمي الوطن من يريدون هدم ابو الهول لانه صنم وينادون بتزويج الأطفال وأولئك الذين يسبون كل معارض لهم ويصفونه بالشذوذ والعهر في قنواتنا الدينيه
هذه بلاد حازمون ومرسيون وليست مصرنا فمصر تلفظ أنفاسها الأخيرة على يد هؤلاء

وبالمناسبه أنت تعلم جيدا يا صديقي ان أغلب أصواتكم كانت مقابل كيس السكر وزجاجة الزيت واسطوانة الغاز وان لم تعلم فعندى النماذج إن أردت التأكد

تحياتى لمرورك الطيب استاذي

الاخت المحترمة / دعاء
بقدر ما لى من تحفظات على صناعة هذه القصيدة بقدر ما اتفق معكى على فكرة القصيدة ورؤيتك من منظور يرى منه ملايين مثلك مما اثقلتهم كلمة ( مصر ) اختلف معكى وارجو الا يكون اختلافى معكى سبب لمعادتى واتفق معكى . تحياتى لقلمك الذى يريد ان يتحرر من سلطانك عليه

رضا محمود كتب:

أنا القَلب اللّي داب أحزانْ

وروح تعبت من الحِرمَانْ

وآخر حِلم في عيوني..

يدوب هِدمَة ولُقمة عيشْ

أنا اللّي صِبرت طول عُمري

وشايلة الحِمل فوق ضَهري

عشان خاطِر عيالي تعيشْ

رويت الأرض مِن دَمّي

جنيت المُرّ..والصَبّارْ

رِضيت بعذابي وبهَمّي

وياما القَلب فيه أسرَارْ

وآخرتها..

أكون جاهلَة ومش فاهَمَة ؟!!

وجَاحدة وشايلة 100 تُهمَةْ؟!!


أختي الغالية الشاعرة دُعاء العَطّار..هذه مصر كما أراها أنا..
قصيدة جميلة مُحكمَة البناء والصياغة كعهدنا بكِ دوماً..ولكن لي ملاحَظة أرجو أن يتسع صدرك لها في هذا الشطر(على اعتاب مرشد الأصنام) فقد إتفقنا على عَدم المساس بالدّين في حالة النقد وأنتِ كُنتِ الداعية الأولى للنقد بعيداً عن الدّين وعن إلقاء تُهمة الكُفر بالنّاس..فما الذي غيّر قناعاتك ؟؟!!
دُمتِ بهذا الإبداع الراقي أختي الحبيبة

حبيبتى انتى مُـتى خلاص مع عيالك

وانا عاتبه

على مصر الجديدة بكل تفاصيلها

على ولادها مابين بدقون وبين ساكتين

على حازم وميت ملعون معاه واقفين

على شيخك يأدي الفرض ويسب الولاد بالدين

على أمي وكيس السكر الملعون تبيع صوتها

على جهل الحريم في الكفر بادلت حلمها بقوتها

على حمدين وحلم الكرسي والسلطه وبس خلاص

على مرسي وتقسيم البلد تورته قصاد الناس

على حبة كلام في الشعر لا يودى ولا هيجيب

يا مصر نجيب وطه حسين خلاص مُـتى

وباقي يا مصر من تفاصيلك الياما سواد وأنين

طب اعمل ايه عشان اقدر أعيش فيكى

طلوع م الشرنقة وطلعت يا غالية

وموت .......موتنا

ودايما فاعلك مجهول

وقولتى انطق

نطقت بكل ما فيا وقلت ارحل

وبعد ما راح....؟

طب ادينى أمل وارمينى جوا النار

طب ادعيلي تموت يا ابنى مع الثوار

طب اهتمى وضمينى

بلاش لكلابك القاسيين تبيعي ضناكي

وتغمى الزمان بدموع

بلاش ياما تأسينى واعيش فيكى جريح مخدوع

بلاش ياما أموت كافر بكل مافيكى وبطيبتى

بلاش ارحل بعيد عنك

عشان خاطرك

وانا عارف مفيهش رجوع

بلاش يا اما


تحياتى صديقي العزيز لكن مصر مبارك كنت بدفع عنها وبقول لولادها انطقو ساكتين ليه

لكن مصر دلوقتى بشعبها وناسها وأعلامها ورموزها جاهله ومش فاهمه وتستاهل 200 تهمه

وبالنسبة لتكفير البعض فده انا مش واخده بالى منه يا ريت تفسرلى ازاى فهمت الجمله حاولت كتير افكر فيها معرفتش

تحياتى استاذى

بسمة الورد كتب:

الله على كلامك اللى بيوجع
شاعرتنا الجميله دعاء العطار
كلمات عتاب فى حب الوطن راقيه من قلمك
احسنت وامتعت حبيبتى
دام التألق والابداع
مودتى

الشاعرة الرقيقة أستاذتى

سعدت بمرورك غاليتى

وأعتذر عن إيلامك ولكن الواقع مؤلم أكثر يا عزيزتى

تحياتى

عادل عوض سند كتب:

الابنه الشاعره

دعاء العطار

الذنب ليس على مصر .. ولكن على من إدّعوا انهم

الأوصياء عليها . وعلى دينها وابنائها .

وهم قد يتحطم على صخرة الواقع . ولكن لايريدون

ان يستفيقوا من وهمهم . فلو عملوا العقل لتحطم هذا الوهم .

قصيده موجعه ومؤلمه . وهكذا دائماّ من يحمل هموم هذا الوطن .

احييكى على حرفك وحر نزيفك الشعرى .

تحياتى وتقديرى ...

استاذى الفاضل وأبي العزيز

مرور طيب شرفت به

كم أحب تواجدك على صفحتى

دمت بخير أستاذي

م/عطية شواش كتب:

تحياتي دعاء لحرفك الصادق .... تثبت بواسطتي

حمد الله على سلامتك أستاذ عطيه افتقدناك كثيرا في المنتدى الفترة الماضيه

تحياتى لك أبي العزيز

ويدوم العز يا باشا على أحلى واجب" التثبيت"

يا مثبتنى انت

محمود كامل كتب:

الاخت المحترمة / دعاء
بقدر ما لى من تحفظات على صناعة هذه القصيدة بقدر ما اتفق معكى على فكرة القصيدة ورؤيتك من منظور يرى منه ملايين مثلك مما اثقلتهم كلمة ( مصر ) اختلف معكى وارجو الا يكون اختلافى معكى سبب لمعادتى واتفق معكى . تحياتى لقلمك الذى يريد ان يتحرر من سلطانك عليه

استاذ محمود كامل انا مبعاديش حد مهما اختلفت معاه لانى عارفه الفرق بين الاختلاف والخلاف ومبسمحش لاختلافي مع الناس انه يخلق خلاف بينا

بالنسبة لتحفظاتك فدي كلمه مبهمه بالنسبالى لو انت شايف ان عندى عيوب في النص ارجوك اذكرهالى عشان اصححها انا مبخجلش من النقد بالعكس تماما

بالنسبة بقا لقلمى اللى عايز يتحرر من سلطانى عليه فاسمحلى انا مش فاهمه الجمله دى معلش بقا مخى على قدى يا ريت توضح أكتر

تحياتى استاذى

اقتباس :

كلمات طيبه يا زميلي العزيز

اشكرك

اقتباس :

يريدون هدم ابو الهول لانه صنم وينادون بتزويج الأطفال

حضرتك سمعتي الاشاعت وصدقتيها ومصدقتيش تكذيبها

اقتباس :

وبالمناسبه أنت تعلم جيدا يا صديقي ان أغلب أصواتكم كانت مقابل كيس السكر وزجاجة الزيت واسطوانة الغاز وان لم تعلم فعندى النماذج إن أردت التأكد

لا ياافندم معرفش حاجة والله عن الكلام ده الا من اعلام العار
مع اني ف بلدنا وف لجنتنا مشوفتش الكلام ده
مع ان اصحابي مشافوش الكلام ده
مع ان اصحاب صحابي وعيلتي واصحابهم مشافوش الكلام ده
لو سألتك ...شوفتي واحد متأكده انه اخوان عمل كده ....اجابتك والله العظيم هتكون لا
طيب امال اي
اصلي سمعت ....اصلهم بيقولوا ....واحد قالي
ده خير دليل على ان ده محض افتراء


بايعين الوطن ...مبيبعهوش ويدخلوا السجن
بايعين الوطن ... مبيسلموش نفسهم للاعدام علشانه
بايعين الوطن الل حضرتك تقصديهم ..............هما الل كانا بيدافعا عنه ايام جبن التانيين ....سبحان الله مفارقة عجيبة

محمد ابو زايد كتب:

اقتباس :

كلمات طيبه يا زميلي العزيز

اشكرك

اقتباس :

يريدون هدم ابو الهول لانه صنم وينادون بتزويج الأطفال

حضرتك سمعتي الاشاعت وصدقتيها ومصدقتيش تكذيبها

اقتباس :

وبالمناسبه أنت تعلم جيدا يا صديقي ان أغلب أصواتكم كانت مقابل كيس السكر وزجاجة الزيت واسطوانة الغاز وان لم تعلم فعندى النماذج إن أردت التأكد

لا ياافندم معرفش حاجة والله عن الكلام ده الا من اعلام العار
مع اني ف بلدنا وف لجنتنا مشوفتش الكلام ده
مع ان اصحابي مشافوش الكلام ده
مع ان اصحاب صحابي وعيلتي واصحابهم مشافوش الكلام ده
لو سألتك ...شوفتي واحد متأكده انه اخوان عمل كده ....اجابتك والله العظيم هتكون لا
طيب امال اي
اصلي سمعت ....اصلهم بيقولوا ....واحد قالي
ده خير دليل على ان ده محض افتراء


بايعين الوطن ...مبيبعهوش ويدخلوا السجن
بايعين الوطن ... مبيسلموش نفسهم للاعدام علشانه
بايعين الوطن الل حضرتك تقصديهم ..............هما الل كانا بيدافعا عنه ايام جبن التانيين ....سبحان الله مفارقة عجيبة

بالنسبة لهدم ابو الهول وتزويج الأطفال فدي مش اشاعات دي دعوات من مشايخ سلفيين شوفتها بعنيا في برامج تليفزيونية

ثانيا بالنسبة للسكر والزيت وانبوبه البوتوجاز ففي الشرقيه عزبة أبو هلال الإخوان المسلمين جابو في الانتخابات في الاعادة ميكروباص ولمو الناس اللي منهم خالتى وولادها وراحو بيهم ع اللجان بالورقة الدواره ولما قالت حرام يا جماعه ببساطه فتيات الإخوان قالولها ومش حرام يا حجه تشتري انبوبة البوتوجاز ب20 جنيه؟
وده لأن الاخوان في عزبة ابو هلال بيجيبو الأنابيب من المستودع ويبيعوها لأهل البلد ب 7 جنيه
ومش معنى ان حضرتك متعرفش يعنى ده مبيحصلش

وماعاذ لله ان أنشر الفتن والإشاعات لأن دينى نهانى عن ده

الاخت المحترمة / دعاء
انا اقصد بتحفظى هو اننى ضد الكتابة مع سبق الاصرار والترصد بمعنى ان انا امسك قلم واقول لنفسى هاكتب قصيدة يبقى هاكتب وده واضح جدا فى النص جمل غير مقنعة التنقل من تفعيلة الى تفعيلة اخرى بدون تمهيد حتى ولو بالتنقيط فى القصيدة كى يفهمها القارىء ثم ان هناك جمل لو تم الاستغناء عنها لكان افضل من وجودها عليكى بقراءة النص بعين الناقدة حتى تتمكنى من الوصول الى الافضل
واسمحى لى بعد اذن حضرتك طبعا

خلاص يا اما
ماعدش يفيد كلام ورجوع
خلاص قدرى انى اعيش موجوع
اعيش مدبوح
ودبحى يكون بسكينتك
وكونى يتيم بعيد عنك ..... فيرجعلك

انتى تمتلكى ادوات الشعر وشاعرة بالفعل جميلة دعى قلمك يكتب ماشاء دون قيود فابداع الشاعر يأتى من حرية قلمة وبساطة جملتة وارجو ان تقبلى تحياتى

محمود كامل كتب:

الاخت المحترمة / دعاء
انا اقصد بتحفظى هو اننى ضد الكتابة مع سبق الاصرار والترصد بمعنى ان انا امسك قلم واقول لنفسى هاكتب قصيدة يبقى هاكتب وده واضح جدا فى النص جمل غير مقنعة التنقل من تفعيلة الى تفعيلة اخرى بدون تمهيد حتى ولو بالتنقيط فى القصيدة كى يفهمها القارىء ثم ان هناك جمل لو تم الاستغناء عنها لكان افضل من وجودها عليكى بقراءة النص بعين الناقدة حتى تتمكنى من الوصول الى الافضل
واسمحى لى بعد اذن حضرتك طبعا

خلاص يا اما
ماعدش يفيد كلام ورجوع
خلاص قدرى انى اعيش موجوع
اعيش مدبوح
ودبحى يكون بسكينتك
وكونى يتيم بعيد عنك ..... فيرجعلك

انتى تمتلكى ادوات الشعر وشاعرة بالفعل جميلة دعى قلمك يكتب ماشاء دون قيود فابداع الشاعر يأتى من حرية قلمة وبساطة جملتة وارجو ان تقبلى تحياتى

جميل جدا استاذ محمود

شكرا لاهتمامك

وسأفكر فيما قلت

تحياتى

الله الله الله

كل الكلام الحلو ده وانا موش موجود

معلش استاذه دعاء

الجبنه النستو عملتلي مغص وكنت عيان

ههههههههههههههههههههههه

اكيد موش ح أقدر اقول اكثر مما قيل في حقك وحق كلماتك

في انتظار جديد روائعك استاذتنا الكبيره

كل الود والتقدير

لا حرمنا الله من شعرك الجميل
أستاذتى دعاء
تسلم الأيدين اللى كتبوا الشعر الجميل ده

عزيزتى دعاء
يبقى الشعر مهما اختلفت الآراء حوله فالنص الذى لا يفجر هالة حوله هو نص ميت
و نصك هنا حي و يشير إلى نفسه
و أقول كلمة لأصدقائي المرور ليس مهما أن نتقبل رأى الشاعر فيما يحب و لكن النقد يجب أن يكون على فنيات العمل و الجديد به فالمعلوم و الصحى هو الاختلاف فلسنا نسخا مكررة من بعض و لا استنساخا لبعضنا
و العاقل منا هو من يوافق على الإيجابي و يكون ضد السلبي بمعنى أن الإخوان مثلا ليسوا ملائكة و فى الوقت نفسه ليسوا بشياطين لذا يجب أن ننقد عندما يحتاج الأمر ذلك و نثني أيضا عندما نرى شيئا يستحق
كونوا بخير أصدقائي
أحسنت أيتها الرائعة دعاء