حاربي فيران " سبني أخرف " – طارق منيب

ماتسرعشي وتقوللي
بلاش تقرفني بالفكرة
وفكر بس لو لحظة
وأيه المانع ماهم دايماً
في حال بالهم
وسابينا في حالنا كمان
واحنا تمللي نأذيهم
وليه بنخاف نربيهم
دي فكرة جديدة حبيتها
وأقول ياجنان

نربي فـ قطة
تغدر بينا وتنونو
نقول ياحرام
نربي فـ كلب
يزعجنا وبيهوهو
وبالاجرام
يعض الجار
يولع نار
ونتخاصم مع جيرانا
ويتعالجوا على حسابنا
ولو ربينا فـ العصافير
فـ أول لحظة تمشي تطير
فأيه المانع مانعقد صلح
وتبقى بداية لسلم وصرح
مابينا أحنا بني الإنسان
وبين الخصم من الفئران

تلاقي الفار
حيتمر فيه
ولو حتى فـ يوم قرقض
يقرقض أيه
حنطعمهم نوكلهم
نعالج المريض منهم
نحًميهم نبيتهم

تخيل جيش كبير منهم
وهاجم بيت نتنياهو
ولا أوباما
حتلقى الكل يدارى
هنودنا الحمر
حيرجعوا تاني لمكانهم
عربنا الصفر
حترجع تاني أقداسهم
وبعد النصر
حينسوا تاني أنصارهم
وتلقى حملة قومية
لقتل فيران
وده الإنسان
خاين للعهد فليحيا
بني الفئران
...........................

تحية لروعة الفكرة

وأحيي عبقرية الشاعر لأن الموضوع مش مجرد فئران

لكن الموضوع أكبر من كدة بكتير

الشاعر طارق منيب أنت أستاذ ورئيس قسم