فينك يامصر.... وفين الناس

[center]
مصر طيبة فى الأساس
وناسها عندهم إحساس
صبرهم صبر أيوب
شعب يتتاقل بالماس
راضى بقسمته ونصيبه
واللى بيبعته ربنا ويجيبه
لحد ماحكمه آفاق هلاس
سرق كل اللى فى جيبه
وسابه للفوضى يحتاس
خلى الأخ يعادى أخوه
و الإبن بيقاضى أبوه
والعم يسرق ولاد أخوه
والكلب يعض اللى ربوه
الناس بقيت غير الناس
والمعاملة أصبحت تتقاس
وكله بقى مغرور وأنانى
وعلى كل القيم إنداس
فين الشيخ بركات .؟
و الست خضرة و بهانة
وحصيرة عليها إخوات
بينهم صدق وأمانة
بيقسموا على بعض لقمة
فول ومش وملانة
فين الأصول والشهامة
راحوا فين المصريين ؟
اللى شايفهم دول ندامة
غرب و ناس ثانيين
مش هما الآصليين
دول تايوان مضروبين
وحشتينى يا مصر المجد
ووحشنى فيكى الإخلاص
وحشتينى يامصر بجد
ووحشتنى طيبة الناس
center]

الشاعر الجميل ...دكتور مراد سليمان..أبدعت فأمتعت.. ووصفَت فكشَفت..كُلنا يشتاق لمصر التّي وصفتها في كلماتك بطيبتها..وإخلاصهَا..وترابط وتراحم أهلها..رحم الله مصر ورَدّها لأهلها ورَدّ أهلها لها على الأخلاق الحميدة التّي تعودناها..
دُمت بكُل الخير

ههههههههههههههههههه

كله تايوان وصيني كمان

وذمم خربانه وعقول يتنجان

الصديق / الدكتور مراد

زجليه رائعه وعدسه صريحة لحد كبير

فكرتني بمقوله لأستاذى
الشاعر
عمر نجم رحمه الله

لأ مش احمد فؤاد نجم

وهي

قالبت ناس مش ناس

في بلاد بحورها رمال

مات فيهم الأحساس

وكفنوه بالمال

منور يا دكتور

ابحث عنهم فى وجوه المصريين بحق

الطيبين مازالوا موجودين دكتور مراد .

اراهم فى وجوه الكثير . وقد شوه صورتهم القليل .

ولكنهم موجودين .

مودتى وتحيتى ...

» يامصر
» إهداء إلى أجمل الناس أنتم الناس أيها الشعراء
» فينك يا جدي.
» وفين قلبي؟
» مساجلة فى حب مصر أجمل العرايس