ولا فى المعجم الاكبر

كلام الحب
كلام الحب بقى محفوظ
وحشتينى
وبحبك يانور عينى
ومحتاجلك
وعلى بعدك اه ما اقدرشى
وغيرك يوم ما اتصورشى
واعيش ازاى انا بعدك
اموت والله فى بعدك
وغيره كلام مايتعدشى
كلام محفوظ ومتكرر
كتير منه بأضرر
ومش عايزه
خلاص بقى ما ينفعشى
وده من يوم ماحبيتها
سمعت كلام جديد تانى
كلام من عالم تانى
كلام والله خلانى
لاقيت نفسى
كلام ولا حبر الدنيا يعبر لحظه عن معانيه
ولا فى المعجم الاكبرتلاقىحروف شبيهه ليه
حروفه نبض متحرك
ونقطه من بحر احساسها
دى خلتنى محلق فوق سما عاليه
بعيد عن كل حراسها
دى معزورة ..........جميله بجد أموره
وفجأه لاقيتنى ف عنيها
بميت صورة
على حصان الغرام راكبين
وصورة واحنا منسجمين
وبتقولى بحبك بس بعنيها
لاقتنى بحضن أوى فيها
وبشيلها على كتفى وبجرى بعيد اوى بيها
ولاقيتها بتهمسلى على خدودى
وبتقلى معاك هلغىأنا حدودى
باشواقنا
جرالى ساعتها ماجرالى
وألف فكره فى خيالى
بموت فيها
وبعشقها
وقلبى والله شاريها
مصدقها
بجد لأنى لاقيتها
اه فى عنيها بميت صورة وميت منظر
كرهت كلام العشق كله بيتبخر
لكن احساسى حاجه تانيه
انا جواها فى عنيها بميت منظر
وميت صورة وميت احساس
هخدها بعيد بعيد خالص
بعيد عن الناس
وهحكيلها كلام من معجم الاحساس
لايعرف سن
لايعرف لون
لايعرف فرق بين عاقل وبين مجنون
كلام موثوق بميت ضحكه
وميت ضحكه عشانها شويه
..........................................
الشاعر الثائر
عبدالتواب الرفاعى
2012\12\15

اشكرك حبيبى عادل عوض سند

الفكرة جميلة

ابدعت

اشكرك احمد رجب معيط

جميييييييييييييييييييييييللللللللللللللللللل

الووووووووووووووووووووووووووو

أخى عبد التواب
قصيدة جميلة بقليل من الجهد تتحول لغنائية رائعة
حيث الموسيقى المنتظمة
أحسنت و ننتظر الأجمل
دمت بخير

اشكرك محمد عبدالواحد
واشكرك حبيبى عاطف الجندى

سعدت بالقصيدة سلمت يدك وقلمك شاعرنا العزيز

اشكرك
استاذطاهر طاهر