ولا فى المعجم الاكبر

كلام الحب
كلام الحب بقى محفوظ
وحشتينى
وبحبك يانور عينى
ومحتاجلك
وعلى بعدك اه ما اقدرشى
وغيرك يوم ما اتصورشى
واعيش ازاى انا بعدك
اموت والله فى بعدك
وغيره كلام مايتعدشى
كلام محفوظ ومتكرر
كتير منه بأضرر
ومش عايزه
خلاص بقى ما ينفعشى
وده من يوم ماحبيتها
سمعت كلام جديد تانى
كلام من عالم تانى
كلام والله خلانى
لاقيت نفسى
كلام ولا حبر الدنيا يعبر لحظه عن معانيه
ولا فى المعجم الاكبرتلاقىحروف شبيهه ليه
حروفه نبض متحرك
ونقطه من بحر احساسها
دى خلتنى محلق فوق سما عاليه
بعيد عن كل حراسها
دى معزورة ..........جميله بجد أموره
وفجأه لاقيتنى ف عنيها
بميت صورة
على حصان الغرام راكبين
وصورة واحنا منسجمين
وبتقولى بحبك بس بعنيها
لاقتنى بحضن أوى فيها
وبشيلها على كتفى وبجرى بعيد اوى بيها
ولاقيتها بتهمسلى على خدودى
وبتقلى معاك هلغىأنا حدودى
باشواقنا
جرالى ساعتها ماجرالى
وألف فكره فى خيالى
بموت فيها
وبعشقها
وقلبى والله شاريها
مصدقها
بجد لأنى لاقيتها
اه فى عنيها بميت صورة وميت منظر
كرهت كلام العشق كله بيتبخر
لكن احساسى حاجه تانيه
انا جواها فى عنيها بميت منظر
وميت صورة وميت احساس
هخدها بعيد بعيد خالص
بعيد عن الناس
وهحكيلها كلام من معجم الاحساس
لايعرف سن
لايعرف لون
لايعرف فرق بين عاقل وبين مجنون
كلام موثوق بميت ضحكه
وميت ضحكه عشانها شويه
..........................................
الشاعر الثائر
عبدالتواب الرفاعى
2012\12\15

كلام جميل أستاذنا
ما شاء الله

اشكرك
كوثر البدرى

أخى عبد التواب
ينقل عملك للعامية
و يشترك فى مسابقة شهر يناير
بالتوفيق

الله ينور اخى عبد التواب .

رايت ظاهره غريبه عند كتاباتك .

النص الوطنى تمضى اسفله بشاعر الحب .

والنص العاطفى تمضى اسفله بالشاعر الثائر .

هههههههههههههههههههههههههههههههه

ايه الحكايه عايز افهم ؟؟؟

مساء الفل ...

الشاعر الجميل عبد التواب الرفاعي

قصيدة رائعة من روائعك شاعرنا الجميل

تمنياتي لك بالتوفيق

سلمت يداك

استاذ عادل عوض سند
فعلا انا بقصد
لانى بحب وطنى فامضائى
شاعر الحب على الوطنى
وبثور على اى حد يقرب من محبوبتى وبردو هى صورتها وطنى
وشكرا للشاعر الجميل
محمد عبدالواحد
اشكر مرورك الدائم على قصائدى المتواضعه
وشكرا للاداره على نقلها لقصيدتى للمسابقه ويارب اكسب مره

تحياتى شاعر قدير
كلمات ومعانى رائعة
تقبل مرورى

الاستاذ الشاعر عبدالتواب الرفاعى
تحيه طيبه لحضرتك
قصيدة جميله ورائعه اخذتنا الى عالم الحب لمصرنا الحبيبه الحب الذى هرب من القلوب لكثرة القسوه ومرارة الحياه
اخى الفاضل
دمت بخير وسعاده

مآ أجمل تلك آلروح السآميه حروف خُطت بقلم ذهبي
آسطر صآدقه وأحآسيس شفآفه غُصت في تلك الزهور
وتلذذت بذآك الشذى آلذي تنآثر كـ قطرآت
آلندى فأروى مشآعرنآ وسر خوآطرنآ
لك ودي
تقبل مروري
د. السيد عبد الله سالم
المنوفية - مصر

اشكر كل من مر على قصيدتى المتواضعه
استاذه ناديه
الشاعر مجدى سرحان
الدكتور سيد سالم
لكم حبى وشعرى

» ولا فى المعجم الاكبر