الضل خايف م السما

الضل مكشوف للسما
خاف ينطعن
خطط حدوده
لجل ما يشكل دروع
الضل كان مشتاق ل جوع
من شبعه حاول ينتحر
صمم يكون م الاوليا
طرز ضريحه ب الشجر
نزل المطر
شم البراح جنب القمر
وانضم تانى لكل انواع الهزار
الضل مخلوق للحياه
مش لانهيار
يا مخبيين الشمس عن وش الضلال
مستغربين ليه م العما
دا المصبوغين لون السما
استغربو العمر اللى راح
لمو دمع الفجر من وش القمر
لجل ما يكونو ب قدر
م المنقعوين فيها ب وفا
لما يبقى الضل فيه بعض الدفا
م المستحيل الشمس تحرقنا ل سمار
والمستحيل ف الغربه نتحول حجر
متعلقين خيطين ف حيط الاوليا
قومو انسجونا
على نول ف باب الصبر
صدّى م القدم
الضل عايروه ب النِّعم
خاف ينجرح
فك الحدود من بين ضلوع الهم
نزل المطر من بين حنايا الدم
ورجعنا تانى الضل خايف م السما
------------------------
*عثمان*

الله الله الله عليك لى عودة حتما ان شاء الله فالقصيدة تحتاج ان تقرا اكثر من مرة