السما وليالى البحر

1 ) السما اللى بتعشق تبص لعيونك
يوم 24 / 10 من كل سنة
أكيد أمنت بكون الولد الوحيد
اللى نام القمر على حجره
وغنت أشعاره الطيور
2 ) الليل غاويك
وبيستناك
مش طمع ف كاس يهدي أسراره
ولا حتى ف سهرايه تلون خيوط الزمن
لكن طلعتك البهية حفنة أمان
وبريق بيضوي جواه
3 ) البحر بيفتح دراعاته لحضنك
قاصد يضم خوفك لصدر
جواه قلب كبير
بطول قلقك على أحلام
عشش خيوط العنكبوت ف بذورها
البحر بيحبك أكتر من مايته وملحه

الاستاذ شريف
تحياتى لك ولومضاتك الشعريه الحبلى بالمعانى والاشارات
بطول قلقك على أحلام
عششت خيوط العنكبوت ف بذورها
كل التحيه

الشاعرة عزة الزرقانى كتب:

البحر بيحبك أكتر من مايته وملحه

وتصدق ان البحر بيحب قوى صاحب الكلمات الرائعه دى أستاذ شريف

بجد أحييك على روعة واختيارك وطريقتك أيضا فى صياغة القصيده

كم أعجبتنى قصيدتك

دمت بحب وخير وأبداع

أستاذتى أسجل جزيل الشكر لمرورك الدائم على أعمالى المتواضعة
شكراً بكل معانى الكلمة

عادل عوض سند كتب:

الاستاذ الشاعر

شريف سيد صلاح

وكأننى قرأت ثلاثة قصائد .

وكل منهما قصيده لها طعمها ورائحتها .

ولكن تصب فى كنانة الرامى شريف صلاح .

احييك على طريقتك المتفرده فى اختيار مواضيع

تلك المقاطع الجميله .

مودتى وتحيتى ....

أبى أقف إحتراماً لجهدك المبذول فى الردود على قصائدى وعلى تشجيعك الدائم لكل أعضاء المنتدى
شكراً لك