تتجوزينى محمود الشاعر

تتجوزينى
وفى حبك كتبت انا شعرى
وفى قربك قلت انا الموال
وعمرى اللى راح منى
ولا اللى جاى وياك
يا قلبى انا حبيت
وانا المفتون فى هواك
ودبت انا فييك
وعشقت واتمنيت
اكون انا وياك
مشاعرى انا ليك
عشق الطير لسماه
انا حبيتك ومتساليش
قلبى ازاى غواك
طب يالا اسالى النجوم
ازاى بتكون
فى قلوب العاشقين عنوان
يا عمرى انا ليك
والقلب مشغول بيك
وانا المفتون بهواك
انا قلبى ناداك
وبيطلب رضاك
وبيحلم يكون
حلمك مناك
يا طير يا طاير فى السما قولله
القلب خلاص مال والطير راح عشه
كلمه هقولهالك
وانا قلبى راضى
تتجوزينى يا عمرى
يا دنيتى وناسى
ونكمل حياتنا
برضا وتراضى
تتجوزينى
قولى اه
خلينى انبسط
وخلى الدنيا تضحك قدامى
تتجوزينى
ما تقولى اه
ده انا قاضد خير
ونفسى تكونى ام لعيالى
شايفه الطيور بترفرف كمان
وبتعزف معايا اجمل الحان
بس انتى قوليها
وتكمل معاي سيمفونيه عازفه الكمان
من بدرى صحيت
لقيتنى سعيد
شفت الكروان بيرقص على الكمانجه
وعلى الربابه قال البلبل موال
ومن ورا الباب
سمعت الرد
قالت اه بس بشرط
تبنيللى فى قلبك قصر
وفى عيونك تشيلنى
وبرموشك تغطينى
وبانفاسك تحيينى
وبحبك تحويينى
قلت اه بس بشرط
تلبسى تاج القصر
وتبقى ملكته
وتعيشى معايا طول الدهر
وانا بحمد ربى كتير والله
انا كده اتحققلى كل منايا
حب حبيبى وقربه معايا
ورب حامينى وشاكر فضله
وانتى معايا الكون يضحكلى
وانتى معايا انا راضى بفضله
محمود الشاعر