قصيدة / السحر .. معجزة الزمن - محمود بيومي -

"السحر .. معجزة الزمن"

"وَجَاءَ مِنْ أقْصَى الميدان رَجُلٌ يَسْعَى قَالَ إنَّ العسكر .. يَأْتَمِرونَ بِكْ .. فأخرج !"



موسى هرب .. قبل ما يكون النبي



..وانا مش نبي آخر الزمان



"ومليش ... "أَخِي



!فصحى اللسان .. مش أعلى من صوت الرصاص



وعصاية المعجزة .. ف أيد فرعون ؛



!يأمر .. مكنش



!الوحي مش جاي للعصاية



****



العسكري .. دخل الميدان



"- وعلى .. - "حِينِ غَفْلَةٍ



لقى آسيا بتنادي بسقوط فرعون



..وكزة جبان



تهتك ستار الضعف بين صوتها وبين كرسيه



- وهمان بيبني الصرح ليِّه -



عريان .. جسد آسيا .. لكين الخلق مش شايفاه



طهارة الصوت .. أكيد لازم تكون ستراه



أو أنهم .. مسحورة عيونهم .. موت



وعين موسى .. مهيش شايفة .. غير بيادة وصوت!



الشتا .. مكسوف .. لكن مسحور



غطاها .. لكن بالكدب .. وخاض ف العرض زور



- مديون لنا برد الشتا -



السحر معجزة الزمن..،



والسحرة قابضين التمن ..،



والخلق مش عارفة المعاد !



وف ظل كدب السامري ..؛



"السَحْرُ يُفْلِحُ حَيْثُ أَتَى".



مقدرش أهرب لأن الوكزة مش مني ..



ورسولي "لم يكن م النَّاصِحِين"



وشعيب ميعرفنيش .. علشان يقولي .. "لا تَخَفْ"



"نَجَوْتَ مِنَ القَومِ الظَالِمين".



ولا عمري هرجع نبي



فأيده عصاية المعجزة ..



يأمر يكون !.



لكني هافضل ف الميدان



وببني الصرح ..



لجل أني أطلع للأله ..



فأكون ..!



الناس بتعبد رزقها وفرعون رزقها ذل !



ويوم الوعد ما بينا .. وبين السحرة يوم مشهود



كان الأختيار مني بأن .. "ألقي ؟ .. أم أن أنتمُ الأولون"



فكان الأمر من فرعون بأن "ألقى !"



رميت صوتي ..



رمى العسكر .. رصاص



"لَقَفْ" صنعي .. - لأنه .. مش "كَيْدُ ساحر" -



فالخلق .. "أُلْقوا سُجَّدًا"



وآمنوا بفرعون الأله



والسامري زاع الظنون ؛



فرعون نجى ..،



‏وموسى وسط النيل ..



بيحاول يعوم ..!!

عندما تريد عمل اسقاط معين على حدث

قرأنى معين فلا تزج بآيات الله { بعد ان تحرف بها }

لايضير النص بحذف استهلالك للنص وتحريف أية من آيات

القرأن الكريم فلماذا نضع انفسنا فى موضع شبهه ؟؟؟

عندما تريد الاستشهاد بإحدى الآيات فلنضعها كما هى ونقوسها .

وارجو ان تتوخى الحذر فى استخدامها .

مودتى وتحيتى ..