وحياة امك يابحر

يابحر اسكندريه انا ليا فيك حبيب
خلى بالك منه واوعى عنك يغيب
يابحر افتحله قلبك وقربله البعيد
واوعى يحس انه فيك يابحر وحيد
لواشتكالى منك من الميه هفضيك
لو قالى انك ضيقته يبقى كده هتخيب
وبحذرك يا بحر تعمل فيها عبيط
تاخد حبيبى منى وتقلبها صويت
وحياة امك يابحر اجى انا افضيك
يا بحر اسكندريه
اوعى تزعل منى انا بهزر معاك
حبيبى عندك يابحر
ما تدهوش قفاك
وان طلبك يابحر
اديله كل هواك
اوعى يشتكيلى
او هنا اه يجيلى
واشوف دمعة عنيه او يجى يشتكيلى
عشان نفضل يا بحر اخوات طو ل الطريق
واقسملك يا بحر لو رجع مش رايق
لقلبهالك يا بحركتير قوى حرايق
واتحداك يا بحر لو يوم هتبقى رايق
فعشان كده يابحر
خلى بالك منه
شاعر الحب
عبدالتواب الرفاعى

كلمات جيدة و أسلوب زجليّ متميز بكل تأكيد يا أستاذ عبد التواب و لكني لمحتُ - و إن كنتُ ضعيفا في العامية - وجود بعض الخلل في الوزن في أكثر من موضع و قد أكون مخطئا... و ربما يساعدنا في توضيح الأمر أكثر أحد الزملاء من شعراء العامية و الزجل .

أما بخصوص التصوير الشعري و لغة الحوار الدرامي فهي لغة ساخرة فكاهية و التصوير بسيط و قليل مما يناسب الموضوع الذي تحدثت عنه في قصيدتك ...و هذا جيد جدا ( تناسب الشكل و المضمون أو الجسد و الروح ) .

و استخدامك لبعض التكرار يضعف النص بعض الشئ مثل استخدام كلمة "رايق "!

و أعترض على قولك : و حياة أمك يا بحر .... لا أستريح لهذه الجملة !!

و أخيرا سأقول لك كلمة :

ما حدّش يقدر يفضّي البحر بتاعنا و ما حدّش يقدر يقلبها حرايق يا صاحبي و عاوزك تجرّب ......هههههههههههههههههه........... بهزر معاك طبعاً .

محبتي

كلمات غير مناسب لمخاطبة البحر
و يكفى لفظة العنوان و حياة امك يا بحر
أخى الشاعر ليس هكذا تورد الأبل
و ليس هذا اسلوب شاعر
و كمان كلامك أنا بحذرك أوعى تعمل فيها عبيط
أخى ألا تجد أن ذلك بعيد عن الشعر و يتماشى مع كلام الناس ........
قرأت لك أفضل من ذلك

الاخ حمدان المنصورى
اشكر ك لانك اكتشفت انى مش شاعر
وده رايك وحقمك تقوله ولكن حقى اعترض
لانى سجلتها فى الخواطر
والخواطر لا توزن
منش كده ولا ايه

الاستاذ عاطف عبدالعزيسز الحناوى
اشكر اهتمامك
ولكن دى خاطره وليست
شعر عاميه
واعتقد ان العاميه لا توزن
مش كده ولا ايه
على فكره انا واخد جوايز كتيره فى شعر العاميه
لحمال افكارى
وبساطتها
ومواضيعى المتكامله

مبروك عليك الجوايز يا أستاذ عبد التواب

ثم إنك لم تقل أنها خاطرة أنت وضعتها في تحت المجهر و لذلك تعاملت معها بشكل مباشر على أنها شعر ....و رأي الأستاذ المنصوري رأي له وجاهته و الرجل قال أنه قرأ لك أشياء أفضل من هذا النص ....أليس كذلك ؟


أكرر : مبروك الجوايز !

و وعد مني أني لن أعلّق على موضوعاتك بشكل قد يضايقك مرة أخرى طالما أنك تهوى التصفيق !!!

و السلام