اوعاك تانى تقولى اسفه

اوعاك تانى تقولى اسفه
اصل الجراح
فى كل حته ف جسمى نازفه
مش لاقى واصفه
ياما قبلت الاعتذار
وكنت بقبل المرار
وكنت بقبل المُجازفه
وأقول اسامحك واعذرك
وبتبتدى تانى المناقفه
هىَّ دايره وفيها واقف
والثوانى برضه واقفه
فاضت الاعذار بأسفك
خلاص بقه يا شيخه يكفى
مبروك عليك الانتصار
اصل انهزمت
من بعد سُهدى والمرار
خلاص بقه
معدش فيه بينِّا العمار
مبروك عليكى
وليكى منى الف سقفه
قلبى خلاص ملَّ الاسف
سامحك عشان مره انكسف
كنت اظلمه
ولاعمره يوم مره اتنصف
خلاص معدش
دا اللى اتعمل ما يتوصف
قلبى خلاص بيه انعصف
قلبى خلاص حُبه اتنسف
نهر المشاعر
جوه قلبى خلاص نشف
من بعد زيفك ما انكشف
معدش فيه بينَّا حوار
ولاعدش حب فيه مناصفه
ولاعدش تانى قلبى يصفى
اما انا
رغم الضنا
رغم الالم ييجى كام سنه
هفضل انا
عمرها متأثر يوم ف قلبى
اى عاصفه
اوعاك تانى تقولى اسفه
اصل الجراح
فى كل حته ف جسمى نازفه

اما انا
رغم الضنا
رغم الالم ييجى كام سنه
هفضل انا
عمرها متأثر يوم ف قلبى
اى عاصفه
اوعاك تانى تقولى اسفه
اصل الجراح
فى كل حته ف جسمى نازفه

موضوع: رد الإثنين أغسطس 20, 2012 3:40 am

سيدي ,نص بطعم الجرح ..
الجرح لا يطيب
متى الغدر جاء من قريب او حبيب
الجرح جرح ودمه نزْفٌ
إن شئت سامحت وخف النزف
وإن كان الاصرار منك
ظل الغلُّ يحفر الجرح
فهلا سامحت وطاب الجرحُ؟

هىَّ دايره وفيها واقف
والثوانى برضه واقفه
فاضت الاعذار بأسفك

اخى الشاعر الجميل

عطيه خضرى

شطرات جميله والنص ككل جميل .

ها انت بدأت تسير على الطريق الصحيح .

ولما لا .. وانت لديك الفكر والقلم ولديك الاستعداد ؟؟؟

ننتظرك اخى لنضع اسمك بجوار كبار الشعراء ..

مودتى وتحيتى ...

أخى عطية
تحياتى و تقديري
لحرفك الجميل
كنت هنا و أسجل مرورى و تقديري
كن بخير

يالا قربنا زقه كمان وتبقي زي الفل .... تحياتي مستر عطيه

قرأت نصا جميلا هنا .... بارك الله فيك أستاذ عطية

و كل سنة و أنت طيب

» إوعاك توسخ صفحتك
» لـــــــــــما تقولى بحبك
» مش هارجعلك تانى
» ميـــــــــــــــلاد تانى
» اوباما تانى