شيزوفرينيا..!

السلام عليكم

كل سنة وانتم تمام التمام وميت ألسطة يا ورد قاعد على الكراسي

أتدكتر عليكم شوية وحاطوّل معلش عشان عايز أفيدكم

الشيزوفرينيا (فصام الشخصية) دا مرض وحش اوي جدا خالص وفيه عامل وراثي ومش معناه ان الواحد يبقا عايش بشخصيتين أو اكتر، وإلا كان عادل نمير شيزوفريني أصلي

الشخصية بتتكون من 3 حاجات، 3 دواير متقاطعين
(الفكر+النزوع +الوجدان)
وف مرض الفصام الوحش أوي جدا خالص بيكون المريض- ربنا يعافينا- أهبل وغريب أوي جدا جدا خالص مالص،

ودا لأن كل حاجة من التلاتة دول مش سليمة ولوحدها، يعني مش بيفكر صح ولا بيحس بالأحاسيس المضبوطة،،،،، وكل واحد من الحاجات المكونة للشخصية ماشي لحاله،، يعني المريض بيضحك مثلا وواحد داخل يقتله، دا غير إنه مش بيكون عارف انه تعبان أسااااسا، كنوع من أنواع الــ (psychosis)،

وانا عن نفسي شخصت حالات كتير بمجرد إنك تشوف عيان غريب وأهبل ومش مهتم بنظافته وأول متشوفه ميصعبش عليك لا تبقا عايز تضربه بالـ ....

متزعلوش، أنا مش باشتم في العيان والله العظيم، بس هو بيكون كدا، بيفقد تعاطف الناس معاه، بسبب إنه بيمنع الآخر من إنه يحبه أو يقرب منه لإحساسه بإنه مخترَق (loss of ego boundaries)

من أعراضه (نقلا عن موقع ويكيبيديا بتصرف عشان الترجمة العربي)

عدم الاهتمام بالنظافة الشخصية والمظهر الخارجي بشكل واضح.
الهلاوس كسماع أصوات ومشاهدة أشياء غير موجودة، ومن ثم يتحدث المريض مع نفسه منفردا وكأنه يتحدث إلى شخص بجانبه. والضحك منفردا. (التحدث مع النفس بصوت عالي! عادة يمارسها الكثير من الناس ولكن نقصد هنا أنه يتحدث إلى صوت لأن المريض في الواقع يسمع صوتا غير موجود).
الإيمان بمعتقدات غريبة وخاصة الشكوى من الناس أنهم يتآمرون عليه أو يكرهونه ويكيدون له المكائد (الصرصار اللي ع الحيطة دا باعتاه امي عشان يتجسس عليا،،،،،، كلكم بتكرهوني يا كلاب ودي جزء من البارانويا، اللي هيا جنون الاضطهاد).
برود عاطفي حيث لا يتفاعل مع الأحداث من حوله أو يضحك في مواقف محزنه أو يبكي في أوقات مفرحة.
اضطراب أساسي في التفكير: انعدام التفكير المنطقي، عدم تناسق الافكار، القفز من موضوع الي اخر (ميعرفش يعد من واحد لخمسين حتى).
انعدام تعبيرات الوجه واتخاذ اوضاع غريبة للجسم (ممكن تدخل عليه لمدة خمس ست ساعات تلاقيه واخد وضع واحد مبيتحركش زي وضع السجود وحاطط إيد في ودنه التانية مثلا).

_____________
بيعالجه دكاترة النفسية بكورس أدوية وبيحصله انتكاسات كتير، ووحش في علاجه، وطبعا بجلسات الكهربا اللي شوهوا صورتها في التليفزيون المصري إنهم بيعذبوا بيها العيانين وكأنها من غير بنج يعني (أحلام الفتى الطائر)

_____________________

دا معناه اننا بنطلق المصطلح في غير محله

الشيزوفرينيا مرض خطييييير جدا، بيسبب الطالب يسقط في السنة خمس ست مرات والصنايعي يفشل في عشرين شغلانة وبيطهـّق اللي جابوا أهل العيان

ربنا يعافي المسلمين كلهم،
كان ليا اتنين اصحاب في الكلية مشخصهم كدا وطلع تشخيصي صح بعدين

وانا دكتور عظام على فكرة
_____________
النص جميل جدا جدا بس فيه طول مفتعَل في رأيي المتواضع

أما عن العــَروض اللي بافهمم فيها أكتر من الطب للأسف
فاقول وبالله التوفيق:
أ)
متأكد من أن الأستاذة دينا أخطأت تحريريا فكررت كلمة خلف مرتين

ب)

أغلب ظني أن ما أوقع أستاذتنا في أغلب الإشكالات هو إصرارها على اختزال المد بعد عدد من ياءات المتكلم (منك ومنِّ * وأسأل،،،،، أفتح فنجانِ * أنا الكافرة)

ج)
ولا أنسى أن أنبهها على أن القصيدة رغما عن جمالها إلا أنها تقع في فخ العسف اللغوي في قولها باختزال الألف من لماذا (كيف لماذَ وأين)

كما تقع في إشكال التضمين المعيب
(أغرسكا

بتراب القلب)


أضم رأيي لآراء أساتذتي وأتحفظ على التعليق العروضي الأخير للشاعر الأمير صلاح سالم

إذ يمكننا التعامل مع السطر على أنه سطران

1) من أنــْتْ ............... بسكون النون،،،، زنة فعلانْ /٥٥/٥


2) يا شبحا..................


وبالتالي لن يكون هناك كسر

____________________

السلام ، وآسف للإطالة


.
مونة حبيبتي