مجرد محاوله

موضوع: مجرد محاوله الخميس يوليو 12, 2012 2:13 pm

مجرد محاوله
.
.
.
.
.
.

بحق الحياه
أو بحق المداوله
بحق القرار
اللي جُــمله و مُجامله
بتنهي الحياه
و إحنا لسّه ما جينا ؟
و تقضي علينا
و إحنا آجنـّه ؟
بإعدامنا و إحنا
مجرد محاوله

=================

ماتقوليش

ماتقوليش يا مصر طابت كل حاجه
لسّه في قلوبنا شويّه من السذاجه
لسّه حاسين بالبراءه
و إحنا قدام النصوص منصوب علينا
بين سطور حكمت علينا بالبلاده
و انتهينا إننا تايهين في صفحه
أو مصافحه و يا مبعوث السماجه
و إحنا قدام النصوص متنصصين
نص مفتون بالمعالم و اللي ظاهر
نص مقهور باللي مدسوس في الديباجه

==================

ليه كده ؟

ليه كده بتهد فيه ؟
كل ما آجي أقوم و أعدي
إنت حارس ...
بس مش حارس عليّه
إنت حارس ...
للي واقف ضد ليــّــه
بعد ما دابت قيودي
جاي ليه تربط إيديه ؟
خدت روحي و لســّه حيّه
مهما هتهد فــ قوايا
مهما طال بيّــه شقايا
مهما هتحاول معايا
واقفه قدامك قويــّــه

===============

دساتر

عساكر دساتر
دساتر عساكر
تعبنا يا ساتر
كفايه علينا عذابنا اللي ساكن
و ليلنا اللي ساهر
و دم الشهيد اللي كان دم فاير
و دم الشهيد اللي كان دم ثاير
تِعب من قلوبكم
يا أهل الدفاتر
في شرع المظالم تتوه المعالم
تغطوا علي الحق مية ألف ساتر

============

أشعار / مها ضرار

موضوع: رد: مجرد محاوله الخميس يوليو 12, 2012 2:36 pm

هذا من اجمل ما قرأت مؤخراً

ومن أجمل ما كُتب عن الحالة الراهنة

هى محاولة واراكي نجحتي فى محاولتك الرائعة

دام الابداع

موضوع: رد: مجرد محاوله الجمعة يوليو 13, 2012 8:35 am

الشاعره الجميله

مها ضرار

اربعة مقاطع ارقى من بعض . وهى حاله متوحده

وهى الرفض لبعض مجريات الامور التى تعكر صفو حياتنا .

قرأت فإستمتعت واحييى حرفك الذى راقنى .

تحيتى وتقديرى ...

موضوع: رد: مجرد محاوله السبت يوليو 14, 2012 7:06 am

أحمد رجب معيط كتب:: هذا من اجمل ما قرأت مؤخراً

ومن أجمل ما كُتب عن الحالة الراهنة

هى محاولة واراكي نجحتي فى محاولتك الرائعة

دام الابداع

الشاعر القدير الأستاذ / رجب أحمد معيط

الأجمل هو تشريفك و مرورك العطر

دمت بكل الخير و كل عام و حضرتك بخير

بمناسبة الشهر الكريم

موضوع: رد: مجرد محاوله السبت يوليو 14, 2012 7:10 am

عادل عوض سند كتب:: الشاعره الجميله

مها ضرار

اربعة مقاطع ارقى من بعض . وهى حاله متوحده

وهى الرفض لبعض مجريات الامور التى تعكر صفو حياتنا .

قرأت فإستمتعت واحييى حرفك الذى راقنى .

تحيتى وتقديرى ...

الشاعر المبدع الأستاذ / عادب عوض سند

تلك شهادة تقدير منك أستاذي أعتز بها كثيرًا

و أتمني أن نتجاوز مرحلة الرفض و نجد الأمور تسير في نصابها

حتي نهدأ و نرضي

و أدعو الله أن يكون شهر رمضان كريمًا علي مصر و المصريين و تتعدل الأمور

خالص تحياتي و كل عام و حضرتك بخير

موضوع: رد: مجرد محاوله السبت يوليو 14, 2012 10:46 am

ماشي .................

تثبت المحاوله علاوله ههههههههههههههه تحياتي

موضوع: رد: مجرد محاوله الأحد يوليو 15, 2012 5:14 am

الشاعرة الرائعة / مها ضرار
تملكين ناصية الكلمة وأدوات الشعر هذا في مقام الإبداع ... أما فلسفتك الرافضة لما يحدث حولنا فهي فلسفة عميقة في المقطع الأول
و تقضي علينا
و إحنا آجنـّه ؟
بإعدامنا و إحنا
مجرد محاوله
وحينما تقولين :
كفايه علينا عذابنا اللي ساكن
و ليلنا اللي ساهر
بارك الله فيك ودمت لنا مبدعة راقية المعني والمضمون

» محاوله
» قصيدة : كلنا هوه الوطن بعد التعديل
» {مجرد حلم}
» موش مجرد جرح
» مجرد ... حلم