مجرد ... حلم

الأخت العزيزة فاطمة حمزة

جميل ما قرأته من إبداعك الذى يدل على موهبة متميزة

وفكر بناء

وأتمنى لكى التوفيق والكثير من الإبداع

فاطمة حمزة كتب:

هزى .. طرح النخل هزى

يا بلدنا .. يابتول

وان ضعفتى .. برضه هزى

عضى على قلبى .. وجزى

هاتى من رحمك .. رسول

بيننا راح ينشر سماحه

والمحبه .. والأصول

عشش الكره .. فى قلوبنا

فينا طامع .. كل غول

والحياه .. مبقتش هى

والأخو .. اصبح عزول

هزى طرح النخل .. هزى

رجعى .. مجدى وعزى

افردى .. شراع الآمانى

شدى شمسى من سمايا

وابدرى الأرض .. بتقاوى

تطرح الأرض .. ف غناوى

تمحى تعبى .. وذل امسى

فاطمه حمزه

الشاعرة الجميلة فاطمة حمزة
الله الله الله عليكى هفضل اقول الله عليكى لحد 2018.
ههههههههههه
برافو عليكى يا فاطمة هنا اانا شايف ابادع خاص وجميل
رائعة فى اخيار مواضيعك وهذا الموضوع باذاتاعجبنى كتر لانى كنت اعرف ناس عدت عليهم هذة والحكاية ولسة لحد دلوقتى انا بيتهيئلى لو حد منهم شافو قصيدك ربنا هيهديهم
ديما رائعة يا فاطمة
دمتى بكل حب
اخوكى
تيمو

الأستاذ الفاضل
ضياء الدين البرى
شرفت وسعدت كثيرا بمرورك
على ابياتى المتواضعه .. وارجو
ان اكون دائما عند حسن الظن بى
استاذى ..
على الرغم ان مراره الواقع لم تعد نفسح لنا مجالا
للحلم .. فالظلم والفساد القى بظلاله علينا ولم يترك
لنا ولو بقعه ضوء نمشى خلفها .. الا اننا مازلنا ننبش
بأظافرنا جدار اليأس الصلب ..وحتما سنصل يوما ما
انه الآمل فى رحمه الله

تحياتى .. ودمت بخير

ممكن اكون .. ايوه متفائله

وبشق بأحلامى .. طريق

لكن لما بفوق .. من احلامى

ملاقيش غير اليأس .. صديق

قولى ياعاطف .. ايه قدمنا

لما حياتنا .. بينا تضيق

غير اننا .. نمسك فى املنا

واهى نقطه .. نبل بيها الريق

--------------------

الشاعر والمبدع الأستاذ
عاطف عاشور
سعدت بمرورك الطيب
ودمت بكل خير

غير الحلم .. مفبش قدامنا

ولا هيحجروا ..على احلامنا

ويقلوا من الراحه .. منامنا

ما احنا بنصحى .. على كوابيس

قافله علينا .. بالمتاريس

ومعاهم روحنا .. فى حيص بيص

وتاهت خطاوينا .. فى ايامنا

يمكن حلمنا .. يوم يتحقق

ونهارنا .. بالفرح يشقشق

عديها .. وبلاها تدقق

متفوقناش .. من اوهامنا

-------------------

شاعرنا المناضل عن الغلابه
المهندس عطيه الشواش
للأسف كتير قوى من الشعب
المصرى معندوش مخده .. دموعه
هتبل ايه ؟؟ الأرض العطشانه ؟؟

سعدت بمرورك .. دمت خير

الأستاذ الشاعر المبدع
طاهر الصوفانى
نعم نحن فعلا اضعف كثيرا من ان نطوع شتله
ولكنه مجرد حلم ومحاوله للتأسى بعزم السيده
البتول ..
شكرا استاذ طاهر على مرورك
ودمت بخير

الأستاذ الشاعر والمبدع
عادل عوض
اولا شكرا على تنسيق وتعديل القصيده
استاذى ماذكرت هو بيت الداء .. البعد عن الله
هو ابتلائنا الأول فلم نعد نراقب افعالنا فضعنا
فى متاهات المعاصى وقد اختلطت كل الأوراق
وابيحت المحظورات ممن ارتدوا عبائه الدين
وارسلوا فتاوى ارضائا لولاه امورهم
المشكله نحن اولا واخيرا .. ولا يغير الله
ما يقوم حتى يغيروا ما بأنفسهم

شكرا لمرورك استاذى

الأستاذ والشاعره
ايمان عبدالله .. ابنه النيل
يشرفنى ويسعدنى مرورك
وشاكره لك متابعتك لما اكتب وثناءك
الجميل الذى له عظيم الأثر على نفسى
تقبلى تحياتى ومودتى
ودمت بخير

الأستاذه رشا فؤاد

شكرا على مرورك ومتابعتك
اسعدنى تعليقك وكلماتك الطيبه
تحياتى اليك ودمت بكل الخير

الأستاذ الشاعر والمبدع الجميل
دكتور صلاح ... مساك الله بالخير
ممنونه يا دكتور لتثبيت القصيده
وشكرا لكلماتك المشجعه والطيبه

ودمت بكل الخير

الأستاذه الشاعره
والأديبه .. بسمه الورد

شكرا على مرورك العطر
وطيب كلماتك
تقبلى تحياتى .. ودمت بكل الخير

الشاعره الجميله والمبدعه عزه
شكرا على مرورك الجميل
الذى اعتدته على كل ما اكتب
عزه...
اشعر بك حزينه
ارجو ان اكون مخطئه
تمنياتى وتحياتى ايتها العزيزه
ودمت بخير

الشاعره والمبدعه
اميرتنا الجميله

شكرا يا اميره على تعليقك الجميل
الأستشهاد بأولى العزم الذين اصطفاهم
الله سبحانه وتعالى ومنهم السيده مريم
البتول مثل عظيم نتمنى ونحلم الأقتداء
به .. وان كنا فى زمن لا يأتينا فيه
الأنبياء فيكفينا منهم الذكرى

تحياتى ودمت بخير