يارب انا مكروب

ياربنا المعبود
رب الكرم والجُود
يا باقى يا مو جود
كرمك مالُهش حدود
يارب انا مكروب
مُخطىء وكُلِّى عِيُوب
يا رب انا مُذنب
لكن عزمت أتوب
يارب ترحمنى
وتفرِّج علىّ يارب
وتعدِّل المقلوب
بحلم أكون مستُور
بحلم بهمِّى يدُوب
حمدك وشاكر فضلك
لو حلمى كان مسلُوب
لكنى متعشِّم
فى رحمتك يا رب
تشملنى بالتيسير
وتحنن القلوب
ببكى الندم يارب
ودمُوعى علىّ شُهُود
ياربنا المعبود
رب الكرم والجُود
يا باقى يا مو جود
كرمك مالُهش حدود
أرُوُح لمين غيرك
ياربنا الباقى
ولاعاد ايمان ف قلوب
غير منظره ومظهره
والصِِدق مش لاقى
وانته اللى اعلم بيِّه
وعارف اخلاقى
أرُوح لمين يارب
والذُل مش راقى
جفِّت ينابيعى
ولاعدش فيه ساقى
ولا لاقى قُوُت اليُوم
ولا لاقى حيله يارب
ولاحتى فيه بواقى
يارب ريّحنى
أو حتى خُدنى اليِك
علشان ياكلنى الدُوُد
ياربنا المعبود
رب الكرم والجُود
يا باقى يا مو جود
كرمك مالُهش حدود
الطم على صداغى
ولا انتحر واموت
عاجز ومالى حيله
والحاله مش ماشيه
ولاحتى بالتيله
ولما وقتى يمر
بتزيد كمان نيله
ولا حتى لاقى القوت
ذُل الديون يارب
سال البُكا م العين
والليل طويل ما يفُوت
مش ناقص اشرح لك
انته اللى اعلم بيه
ولو حياتى خير
يارب أِحيينى
ولوحياتى شر
أِرحمنى انا بالموت
يارب غُفرانك
دمُوعى تشفع لى
معدش فيّه صوت
طريق الآمل مسدود
ياربنا المعبود
رب الكرم والجُود
يا باقى يا مو جود
كرمك مالُهش حدود
يارب
انزلت أِسلامنا
من أحسن المِلل
لكن قُلُوب المسلمين
أصبح فيها العِلل
يارب ترحمنا
وتصلّح الخلل
يارب رجعنا
بعد الضياع والضّلل
يا رب احفظنا
وأكفينا شر الذلل
مش طالب الا الستر
وبس قوت اليوم
مش لازم أملا الحِلل
هفضل أقُول يارب
من غير تعب أو ملل
من غيز زهق أو كلل
يارب تسترنى
الخطب اصبح جلل
كُل الرجا ف رحمتك
فرجك سريع ممدود
ياربنا المعبود
رب الكرم والجُود
يا باقى يا مو جود
كرمك مالُهش حدود
معدتش أسأل حد
وهرضى بالمكتوب
مهما كان ع القد
ولا تتمد ايدى
يارب الا اليك
ولاعُمرها يارب
لغيرك يوم تتمد
يارب ارحمنى
بدعى وكُلى لى أمل
ودموعى فوق الخد
يارب يسّرها
والضِيقه تكسرها
والغيمه فسّرها
وافتح طريق الامل
من بعد طُول السّد
يارب ريّحنى
الحمل اصبح تقيل
ولا عدتش أقدر أشد
لكنى متعشّم
الرحمه يوم هتسُود
ومسيرها يوم هتنوّر
بعد الليالى السُود
ياربنا المعبود
رب الكرم والجُود
يا باقى يا مو جود
كرمك مالُهش حدود

_________________
عطيه خضرى عطيه
قلين / كفر الشيخ

ياربنا المعبود
رب الكرم والجُود
يا باقى يا مو جود
كرمك مالُهش حدود

اخى عطيه

اجمل مالفت نظرى هو التقرب الى الله والشكوى له .

وهو الذى قال فى كتابه الحكيم .

وإذا سألك عبادى عنى فإنى قريب اجيب دعوة الداعِ إذا دعانِ .

صدق الله العظيم .

والشيء الآخر الملفت انك حافظت على الوزن بنسبة 90%

وهذا فى حد ذاته سرنى . والى المزيد من التقدم .

مودتى وتحيتى ...

أحسنت يا استاذ عطية

كلمات جميلة فعلا

تحياتي

» يارب
» يارب هات نصرنا
» يارب يا رحمن
» الصبر يارب
» يارب ارحمنى