يارب يا رحمن

موضوع: يارب يا رحمن الخميس يناير 10, 2013 10:02 pm

خلي الدموع تنزل

خلينا نتعلم

من غير بكا ودموع

الزّاي حا نتعلمْ

صابرين عليك يازمان

ماشين ورا الأيام

ويارتْ بنتعلمْ

أفراحنا دى جراحنا

نحضنها تجراحنا

من غير ما نتكلمْ

إمتى سمانا تروق

والشمس بقى تطلع

عاوزين قلوبنا تفوق

من غير ما نتألمْ

آه

آه وألف آه

آه يا أمل كداب

شمت الجميع فينا

احلام في ألف كتاب

وأخْرتْها تعادينا

صابرين على الأحزان

صابرين عليك يازمان

من غير ما نتكلم

خطينا احْساسنا

من تحْتنا لراسنا

واللي جرح قلبنا

مسيره يتألمْ

يابحر

آه

يانيل

يا موزع التساهيل

أسترها بقى وسلمْ

إهدينا للقرأن

إجعل قلوبنا أمان

ونصلى ونسلمْ

يارب يارحمن

ياخالق الانسان

لسكْتك خطْيتْ

من غير ما أتكلمْ

يارب أنا مليتْ

من بعد ما نسيتكْ

والدنيا صبحت ضيقْ

ولاقتنى بتالمْ

توبه ما اعود تانى

لسكة الشيطان

وأرجع أعيش أنسان

وأصلى وأسلمْ

الله عليك يا شاعر

ايه الجمال ده

لا بجد قرأت فاستمتعت جدا

شاعر رائع

موضوع: رد: يارب يا رحمن السبت يناير 12, 2013 8:37 am

أحمد رجب معيط كتب:: الله عليك يا شاعر

ايه الجمال ده

لا بجد قرأت فاستمتعت جدا

شاعر رائع

أشكرك أخى أحمد رجب

وبيعجبنى فيك انك بتتعامل من نصوص

لا شخوص ودى ميزة هامه جدا للنجاح

كل الود

موضوع: رد: يارب يا رحمن السبت يناير 12, 2013 9:16 am

عاصي يقول راح اتوب
ماشي ف طريق مقلوب
رجله محل قفاه
والدنيا اهي واخداه
ضحكه عليه خيلاه
ربك دا رب قلوب

تحياتي استاذ ماهر وتقبل مروري وخربشاتي

طاهر الصوفاني كتب:: عاصي يقول راح اتوب
ماشي ف طريق مقلوب
رجله محل قفاه
والدنيا اهي واخداه
ضحكه عليه خيلاه
ربك دا رب قلوب

تحياتي استاذ ماهر وتقبل مروري وخربشاتي

رائع اخى الاستاذ

طاهر الصوفاني

كل الود