الصندوق

الصندوق

قالها صوت الشعب خلاص
ان المرسى جه ع الكرسى
هو رئيس الشعب المصرى
جه بأردتى وصوتى واسمى
ان كان فاهم او بلاص
قالها صوت الشعب خلاص
****
الصندوق فوق الكل
جاب اخوانى طرد الفل
المهم انه يحل
كفايه ولاادنا ماتوا برصاص
قالها صوت الشعب خلاص
****
يعنى كفايه فتاوى ياشعب
احنا عشنا فترة رعب
كله قال مافى الجعب
ان كان صادق او هجاص
قالها صوت الشعب خلاص
****
ياما قالوا على الدستور
الكل يفتى برأيه يثور
الحقيقه مابان لها دور
حقيقه تايه جوه جحور
طلبينلها حكم قصاص
قالها صوت الشعب خلاص
****
اوعى يامرسى لغازنا تبيع
اسمع رأى الشعب وطيع
افتح صدرك لينا وسيع
انسى ياشاطر رأى بديع
علشان تبقى رئيس قناص
قالها صوت الشعب خلاص
****
عمر الكرسى ماكان بيدوم
بكره تقعد بعده تقوم
مهما رئيسه ملو هدوم
ال يعيب يديه بالشوم
زى مبارك بعد ماهاص
اوعى يامرسى تكون خباص
لوثار الشعب ملكش خلاص

الله ينور عليك

كلام في الصميم



عمر الكرسى ماكان بيدوم
بكره تقعد بعده تقوم
مهما رئيسه ملو هدوم
ال يعيب يديه بالشوم
زى مبارك بعد ماهاص
اوعى يامرسى تكون خباص
لوثار الشعب ملكش خلاص


تحياتي

تحياتى لحضرتك استاذ عاطف اشكرك على مرورك الكريم
وتعبيرك الجميل ربنا يزيدك نور
بحضراتكم تنهض مصر الى الامام
دمت مبدع

كلمات جميلة وهذا فى راي

قمة التغيير هل كان هناك من يجرؤ

على توجيه العتاب او النصح الى الرئيس

مصر يا جماعه اتغيرت ومالناش حق

نخاف من اللي جاي لانه بالتاكيد مش هيكون

اسوا من اللي راح .

دامت مصر

الشاعر والمبدع الجميل عادل عوض
تحيه طيبه لحضرتك
اشكرك على مرورك
الاخوان اذا كانوا فاكرين ان مرسى رئسهم بس
يبقى الشعب المصرى ح يفوقهم زى مفوق ال قبلهم
المرسى رئيس الشعب لاانه ده بارادة الشعب

نعم استاذى الفاضل الشعب المصرى لن يعود الى الوراء وثورة 25 يناير كانت انذار
لحضرتك وافر الاحترام والتحيه
دمت مبدع

شاعرى الجميل احمد رجب
تحيه طيبه لحضرتك
اشكرك على تعليقك الصريح والجميل
نعم استاذى الفاضل لقد انكسر حاجز الخوف وانتهى مسلسل الرعب وبطله المخلوع
وكل مصرى ينعم الان بحرية الرأى بدون تعدى على حرية الاخر
لحضرتك جزيل الشكر
دمت بخير