أخبار روما

أخبار روما
شوفوا أخبار روما اليوم
فيها عتاب وشوية لوم
من محبوبه اسمها صوفيا
كانت عاوزه الحب يدوم
****
لما شاعرنا اداها البمبه
قالت ح اعمل فيه زومبه
زى ماسبنى لوحدى بهاتى
لازم يسمع شعره بطبله
****
قالت اروح لسفارته واشكى
اطلب منه النفقه وحقى
هو فاكر ان انا هبله
لازم اجيبه زى ماجابنى
****
هو يعنى علشان شاعر
شاب جميل وكلامه واعر
فاكر انى ح ابكى عليه
ح انسى قصايده بعد ماغادر
****
خليك فاكر خليك فاكر
مكنتش عاطف ليا وشاكر
لما قلبى داب فى هواك
كنت لحبى ديما ناكر

امتنعت المحبوبه عن ذكر اسم حبيبها
من يعرف اسم حبيبها يقولنا عليه
علشان نكون واسطة خير

بطلوا أر على الرجل بقي

جبتوه الارض حرام عليكو

هههههههههههههههههه

دام الشعر

مجدى سرحان كتب:

أخبار روما
شوفوا أخبار روما اليوم
فيها عتاب وشوية لوم
من محبوبه اسمها صوفيا
كانت عاوزه الحب يدوم
****
لما شاعرنا اداها البمبه
قالت ح اعمل فيه زومبه
زى ماسبنى لوحدى بهاتى
لازم يسمع شعره بطبله
****
قالت اروح لسفارته واشكى
اطلب منه النفقه وحقى
هو فاكر ان انا هبله
لازم اجيبه زى ماجابنى
****
هو يعنى علشان شاعر
شاب جميل وكلامه واعر
فاكر انى ح ابكى عليه
ح انسى قصايده بعد ماغادر
****
خليك فاكر خليك فاكر
مكنتش عاطف ليا وشاكر
لما قلبى داب فى هواك
كنت لحبى ديما ناكر

امتنعت المحبوبه عن ذكر اسم حبيبها
من يعرف اسم حبيبها يقولنا عليه
علشان نكون واسطة خير

ههههههههههه
مجدي الجميل
بقى كده برضو تقول على الموضوع ده و قلت لك كتير بلاش تجيب لهم سيرة
هههههههههههههه
شكرا لك يا جميل و أنت فى القلب و الله
تحياتى لك

المبدع الكبير الاستاذ عادل عوض
تحيه طيبه لشخصك الكريم
يعنى تقصد من كلام حضرتك ان شاعرنا الكبيرعاطف الجندى هو المحبوب حضرتك ال قلت عموما انا ح تدخل بالخير واصلح بنهم بس على شرط ان حضرتك تاجى روما مع شاعرنا الكبير علشان صوفيا قالت مش ح صالحه لازم يحضر معه اعز اصدقائه حتى لو ح اجوزه اختى لوشيا ومن هنا يتم الصلح أيه رأى حضرتك يامبدع ياكبير
مع خالص تحياتى لحضرتك يااستاذ عادل وللشاعر الكبير المحبوب

الشاعر الجميل احمد رجب
تحيه طيبه لحضرتك
انا احببت ان اعرفكم اخر اخبار شاعرنا الجميل عاطف الجندى
علشان تعرفو ا ان ابيات شعره حفرت على الصخر فى جدران الحضاره الرومانيه
وفى قلوب الايطالين مثل صوفيا وتريزه ولوشيا واستفانيا وصارا وسمونا اقول كمان
ياشاعرى الجميل دى مش ار دا حب
والحب حلاوته بالقنطار وحضرتك شوفت الاسماء دى 1 على المائه من محبين عاطف الجندى ولما ح احضر مصر ح اعملكم مفاجاه فى المنتدى
مع وافر حبى وتقديرى

اخى وصديقى وشاعرى الجميل عاطف الجندى
تحيه طيبه من القلب
اتمنى ان تكون بخير والاسره الكريمه
طبعا حضرتك عارف ان انا بضحك معاك

بس بقول الحق علشان الاستاذ عادل عوض والشاعر الفاضل احمد رجب والشاعر طاهر الصوفانى والاستاذ احمد دياب مايضربونيش صوفيا بتقول لحضرتك انت جاى امته
شاعرى الكريم ياريت تحضر قريبا ومعك الاستاذه الافاضل ال فى المنتدى
ونعمل امسيات شعريه فى الاكاديميه والمركز الثقافى والسفاره وفى النادى المصرى
ح نكون فى قمة السعاده والفخر بكم
تحياتى لكم جميعا
دمت مبدع

دام الود و الإبداع و الإخوة
دام شعراء مصر بخير
أستاذ مجدي
عجبنى هذا الشعر كثيرا

الشاعر الجميل طاهر الصوفانى
تحيه طيبه لشخصك الكريم
اشكرك على مرورك وطبعا حضرتك عارف ان الاجانب لما بيتشحطفوا على مصرى
يبقى فيه سر سألتهم عن سر الشحطفه دى قالوا دا سره باتع وشاعر بمشاعر ال حوليه
قلت يبقى اكيد شاعرنا راجل بركه
تحياتى لحضرتك ولشاعرنا البركه
دمت بخير

الاستاذ الفاضل احمد دياب
تحيه طيبه لحضرتك
اشكرك على مرورك
طبعا انا قلت اخبار روما علشان تعرفوا ان شاعرنا الكريم سره باتع
ووصل للرومان وابيات شعره طبعت على قلوبهم كما انها حفرت على جدران روما
اشكر حضرتك
دمت بخير

اخى الشاعر الجميل عبدالرحمن
تحيه طيبه لحضرتك انا سعيد بمرورك لكلماتى
طبعأ انا كتبت هذه القصيده لشاعرنا الكبير وأخى الكريم عاطف الجندى علشان نضحك ونقرأ التعليقات من الاخوه الشعراء الافاضل ونستمتع بكلماتهم الجميله
اشكرك لمرورك
دمت مبدع

شاعرى الجميل محمد عبدالواحد
تحيه طيبه لحضرتك ادعوا الله ان تكون بخير
لقد سعدت بمرورك الكريم واسلوبك الراقى واتمنى ان تكون كل ايامك ابتسامه وسعاده
حضرتك عارف ان شاعرنا الكبيرعاطف الجندى وهو فى روما حير قلوب البنات الحلوين بقصائده العاطفيه وتركهم بين ابيات الحب وغادر
كل يوم بيسئلونى عليه
قلت اعرفكم اخبار روما
اتمنى ان تحضر معه المره القادمه وحضرتك تشوف على ارض الواقع
وطبعأ احنا ح نكون سعداء بحضرتك
مع وافر تحياتى
دمت مبدع