آخر أخبار الممـلكه

طالع على المسرح
ونص النص مش فاكره
بتمشي حالك بارتجال
مشيت معاك صدقتها
منتاش بطل
دا المعجبين
تافهيين معاك علي أي حال
يمكن ينولوا حفنتك
من مصلحة
والي فهم
يفضل بعيد بره ف طابور
مش لاقي حق التذكره
ووقفت وحدك علخشب
زي الخشب
لازق وفرحان باللمض
وعشان تقف فوق الرقاب
مين الي قبلك داس عليك
وسجدتله
ومسحت جوخ يكفي الهرم
لمعت جواك الضمير
مِ الاسئله
لجل اما توصل للكابوس الي علينا بيتفرض
دوبت فينا حلمنا
يا ابن الذي
كان طول حياته يعلمك
كيف السجود للأوليه
والي يوحد ربنا
ملهوش مكان في صرحكم
منكم وفيكم بعضكم
واحنا ولا
ولا احنا مين
عاوزين مكبر للنظر
عشان يبين شكلنا
ملايين رعاع
وانتوا المئات متعظمه
عظمتكوا كات لينا أدب
والبعض فينا اما اتغصب
كان ماشي يهتف مِ التعب
عاش الملك للملكه
وتعيشوا يا أٌمرا لنا
وولاد ولادكم للابد
وآدي الملك
صابح سجين
سبتوه يا أٌمرا وروحتوا فين
هل يا ترى
بتجهزوا مولود جديد
ولا انتوا سقطتوا الجنين
طب لو سألنا عننا
في المملكه حالنا هنا
زي القديم ولا احنا ايه
ولا احنا برضو هنتقسم
حبة نفاق علي مصلحه
وحبه ماشيه لوحدها
رافضه السجود
والحبتين متنيلين
والتالته مش ممكن تموت
هي الي مالكه المملكه
فازاي يكون ابن الفقير
مره عسس
غير في الحكاوي والقصص
صدقني لو راح الملك
مش هي ديا المشكله
سايبلنا يجي ميت أمير
والميه ليهم ألف واد
وولادهم اتصاحبوا شلل
والشله فيها التابعين
والتابعين متعنتظين
علي تابعين التابعين
وكووول دولا ف سلسله
متدلدله علي بعضها
لامسه ضهور التعبانين
حاسه ضهورنا تقلها
قمنا احنا ثورنا علّي فوق
ونزعنا أول حلقها
خنقتنا حلقان تحتها
لفِّت علينا السلسله
ومنين نجيبك يا ملك
وياخوفي تطلع منهم
وتفكنا من خنقهم
من دون ما تئذي السلسله
نلقاها تاني اتعلقت
واخرها نام علي ضهرنا
عاوزين ملكنا مننا
مش منهم
عاوزينا ناخد حقنا
ولا ياخدوا شئ..
غير حقهم
ازاي يكون ابن الوزير
في المدرسه هو المدير
وازاي يكون ابن الغفير
فِ الفصل في آخر دكك
ومنين اجيبك يا ملك
يارب يخرج مننا
في الفصل كان المجتهد
شب وعرف معنى العرق
عاين بعينه الي شقى
وساعتها تبقي الشقشقه
مش زيف ولا
فرض السياط
ويساوي بين فرش البساط
الأحمدي والأعجمي
ييجي الهتاف من قلبنا
عاش الملك
للملكه

أحمد عبد الرازق 4/6/2011

السلام عليكم ... كلام من قلبي
الشاعر الرائع أ / أحمد عبد الرازق
احترامي وتقديري

سعيد بمرور الأول علي رائعتك الأكثر من رائعه ..
لكن الأكيد أن الزمن لايعود للخلف ، بعد شروق الشمس الساطع ،
الذي أضاء السماء والأرض ، ويطهر كل شبر من مصرنا الحبيبه من فصائل وجيوش البكتيريا والجراثيم التي علقت بأجسادنا ، ونهبت في مقدراتنا ، وكثيرا ماسعت وأقبلت علي اعدامنا أحياء ،
إلا أنها لم تتجرأ وتقترب من نبضات قلوبنا ، أو تسكت ألسنتنا ،
لان رب العالمين سبحانه الحافظ لهذا البلد الطيب اهله ،

الشاعر الرائع أ / أحمد
تقبل مروري ، وخالص مودتي
واشكرك علي هذه الرائعه

وللجميع تحياتي

رائعة جدا

بارك الله فيكم ورزقكم الجنة

لمعت جواك الضمير
مِ الاسئله
لجل اما توصل للكابوس الي علينا بيتفرض
دوبت فينا حلمنا
يا ابن الذي
كان طول حياته يعلمك
كيف السجود للأوليه
................

ععااااااااااااااااااااااااا
ايه الجمال ده
النص ده استفزني جدا برغم طوله حبتين لكن كنت راااائع
أحبك أحبك أحبك
بوسه مشبك بأه هههههههه

الله عليك يا احمد يا عبد الرازق

تصدق بالله . انت شاعر سوف تعلو مكانتك بسرعة البرق .

لكونك تكتب نفسك ولا تكتب غيرك .

هذا النص . وانا اقرأه كنت اتوقع ماذا سوف تقول فى الشطره التاليه .

ربما عشتك ولان كلماتك سلسه وهذا هو السهل الممتنع اعجبت بها

ورجعت بى عندما كنت اكتب قصيدتى { سبارتاكوس حلم العبيد }

الشطره تلو الاخرى شارحه ما قبلها وبعدها .

القصيده جميله جداّ يا احمد وانت برعت فى طرحها . واجدت سردها

واتقنت وزنها . ارفع لك القبعه ايها الشاعر .. الشاعر .

مودتى وتحيتى ...

يُثبت هذا النص بواسطتى

تقديراّ للنص وصاحبه ...

يارب يخرج مننا
في الفصل كان المجتهد
شب وعرف معنى العرق
عاين بعينه الي شقى
وساعتها تبقي الشقشقه
مش زيف ولا
فرض السياط
ويساوي بين فرش البساط
الأحمدي والأعجمي

كله راح يبقى تمام
وهيطلع الملك مننا وسط الزحام
لجل بلادنا وحضنها يصبح قوى
على المفترى
ناخد حقوقنا كلها متسلطنة
وساعتها نهتف بالهنا
انت وانا
اهو هو ده مالك ملوك المملكة

كلمات رائعه سلمت شاعرنا الرائع/احمد عبد الرازق

تقبل مرورى وكلماتى البسيطة

الله عليك وبس
ولاتعليق بعد اللي فوق

ضياء الدين البري كتب:: السلام عليكم ... كلام من قلبي
الشاعر الرائع أ / أحمد عبد الرازق
احترامي وتقديري

سعيد بمرور الأول علي رائعتك الأكثر من رائعه ..
لكن الأكيد أن الزمن لايعود للخلف ، بعد شروق الشمس الساطع ،
الذي أضاء السماء والأرض ، ويطهر كل شبر من مصرنا الحبيبه من فصائل وجيوش البكتيريا والجراثيم التي علقت بأجسادنا ، ونهبت في مقدراتنا ، وكثيرا ماسعت وأقبلت علي اعدامنا أحياء ،
إلا أنها لم تتجرأ وتقترب من نبضات قلوبنا ، أو تسكت ألسنتنا ،
لان رب العالمين سبحانه الحافظ لهذا البلد الطيب اهله ،

الشاعر الرائع أ / أحمد
تقبل مروري ، وخالص مودتي
واشكرك علي هذه الرائعه

وللجميع تحياتي

الاستاذ الشاعر/ ضياء الدين البري
مرورك الاكثر من رائع اسعدني باطرائك واعجابك لنص المتواضع وآمل من الله ان يحفظ مصرنا دائما كما قلت ولكن دون تواكل منا وآمل ايضا ان تشرفني دائما بمرورك الكريم
دمت بكل خير يا شاعر

وفاء الامير كتب:: رائعة جدا

بارك الله فيكم ورزقكم الجنة

اشكرك اختي وفاء علي مرورك الجميل بهذا الدعاء الاجمل الذي يحمله ردك دائما واتمنى من الله ان يروقنا جميعا الجنه بغير حساب ولا سابقة عذاب
كل التحيه للمرور الجميل واسعدني اعجابك بالنص

عمار محمود كتب:: لمعت جواك الضمير
مِ الاسئله
لجل اما توصل للكابوس الي علينا بيتفرض
دوبت فينا حلمنا
يا ابن الذي
كان طول حياته يعلمك
كيف السجود للأوليه
................

ععااااااااااااااااااااااااا
ايه الجمال ده
النص ده استفزني جدا برغم طوله حبتين لكن كنت راااائع
أحبك أحبك أحبك
بوسه مشبك بأه هههههههه

ههههههههههه عمار افندي هنا دا ايه الجمال دا
لا ومقتبس الي عارفه انك هتقتبسه لو دخلت ع النص فاهم دماغك وربنا يبني هههههه
سعيد ان النص عجبك يا صاحبي وكنت متوقع الجزء دا بالذات في النص يعلق معاك حفظتك يا عمار^-^
دايما منورني

عادل عوض سند كتب:: الله عليك يا احمد يا عبد الرازق

تصدق بالله . انت شاعر سوف تعلو مكانتك بسرعة البرق .

لكونك تكتب نفسك ولا تكتب غيرك .

هذا النص . وانا اقرأه كنت اتوقع ماذا سوف تقول فى الشطره التاليه .

ربما عشتك ولان كلماتك سلسه وهذا هو السهل الممتنع اعجبت بها

ورجعت بى عندما كنت اكتب قصيدتى { سبارتاكوس حلم العبيد }

الشطره تلو الاخرى شارحه ما قبلها وبعدها .

القصيده جميله جداّ يا احمد وانت برعت فى طرحها . واجدت سردها

واتقنت وزنها . ارفع لك القبعه ايها الشاعر .. الشاعر .

مودتى وتحيتى ...

موقف محرج جدا هو الذي اقف فيه الان بسبب هذا الاطراء الجميل الذي جاء من شخص متواضع وهو من هو ولهذه الثقه بشعري المتواضع التي حملت كتفي بثقلها من شاعر بحجم حضرتك فازداد همي ان اكون دائما عند حسن ظنك
الاب والمدرسه الشعريه/عادل عوض سند
لا يتعلم منك الشعراء الشباب بشعرك ونصحك فقط بل اعتقد انه يتوجب علي اي شاعر في حجمكم ان يتعلم منك انسانيتك وكيفيه تعاملك وانت من انت مع مختلف الناس
رد جاء فالجمني حسن التعبير في ردي لسعادتي الطاغيه علي اي احساس اخر
كل الشكر يا عم عادل علي تشجيعك الدائم ومتابعتك التي تشرفني ولو قصيدتي المتواضعه دي فكرتك بالشاعر عادل سند وهو يكتب رائعته التي قراتها اكثر من مره ولا ازال (سبارتكوس) فهو شرف لي
دمت بكل خير يا عمنا ولا حرمنا الله من بهاء طلتك

الشاعر الرائع احمد عبد الرازق
ما شاء الله عليك
وعلى صورك ووزنك ومفرادتك الغير
مستهلكة والله حاجة اخر روعة
تقبل مرورى واعجابى يا جميل
Very Happy

بسم الله ماشاء الله عليك يابوحميد ... أنا عايزك بقي تعلق بروزين في صفحتك مكتوب فيهم المعوذتين وبرواز كمان فيه أية الكرسي وبرواز فيه يس . وتطلق البخور عشان إنت كده يابني هتتحسد . وانا أول واحد هيحسدك. ههههههههه . بجد الله أكبر عليك يابني والله . تسلم الأيادي ياشاعر ياجامد . مع تحيات أخوك حسن الجمال.

الله يااحمد عليك .. ربنا يحميك يابني

لخصت مخاوفي وما يؤرقني بإبداع أعجز ان اصفه

انت شاعر كبير في المعني والإدراك .. كثير من الشعراء مازال غارقآ

في الفرح لإذنيه حتي لم يعد يسمع ما حوله

أتنبأ لك ان تتبؤ الشعر السياسي قريبآ ... وخد ياعم الرايه ولا يهمك

تحياتي ... وأسجل اعجابي الشديد لما طرحته

بسمة الورد كتب:: يارب يخرج مننا
في الفصل كان المجتهد
شب وعرف معنى العرق
عاين بعينه الي شقى
وساعتها تبقي الشقشقه
مش زيف ولا
فرض السياط
ويساوي بين فرش البساط
الأحمدي والأعجمي

كله راح يبقى تمام
وهيطلع الملك مننا وسط الزحام
لجل بلادنا وحضنها يصبح قوى
على المفترى
ناخد حقوقنا كلها متسلطنة
وساعتها نهتف بالهنا
انت وانا
اهو هو ده مالك ملوك المملكة

كلمات رائعه سلمت شاعرنا الرائع/احمد عبد الرازق

تقبل مرورى وكلماتى البسيطة

الشاعره/بسمة الورد
كل الشكر علي المرور الجميل دا
والمداخله الشعريه الجميله
اشكرك علي تلك الكلمات التي زينت الموضوع
دمتي بكل خير ولا حرمنا الله مرورك العاطر

طاهر الصوفاني كتب:: الله عليك وبس
ولاتعليق بعد اللي فوق

هههههههههههه حتي في ردودك مختلف
سعدت جدا بمرورك وباعجابك الذي وصلني من هذا الرد الذي قل ودل ووصل فأسعدني كثيرا
دمت بخير يا شاعر يا جميل

الشاعر محمود قطب كتب:: الشاعر الرائع احمد عبد الرازق
ما شاء الله عليك
وعلى صورك ووزنك ومفرادتك الغير
مستهلكة والله حاجة اخر روعة
تقبل مرورى واعجابى يا جميل

اتقبل ايه ياعم محمود طب انت بس متحرمناش المرور الجميل دا والله
مرورك محبب للقلب دائما دون اي مجاملات يا شاعرنا الجميل محمود قطب
واشكرك علي متابعتك الدائمه وتشجيعك الجميل
سعت باعجابك بالنص دمت بكل خير وابداع

حسن الجمال. كتب:: بسم الله ماشاء الله عليك يابوحميد ... أنا عايزك بقي تعلق بروزين في صفحتك مكتوب فيهم المعوذتين وبرواز كمان فيه أية الكرسي وبرواز فيه يس . وتطلق البخور عشان إنت كده يابني هتتحسد . وانا أول واحد هيحسدك. ههههههههه . بجد الله أكبر عليك يابني والله . تسلم الأيادي ياشاعر ياجامد . مع تحيات أخوك حسن الجمال.

ههههههههههههههههههههههههههههههههه يخرب عقلك يا حسون والله يبني انت من الناس الفاكهه الي هنا
لو انا حتي زي ما بتقول استاهل الحسد اصلا مش هيجي الحسد من حد متواضع وفنان وروحه حلوه زيك كدا من غير عقد
حبيبي يا ابو علي والله نورتني كعادتك يا صاحبي واحرجتني بزوقك الي متعودين عليه

م/عطية شواش كتب:: الله يااحمد عليك .. ربنا يحميك يابني

لخصت مخاوفي وما يؤرقني بإبداع أعجز ان اصفه

انت شاعر كبير في المعني والإدراك .. كثير من الشعراء مازال غارقآ

في الفرح لإذنيه حتي لم يعد يسمع ما حوله

أتنبأ لك ان تتبؤ الشعر السياسي قريبآ ... وخد ياعم الرايه ولا يهمك

تحياتي ... وأسجل اعجابي الشديد لما طرحته

لا لا لا المهندس عطيه شواش عندي هنا
انا لو اعرف ان النص دا هيخلي الاستاذ عادل سند يقول الي قاله ويخلي المهندس عطيه شواش بنفسه يدخل ودا في حد ذاته شرف وكمان يشجعني التشجيع دا كنت نزلت النص من غير مراجعه حتى اول ما خلص
يا عمنا وشاعرنا الكبير انا في غاية السعاده والله علي مرورك دا وكلامك الي علي قد ما اسعدني علي قد ما خوفني من مسؤولية ثقة حضرتك دي اني ما اكنش قدها في ماهو قادم
وبالنسبة لمبالغة زوق حضرتك وحكاية الرايه دي فردي هو:

الحوت هيفضل حوت

والسمكه بتعافر

ممكن فِ يوم تكبر

لكن مين قادر

انه يزق الحوت

بمزاجه يتاخر

حازر من الحيتان

لا فِ ثانيه تتاكل

سهل السمك ينصاد

صيد الحيتان عاسر

البلطي مالي السوق

والحوت مالوش شادر

اشكرك مره تانيه يا حوت قصدي يا عمنا عطيه
ربنا يجعل كلامنا خفيف علحيتان وانا عندي حوتين في نفس الصفحه والاتنين بحبهم والله
دمت بكل خير يا بشمهندس

كيف تم فك التثبيت لهذا النص

بعد يوم واحد فقط ..؟؟؟

هذا النص تم فكه بالامس بعد يوم واحد من التثبيت .

واظن ان الذى فكه لم يقرأه . او لم يعى مفهومه وجودة النص .

النص للتثبيت مرة اخرى . وإن فك تثبيته سوف اثبته مرات ومرات .

انا آسف يا احمد . فالذى فكه لايعى ما بين سطوره .

الله الله الله قصيدة جميلة ممتعة هزتنى من اعماقى قلت فيها كل حاجة جوانا والله
شكرا للمدهش الكبير احمد عبد الرازق دمت لنا ايها الفتى الشاعر

عادل عوض سند كتب:: كيف تم فك التثبيت لهذا النص

بعد يوم واحد فقط ..؟؟؟

هذا النص تم فكه بالامس بعد يوم واحد من التثبيت .

واظن ان الذى فكه لم يقرأه . او لم يعى مفهومه وجودة النص .

النص للتثبيت مرة اخرى . وإن فك تثبيته سوف اثبته مرات ومرات .

انا آسف يا احمد . فالذى فكه لايعى ما بين سطوره .

ياعم عادل حضرتك بتقول ايه بس انت بتحرجني جدا بزوقك دا والله انا مش هنكر اني استغربت من فك التثبيت بس قولت لنفسي بصراحه بعد الردود الي شوفتها من كل الشعرا الي بيهمني رأيهم وكمان بعد ردك ورد المهندس عطيه شواش قلت بلاش طمع والنص نجح الحمد لله
اعتقد انها اكيد زي ما حضرتك قلت اول فرض انه متقراش اصلا واكيد مش مقصوده يعني محدش فتحه وفك التثبيت اكيد بدون قصد
اشكرك ياعم عادل بجد والله وانا فعلا محبتكش من فراغ برغم اني لم اشتكي من تثبيت النص اتيت انت وتكلمت عنه منتهي الحياديه والحق
شكرا ليك يا عمنا وحصل خير الحمد لله

عادل صابر كتب:: الله الله الله قصيدة جميلة ممتعة هزتنى من اعماقى قلت فيها كل حاجة جوانا والله
شكرا للمدهش الكبير احمد عبد الرازق دمت لنا ايها الفتى الشاعر

والله تعليق شاعر فعلا دا نثر دا ياعم ولا شعر لسا متوزنش ههههه
الشاعر الجميل وعاشق الواو ومبدعه/عادل صابر
مرور جميل واسعدني بجد لما شعرت به من نصي المتواضع
دمت بكل خير وانتظرك دائما ان شاء الله

ايه يا ابنى الروعة دى كلها تسلم يا احمد تقبل مرورى

» نشرة أخبار
» فى أخبار الكتاب
» من أخبار الحمقى
» أخبار روما
» من كتاب ( أخبار الحمقى والمغفلين )