الامام ...اوباما والشعب المصرى

ومشى الإمام


يا شعب يا غايب.. قيام
كل ال حاضر وال غايب وال صاحى والنيام
كله.. قيام
كل الغلابة واليتامى والكبار ال ف أيديهم قوت شعوبهم
والمشايخ والكرام
قيام.. قيام
راح ييجى من البلد – الصديقة- رجل همام
دا مش كلينتون أو - عديم الذمة - بوش
قال ايه؟!! .. اوباما ..
قالوا هو دا الإمام !!!!

*****

ده جاى يشوف بلد الفراعنة الميتين
والخلق بيهم مبهورين
ويشوف حضارة شيدوها للسنين
ويشوف طريقنا ف السياسة والصناعة
.. والزراعة والعلوم
ويشوف إدارة – مستنيرة - للمشاكل والهموم
ويشوف - تقدمنا - العظيم
ونظير كدا.. ناخد التمن..
نطلب حاجات تكفى الزمن
الشعب يطلب والحكومة واى شئ !!
وبدل ما نشحت في المنح
وحياءنا دايما ينجرح
نطلب ما نبغى مل الإمام ..ال تعوزوه

*****
تعظيم سلام...
أيدكم وراكم .. عينكو على الأرض ...وسكوت
من غير كلام
غير بالأوامر... وال مش حيكون مؤدب ؟!!
يفتكر صوت الحزام
وف صف واحد ف الطابور
يمين شمال وشمال يمين
خطوة أمام خطوات ورا
وجلوس جميعا ع التراب
من غير زحام

*****
يقف الإمام .. رجل السلام
تحنوا الظهور
وتوطوا راسكم للأمام
علشان نحنن قلب مولانا الهمام
واحد ورا التانى يقف
ويقول بكل خشوع .... رجاه
إيه رغبته أو إيه مناه
كل ال نفسه ف الحياة ..
وبالنظام..

*****

جمعة الفقير : إيه رغبتك؟؟؟
أنا عندي دسته من الولاد
متشتتين بين البلاد زي الجراد
ومراتى تعبانه ورقاد
ومرتبي ماتين جنية
هيكفوا أبه ؟
أكل الولاد؟؟
أم الولاد؟؟
دوراني ع الرزق الحلال بين البلاد؟؟؟
عيزين يادوب كام كيلوا فول!!
وشوال طحين!!
والله يطول عمر أسيادنا الكبار
المسؤولين الطيبين!!!

******

عبدة الغفير: إيه رغبتك؟؟؟
يا بيه أنا بحرس يوماتى ف قريتي
العمدة وزريبته الكبيرة والبهايم والغنم
قاعد كدا زي الصنم
ولا عندي حتى حمار صغير أو خروف
ولا شبر ارض ودنيتى مليانه خوف
ليموت أبويا وينقطع عنا المعاش
واضيع أنا وأمي ببلاش
أنا نفسي لو فى - حمار- يا بيه
يركبها أبويا وهو رايح للمدينة ال بعيد
يصرف معاشه من البريد
والله يطول عمر أسيادنا الكبار .. المسؤولين الطيبين !!!

******

صابرة اليتيمة: عايزه إيه ؟؟؟
أنا بشتغل شغالة ف بيوت الكبار
ضهرى اتقطم م الشغل وياهم يا باشا ليل نهار
ما بشوفش زوجي وخلفتى.. لسه صغار
أنا نفسي تأمرهم يا بيه
لو يسمحولى - بوجبة حلوة- زيهم
يا رب حتى تبقى فاضله منهم
أنا بطنى دابت م المخلل والفلافل كل يوم
والله يطول عمر أسيادنا الكبار.. المسؤولين الطيبين!!!

******
سكوت سكوت
فين الكبار
هو الإمام فاضي لسماع حبة صغار؟؟
عايزين بشر
حبة كبار يتكلموا
فين الكبار؟؟؟
خايفين يا بيه يتكلموا !!
بعد الإمام ما حيمشى دول يتكمموا !!
حتى الولاد يتيتموا
حيقولوا إيه؟؟
يا بيه خلاص دول سلموا !!
رفعم ايديهم للحكومة وتمموا !!
لا حيقدروا يعيبوا ويا دوب...
حيتمتموا !!!
******

مين ف الطابور غير الغلابة والكبار
عايزين يا بيه طوابير كتير؟؟
نص البلد ؟؟ ملايين كتير يتكلموا؟؟
روحوا المساجد والسجون!!
حتلاقوا خلق بجد ناس!!
هتلاقى ناس حطت هموما ف الصلاة
بين ايد اله
هو ال يقدر يكسر الظالم ويحمى المظلومين
هو ال يقدر يدى للفقرا الحياة
وتلاقى ناس حرة كريمة مقيدين
بين الزنازن بالحديد
زي العبيد
الدنيا ضاقت فوق رؤوسهم لما قالوا الحق فين؟!
والخير بتاع كل البلد بيروح لمين؟!
عيزين نعيش .. ونعيش منين؟!
مسدود طريقنا وفوق رؤوسنا الجزارين
راكبين علينا الجلادين
هتلاقى م الناس دول كتير
ملايين وعايشة ف الظلام
اصل الظلام هو المكان ال تعيش فيه بالأمان !!
من غير لجام !!

*****
ومشى الإمام
من غير سلام
لا سمع غلابة ولا كبار
ولا صوت جريء
بين السجون مظلوم بريء
دول ناس ما تعرف غير تناجى ربهم
هو ال عالم سرهم
هو ال حيحقق مناهم.. حلمهم

*****

فضلت هموم الخلق ساكنه فى الضلوع
ماتت مناهم جف دمع العين..
ودبلت م الخضوع
مستنيين بين الرجا وبين الخشوع
حتى الجماعة المسؤولين
دول زيهم ناس مغلوبين !!
لكنهم متكممين!!
بس ال يفرقهم عن الناس الغلابة انهم
مدلعين !!
واخدين نصيبهم م البلد ومهيصين !!

*****

علشان كدا كل البلد مستنيين
يرجع إمام تانى من جديد
يمكن قريب أو بعيد
أو حتى م البلد الغريب
ويحقق الحلم العجيب
تعليم سليم
علشان نشوف .. إنسان كريم
الخوف مفيش .. والناس تعيش
يا دوب تعيش

*****


جمال نصير فى 29/5/2009

عادل عوض سند كتب:

الاستاذ الشاعر

جمال نصير

ارحب بك اولا فى بيتك الثانى .

وبين اخوتك واسرتك الادبيه .

ونحن بصدد شاعر جيد لديه الفكر ويمتلك مقومات

كتابة القصيده الكامله .

قصيدة تعارف جميله وننتظر منك اعمالاّ اخرى

للمزيد من التعرف . رغم ان نقطة دم تكفى لمعرفة الفصيله .

مودتى وتحيتى ...

الاستاذ الفاضل عادل
جئت اليكم عبر طريق طويل وانا احمل اليكم اشعارى وهمومى وتعب السفر الطويل .. وقد نصحنى احد الشعراء بزيارتكم وفعلا ذهبت واضطلعت فوجدت هنا شعرا يقرأ فقررت البقاء معكم واتمنى ان اجد لديكم ما ابحث عنه وكلى امل فى ذلك .. شكرت مسبقا على ترحيبك الكريم بى ودمتم بكل خير وتقدم

اهلا وسهلا بشاعر قدير

يمتلك زمام الكلمة والفكرة

ابداعك متميز

دام الابداع

دمت مبدعا يا سيد \جمال

أحمد رجب معيط كتب:

اهلا وسهلا بشاعر قدير

يمتلك زمام الكلمة والفكرة

ابداعك متميز

دام الابداع

اخى احمد رجب
شكرا يليق بتشريفك لمتصفحى .. شرفت بك وبانتمائى اليكم هنا

سلامه رجب سلامه كتب:

دمت مبدعا يا سيد \جمال

ادام الله خيره عليك اخى سلامة.. وشكرا على تكرمك بالزيارة

ايه رايكم يا جماعة.. القصيدة دى كتبت منذ اكثر من ثلاث سنوات.. فهل جاء الامام الذى ننتظره ؟؟؟ عايز رايكم

دام الابداع أيها الشاعر الرائع ..
كلمات معبرة ومكتوبة بعناية
تقبل اعجابي وتقديري

محمد الفاضل كتب:

دام الابداع أيها الشاعر الرائع ..
كلمات معبرة ومكتوبة بعناية
تقبل اعجابي وتقديري

محمد الفاضل.
اخى الشاعر السورى .. سعدت بمرورك .. فتقبل منى تحياتى وتقديرى

م/عطية شواش كتب:

احسنت ياشاعر مرحبا بك بين شعراء كبار في منتدي عاطف الجندي

تثبت بواسطتي تحياتي

م/عطية شواش.. شرف لى سيدى تواجدك هنا على متصفحى.. وشرف لى ثقتك فى القصيدة وتثبيتك لها .. وشرف لى ان اكون هنا فى منتدى لايجمع الا شعراء اتعلم منهم .. واتمنى ان اكون على المستوى الذى يليق بكم وبمنتداكم المحترم هذا.. شكرا لك سيدى الكريم

شاعر كبير
متمكن
نفس شعري طويل
ثقافة وطنية واسعة
مهموم بكل التعبانين
جميل الصيافة والأسلوب
أحييك ايها الشاعرالكبير
مرحبا بك
موتى

عاطف عاشور كتب:

شاعر كبير
متمكن
نفس شعري طويل
ثقافة وطنية واسعة
مهموم بكل التعبانين
جميل الصيافة والأسلوب
أحييك ايها الشاعرالكبير
مرحبا بك
مو تى

شاعرنا الكبير عاطف.. واين انا منكم هنا اخى .. ولكنه التواضع فقط من اساتذة كبار مثلكم .. ادام الله فضله عليكم وزادكم من علمه وكرمه.. شرفتنى بزيارتك الكريمة

عارف انا برضه كتبت رسالة لأوباما
للاسف لم اجد ما بررلى حسن الظن ساعتها
هذه هى القصيدة
إلى أوباما

لو كنت صحيح
بتحب الله
خليك وياه
سيبك م الديب الغدّار
واحذر م اللى وراه
خد منهم حذرك
أحلامك لو نبعت منهم
أنهار العالم هاتجف
أعماله وأقواله
كانت عكس أوامر الله
جده ال كان
موش طيب عــبّاه
بالكره لكل عباد الله
غرس الحزن
فى كل صدور الناس
القاتل والمجرم هو
واحنا وأهله جميعا
ضحاياه
أنا حاسس إنك طيب
وعليك خايف من ذلك
مين ها يسيبك
سالك ؟
فى دروب النور
حاسب يرموا
عليك النار
أو يزرعوا قلبك شوك
مسكين والله يا ولد العم
ورثت بلاوى كتير
ظلم ونهب
وغدر ودم
من قبلك خربوها بلاد
دعوات الناس
المشتاقة لضى
جايز تحميك
أوعى تذوق
فى عينيك خطاياهم
وبلاش تنصرهم
على دينهم
الدين الآمر بالمعروف
هجروه
أطماعهم داست ضمايرهم
هدموا اللى بناه الرب
وبيبنوا ممالك شر
فوق جثث الأحلام البيضا
من أجل الله
والناس
أوعى تصيبك أوهامهم
أو تبقى معاهم
لو خانوا الله
مين فيهم
ها يعيش
لو عم الخير ؟

اخى عبد الرحمن .. كلنا وثقنا فى اوباما وللاسف نسينا انه لن ترضى عنا الا ان نكون يهودا .. وانخدعنا فيه لجهلنا ... عملك جميل .. احسنت اخى

تحياتى و تقديري
أخى الرائع
تقبل مرورى