ماعت ( محاولة فى العامية )

فين العدالة ف أرضنا
متقولى يا ماعت
ليه العدالة عندنا
فى كل شىء ماعت
أموالنا ضاعت فى الهوا
وبيوتنا واتباعت
واما سألنا ع الحقوق
قالوا الحقوق ضاعت
.........................
من إمتى كنتى بتسرقى
عرق الرجال ياامه
من إمتى كنتى بتمنعى
عنهم دفا الضمة
وازاى قدرتى تفرقى
العيلة واللمة
دا انا كنت فاكر حنانك
هيجمع الأمة
.........................
ليه لما قمنا نشتكى
سديتى أنفاسنا
وقصفتى قلمى اللى باقى
وقطعتى كراسنا
سممتى بق الزمن
لما الزمن باسنا
ليه بس بعتى الأمل
وكويتى إحساسنا
...................
ليه بس بتفننى
ف الظلم يا أمى
عمرى ما هوش شغلتك
همك ما هوش همى
يا أمى حسى بجراحى
حسى بقى بدمى
لو كان فى عمرى بقية
بيا بقى اهتمى
..............................
.............................

أول المارين أخوك و تلميذك عاطف

جميل أوي يا صديقي و أستاذي الدرعمي

حلو أوي استخدامك لاسم الالهة المصرية القديمة و توظيفك ليه

ماشاء الله

فصحي و عامية وقصة

ربنا يزيدك من الجمال و التألق

جميلة اخي عماد

ولكن الاجواء ليست جميلة

تقديري واحترامي

وودي

نورت صفحة العاميه يا استاذ عماد

بسم الله ماشاء الله . نسرح احنا بقى بعرقسوس .

هههههههههههههههههههههههههههههههههه

ماشى يا عمنا . اسمح لى اثبت النص قبله .

ولى عودة له للحديث عن روعته .

مودتى وتحيتى ...

عمدة الجميل
بعد الفصحى و القصة
ها أنت تدخل لمجال العامية
جميل
لكن
شوفت عمك عادل بيقول أيه ؟
موضوع العرقسوس ده مفيد و الله يا عادل
و يا سلام لو سوبيا معاه
أهى حاجة بعد المعاش
هههههههههههههه

عاطف الجندى كتب:: عمدة الجميل
بعد الفصحى و القصة
ها أنت تدخل لمجال العامية
جميل
لكن
شوفت عمك عادل بيقول أيه ؟
موضوع العرقسوس ده مفيد و الله يا عادل
و يا سلام لو سوبيا معاه
أهى حاجة بعد المعاش
هههههههههههههه

طب شوفلنا حته فى التحرير

نقفوا فيها . وانت معايا طبعا ..

ههههههههههههههههههههههههههههههههه

علشات تلم الغله ..

منتظرك ..

شكرا لكم جميعا ويا رب تكون عجبتكم بجد

أخي الحبيب عماد عناني

لو أنزلقت رجلك في موضوع العامية مش حتقدر تطلع منه زي حالاتي ههههههه

جميلة محاولاتك الاولي وأعتقد ستعقبها محاولات كثيرة فالعامية لها لذتها

التي لن تنساها

أحيي عملك الجميل وأهلا بك في العامية .. أما أنا فسوف اساعد عادل

في تحضير العرقسوس والسوبيا

صباحك جميل

اخى العزيز الشاعر الكبير المتألق دائما
استاذنا الفاضل عماد عنانى

تحياتى وتقديرى وشكرا على امتاعنا بتلك القصيدة الجميلة وتلك المحاولة الرائعة فى العامية . كل الجمال دا ومحاولة .

دمت بكل خير ومحبة وسعادة ودام ابداعك الرائع .

» شعراء العامية يشاركون فى مهرجان العامية غدا
» مجرد ...محاولة
» محاولة تعقيم !
» مجرد محاولة ( مثلث صعيدى )
» محاولة للنقد