ياربنا الواحد

زائر

ياربنا الواحد
اجمعنا على الواحد
واجعلنا نتواحد
دا اصلنا واحد
والفُرقه مش واحد
أحفظ لنا مصرنا
وأجبر لنا كسرنا
ويسر لنا عُسرنا
بلدنا دى عُمرنا
ف روحنا وف قلبنا
مسلم مع لاقبطى
بنحبها كلنا
يارب يسر لنا
نختار اللى يصلح لنا
واللى يحفظ امننا
واللى ما يسرق مننا
ويحفظ كرامة أُمنا
يكون اخونا وعمنا
ويحفظ كرامة شعبنا
ويصون حياتنا ودمنا
ولما صعب يخصنا
ينزل لنا
ويقول لنا
ويوم ما نطلب منه شىء
يكبر لنا
يسمع لنا
ويعزنا
لانه طالع مننا
وكُلنا واحد
ياربنا الواحد
اجمعنا على الواحد
واجعلنا نتواحد
دا اصلنا واحد
والفُرقه مش واحد
أحزابنا بتفرَّقَ
بتغرب وبتشرَّق
والفُرقه بتأرَّق
والغُوله تستنى
تاكل وبتبرَّق
اصل الشيطان قاعد
ولا مرِّه يتطَّرَّق
بيسوِّدالصُورَه
بيغمَّق وبيزَرَّق
ولما يمتلك واحد
بيقتِّل وبيسرَّق
اصل الشيطان أعمى
ولا عُمره بيفرَّق
ولما يمتلك قلبُه
بيقَتِّل وبيغَرَّق
بيهَدَّم وبيحَرَّق
وشجرة المعصيه
بالذنب بتوَرَّق
أهدينا يارب
العاصى والجَاحد
ياربنا الواحد
اجمعنا على الواحد
واجعلنا نتواحد
دا اصلنا واحد
والفُرقه مش واحد

زائر

ياربنا الواحد
اجمعنا على الواحد
واجعلنا نتواحد
دا اصلنا واحد
والفُرقه مش واحد

آمين يارب جمعنا على الحق

ولا تسلط علينا من لا يخافك ولا يرحمنا .

اخى عطيه تقبل مرورى على نصك الجميل .

مودتى وتحيتى ...

اللهم آميين

كلمات ما اجملها

سلمت يمينك

دام الابداع

أخى عطية
شكرا لهذا العمل الجيد
أحسنت أيها الراقي

» أنا شاعر
» صائد العيون
» نزوه الواحد اكيد
» شكوي من محمد عبد الواحد
» قصيدة : بحلم